賽滅寧

在花卉店看到「賽滅寧 Cypermethrin 」，說是除蟲，可用在花果。
請問是否真的可用在花果?
但我好驚，因為個樽寫住毒藥

要除蟲，因為我塊田，焗田焗了7日，冇蟲，仲落防蟲網。
但開始耕後一個星期，就已經成塊田都係蟲...
成塊田，佈滿蟻﹑百虫

有一晚，去照田，更發現，地少少只有40尺，竟然有最少10條鼻涕虫
已經連續幾晚去捉鼻涕虫，但所有菜苗，一個星期內，全部「人間蒸發」消失了。
泥面，仲經常留有乒乓球大小的洞，不知是什麼在泥入面「捐出黎」

而家只係得粟米苗﹑蘿蔔苗冇事。但菜苗已經被食晒，我驚下一步就輪到蘿蔔苗「人間消失」
我已經焗田，落防蟲網，但都咁，都吾知點好
唯有想，用藥搞掂....

Cypermethrin 是合成除蟲菊酯，算係對昆蟲高毒，對動物低毒的殺蟲藥。如果你非要同毒藥不可，除咗有機農藥，應該就係除蟲菊脂類比較安全。

wiki 咁講：
氯氰菊酯，又名滅百可、興棉寶、安綠寶、賽滅靈，是常用的殺蟲劑。
氯氰菊酯常以黃色至琥珀色粘稠液體呈現，雖然難溶解於水，但能溶解於有機溶劑，例如醇類、氯代烴類、酮類、環己烷、苯、二甲苯等等。雖然它在土壤和植物上容易分解，但是一種速效神經毒素。
它具觸殺和胃毒作用，對光熱都穩定，藥效比氯菊酯高，適用於防蟲殺蟲，例如蠅類、蚊類和蚋屬等昆蟲。

其實 鼻涕虫 可以用 啤酒誘捕，蟻 和 千足虫 其實可以不理 (我會有蚜蟲才去殺蟻)

孖吉:謝謝。

我今早拎住樽藥在田邊睇，始終殺虫水，係毒藥，好驚。大家商量後，都係吾敢用，打算收埋。
點知..........'冼'手.............跌落田邊的石屎地，倒了約2湯匙落地.....
即刻用大量水沖淡﹑沖走。
搞了一輪，終於冇殺虫水味。

點知，突然一大群小強，吾知邊度，空群而出，飛出黎呀
眾人，一齊走避
但卻有一群雀仔，飛埋黎，追捕小強.....

又搞一輪，打算走啦，點知，發現很多鼻涕虫在泥裏'捐'出黎
於是，又要捉虫。

捉完，發現一堆堆百虫，在地上典典下!!

果40平方尺田，咁多害虫

今早真經典......

最後，掉了那樽藥