仙人掌什麼時候澆水？

我每次種仙人掌，結果一定是爛掉的，因為怕長時間不澆水，仙人掌會因為過乾而死……

其實，怎樣判斷仙人掌什麼時候澆水？

仙人掌有好強o既耐罕能力 所以其實唔洗擔心佢會過乾而死
就算仙人掌乾到皺皮 只要你淋返水 就會變返肥仔架啦
所以寧乾勿濕!!!!
無太陽唔就唔好淋 或者淋少D 唔係好易中招
我習慣每兩三日淋一次 D泥未乾晒就一定唔會淋

原帖由 simon780 於 2008-3-27 21:31 發表
仙人掌有好強o既耐罕能力 所以其實唔洗擔心佢會過乾而死
就算仙人掌乾到皺皮 只要你淋返水 就會變返肥仔架啦
所以寧乾勿濕!!!!
無太陽唔就唔好淋 或者淋少D 唔係好易中招
我習慣每兩三日淋一次 D泥未乾晒就一定唔會 ...

咁如果仙人掌乾到皺皮，應該一次過淋多ｄ水定分幾日，每次淋少少水呀？
因為我試過一次，仙人掌乾到皺皮（唔敢淋水嘛），淋水之後，就發現爛左啦（幾個禮拜左右）……
仲有仲有，仙人掌每次應該淋幾多水？？

唔好意思，好鍾意仙人掌，但次次種都死，所以就問多幾條問題……

[ 本帖最後由 悠遊鳥 於 2008-3-27 22:07 編輯 ]

就算到皺皮都要少少咁淋 要忍手 再放係D陽光無咁猛o既地方
等佢慢慢吸收返D水份
同埋淋幾多水要睇天氣濕度 你用乜野介質 溫度 係唔係生長期
要慢慢摸~~ 好似香港咁 冬天咁暖 又好陽光 天氣又乾懆 可以淋多少少

如果你唔知o個種仙人掌要幾多水份 你可以每次淋好少好少水
再觀察 覺得佢唔係咁夠o既 就每次淋多少少 慢慢觀察

我公司的仙仙種了2年多....
一直放在空氣風口位置....
只噴過幾次水都生得很健康...
最近拿了回家準備換泥....

兩年幾 噴幾次水 咁恐怖~~

這就是一直放在公司的仙仙
還很健康喔...嘿嘿

開花期間係咪要淋多o的水o架 ?

在香港,苦种植场所的光照充足:
夏天--一两个星期一次
冬天--一个月一次

原帖由 龍劍飛 於 2008-3-28 00:55 發表
開花期間係咪要淋多o的水o架 ?

晤使

咁開完花後, 駛唔駛落肥料補充番養份?

一天看三次,三天澆一次,它一定當仙.
要看看自己使用的介質, 種植的環境, 種的品種, 再體驗多久澆一次或是澆多少.
如果露天種植----介質乾透, 植株精神不好(垂頭喪氣), 用手稱稱花盆, 感覺很輕, 那就要澆水, 水要澆透,盆底要出水, 第二天可以再澆一次, (補充盆中沒水的死角) 但是天氣不好時, 澆水就要恰到好處, 最好參考一下氣象局的天氣預報, 澆水後4-5天不要下雨.
還有一種方法就是用沈水的方法, 將花盆沈在另外一個水盆中, 水位約為盆的3/1到1/2, 只要植株的下部有水, 上面保持乾燥.
肥料一般用花寶, 稀釋1/1000生長期7-10天用一次, 開花後, 應該可以補一下, 至少可以安慰一下自己, 說真的, 肥料不足不會開花, 甚至生長不好.