森記樂園 - 網紋瓜 （19/12更新）

感謝各位花友的支持及意見. 現在花園內已有五大盤種植. 會陸續抽空分享.

首先是在這裡得到花友相贈的網紋瓜, 如無記得係9月下種, 近一星期左右開始結果了.

左手面前後兩盤是小型白蜜瓜, 每株可留4果; 右手面是靜崗蜜瓜, 每株留一果



靜崗蜜瓜結果了~

不過要請教大家, 最近發覺近下方的葉有點問題, 有些會漸漸變黃, 最後枯了, 有些好像有白色粉狀在表面, 是不是大問題呢?

底部的葉會漸變黃如下圖





上方的葉是正常綠色, 但好像有又底下向上漫延的感覺, 有點擔心

"森記樂園" 我以為你講花墟嗰間"三木" tim~~
原來你叫亞 sam....

嘩...咁快咁大棵架?
D泥高幾CM架?

森記~

歡迎加入種毒樂園~

白色粉狀是感染白粉病了，快d用消毒火酒清潔有粉d地方啦~

samkee  哈, 已來了三個多月學習中, 近來第一次種的有點收成才夠膽出POST總結下亂來的成果~  發表於 6 分鐘前

其實你都好叻~大家d蜜瓜都好似冇乜起色啵~

BanbieChan 發表於 2011-11-27 19:54
白色粉狀是感染白粉病了，快d用消毒火酒清潔有粉d地方啦~

想請問一下用火酒抹完仲有無野要再做呢? 真係乜都唔識

我好好彩, 每株都有結到果, 睇住佢漸漸大, 但就出來白粉病,  是否大問題呢? 請各位指教點救亡.

睇有D POST話噴蘇打粉(稀200-800倍), 是否有用呢?

samkee 發表於 2011-11-27 20:15
想請問一下用火酒抹完仲有無野要再做呢? 真係乜都唔識

我好好彩, 每株都有結到果, 睇住佢漸漸大, 但就出 ...

聽d美女農友講白粉病~一般用消毒火酒抹過就解決到架喇~

如果你d蜜瓜嘅病情惡化~你再post上嚟研究啦~

蜜瓜而家好似唔o岩季節種wor, 不過你個瓜柵點 set ga?

我其中兩棵都有白粉病, d 葉都俾我剪到八八九九
不過算啦,今個星期五都有寒潮殺到
就算醫返好都肯定會凍死
捱到十二月都捱唔過一年之中最凍既一月
都係留返心機下年三,四月再黎過仲好呀

robokon 發表於 2011-11-29 13:30
記得聽日再匯報情況俾大家知呀，我上網睇到係用1000份水加十份植物油再加一份植物洗潔精黎噴，試過都唔得 ...

現在都係儘量醫，因為每棵都有結果了，希望捱到D果大

今朝都有酒精抹過下，太黃的葉已摘走
早上及中午都噴濕D葉，務求就算有胞子也可沖走，還幸頂部的葉感染輕微，希望拯救及時。
另外，有說益菌也有幫助，因我有做廚餘，所以在水內加入了少量肥水噴葉，事到緊急就乜都試下

samkee 發表於 2011-11-29 02:37
今日進展：
﹣剪掉了有太多白點及變黃的葉
﹣用火酒清先了有少量白點的葉

記得聽日再匯報情況俾大家知呀，我上網睇到係用1000份水加十份植物油再加一份植物洗潔精黎噴，試過都唔得既，又試過100份水加一份滴露黎試，都係無用，如果用酒精直接去抹，真係擔心會搞c棵野喔

samkee 發表於 2011-11-27 19:46
不過要請教大家, 最近發覺近下方的葉有點問題, 有些會漸漸變黃, 最後枯了, 有些好像有白色粉狀在表面, 是不 ...

怎樣了?

我有兩棵都有! 醫到我都冇咩心機, 最慘係佢不斷開花, 仲要有花女, 但係又授唔到粉.
依家d葉都剪到七七八八, 如果有結果先再醫, 冇就...

今日進展：
﹣剪掉了有太多白點及變黃的葉
﹣用火酒清先了有少量白點的葉
﹣發現底部的莖也有白粉附著，用火酒抹走
﹣噴水在葉面，希望儘量沖走白粉的胞子

另外想問：
暫時只發現種瓜這個防蟲網內有白粉病
隔離有另一防蟲網種的植物：羅漢松，百里香，羅勒等好似無乜問題。是否需要移遠一些呢？

另外，想問一下，現在網紋瓜結果，果是不是不要沾到水呢？還是沾到水也沒有問題？

這是未來會主戰的田
掘了兩個多月（間歇慢慢掘），掘了約1尺半深，掘走很多大及碎石，以及不少工程廢料，以及清走部份黏土，
再重鋪新土壤。相中的還未鋪夠泥土，又要再做苦力買多幾包泥
邊邊使用裝修剩下來的地磚間位。
仲要用膠喉整個大防虫網...漫長的工程.....

samkee 發表於 2011-11-29 02:45
另外想問：
暫時只發現種瓜這個防蟲網內有白粉病
隔離有另一防蟲網種的植物：羅漢松，百里香，羅勒等好似無 ...

最好, 因為白粉病會傳染.
可唔可以沾水我都唔知, 不過通常我會咁諗, 如果是生長在自然環境, 是可以不沾水嗎?

森記

有時間的話，可以再刨下post吖~

農作物種植時間表~

http://hkplants.com/thread-271-1-1.html

植物病毒~

http://hkplants.com/thread-22613-1-1.html