本帖最後由 avery 於 2012-1-5 13:07 編輯
fatman 發表於 2012-1-4 19:45
香港寸金尺土,推廣食蟲唔易ga.
尤其是D豬....
一般家庭没可能為種豬搭建一個溫室,到最後得睇字.
我第一樣掂既食蟲係豬,豬推廣唔到我五年前已經知道,原種豬除左少數唔算大又適應到室內環境既品種之外,中高海拔既原種豬冇合適既條件可以話冇機會搞得掂,底葉越退越多,新葉越出越慢,莖部褐化唔結籠,一年比一年生勢差,逆天勉強為之通常頂到一至兩年就逐步衰竭死亡,如果諗住博一鋪果D死得更快,通常植株越大死得越快,之前聼D新手響外面團購完猛響度問點解唔結籠,對我黎講完全係估計之內
要睇到高地種既特色唯一可能性係種較易適應低地環境既雜交種
豬我幾乎已經唔再種高地原種,BE既高海拔原種我幾乎都種過哂,仲係至少5棵10棵咁買,至今我可以講已經冇幾多剩低,所以BE豬我已經冇訂兩年幾,奇怪而家竟然仲有人後知後覺一窩蜂去訂,結果我諗顯然易見,只係時間問題 ~
有D仲癲到冬天又乾又凍果陣學人入低地豬 ... 自己有折頭打, 有水濕腳, 都唔係咁害人架 .... |