本帖最後由 jellyfishy 於 2011-11-2 00:06 編輯
我想起...
中七自修那年, 快到聖誕節的一晚, 媽媽靜雞雞拉我入房, 拿住本紅薄仔.
媽: 阿女, 你大個女喇, 我咁多個仔女, 以前最唔睇好你讀書讀得成, 所以你中三時, 我就送你sax做聖誕禮物, 諗住你第日有門技藝, 估唔到你越讀越肯讀, 仲無問過我, 自己去報美國的大學和英文試, 居然你d成績夠高入到好學校, 仲好過哥哥姐姐. 我知你唔想走, 但如果jupas 派得唔好, 都唔好夾硬留响香港, 我呢度有d錢, 應該夠你頭兩年, 你到時去到美國, 要靠自己搵下part time, 四年應該都夠食既...
我當時好感動, 我和媽咪講, 我唔會再諗要入乜野學校, 我會向前衝, 去到盡, 唔理成績最後點, 我會盡所有方法讀好d書.
那年成績雖然唔係十分好, 但成績足夠入jupas 1st choice -- HKU ~
當日收到信時, 我媽當場喊左出來. 那時我番緊暑期工, 收到她電話, 我都忍唔住喊.... |