今日遇見天使

 關閉 [複製鏈接]
作者: 小餘 发表于 2007-7-21 16:13:58
2091 9
今日晏晝小餘放工搭火車返屋企途中已經覺得好唔舒服.......冒冷汗,好想嘔,覺得成個人冇乜力!!

(仲有3個站就落車.......好想快啲到,唔想喺火車度嘔呀!太難睇喇! ........)

勉強忍得到冇嘔!一落火車行埋個垃圾筒度就嘔,其實只係有幾嘢嘔嘅反應,但就淨係嘔空氣啫!不過幾辛苦吓!!

坐低休息,因為已經乏力到行唔到,覺得好虛好暈,好辛苦.......!!!

第二班火車到站喇,有一個著綠色衫嘅女子行過,見到我呢個面青口唇白嘅女仔坐喺度好似就嚟暈咁,

所以個姐姐問小餘:[駛唔駛幫手?^^], 我自己都唔知有乜嘢先可以幫到我 所以撐起笑容然後搖頭^^

跟住佢問我要唔要藥油,我諗咗一陣然後答:[都好吖!唔該^^]

佢搵到之後,我諗住接過支藥油,但個姐姐話幫我搽.........唔知點解我果陣冇拒絕,

可能得番半條命仔,已經唔識得唔好意思喇

個好人姐姐幫小餘搽藥油之餘,仲幫小餘按摩個額頭同太陽穴添呀^^太溫柔喇

搽完之後我已經好返好多^^道謝果陣忍唔住同佢講咗句:[你好溫柔呀^^]

好人姐姐關心咁問我:[駛唔駛叫屋企人嚟接你呀^^]........走前仲好親切咁叫我take care添呀^^

太好人喇,小餘俾10個good你





遇到好人好事........值得同大家分享
八王爺 發表於 2007-7-21 17:24:06 |顯示全部樓層
下次記得問人 鍾唔鍾意种花,招攬佢來一齊玩!
xchoix 發表於 2007-7-21 17:45:05 |顯示全部樓層
好好人啊...我自問都做唔到咁好人
tata 發表於 2007-7-22 00:02:38 |顯示全部樓層
我好衰呀, 我頭先一路睇以為係迷暈黨呀~ 好彩係喺月台咋, 如果唔係真係驚架, 依家真係無呢啲好人啦~ 佢真係天使呀,仲按埋摩喎~ 我都有試過呀, 好驚架~下次第一時間搵地方坐吓飲啖水會好啲架~ 我喺十幾年前就無你咁好彩喇~我喺巴士站見暈, 跟住眼前一黒同標冷汗, 即刻扶住欄杆, 但係隻耳仔已經聽唔到嘢同睇唔到嘢, 個腦就仲清醒, 後來見好番啲, 隻耳就開番, 跟住就聽到巴士撻撻聲(落錢聲), 當我醒番嘅時候原來啲人(本來成條龍係人, 我排中間)已經上晒車, 仲喺架巴士上面望番落嚟望住我, 嗰一刻真係覺得人情冷暖呀
小餘 發表於 2007-7-22 03:38:00 |顯示全部樓層
原帖由 八王爺 於 2007-7-21 17:24 發表
下次記得問人 鍾唔鍾意种花,招攬佢來一齊玩!

好似好冒昧咁喎
小餘 發表於 2007-7-22 03:57:23 |顯示全部樓層
原帖由 krista 於 2007-7-22 00:02 發表
我好衰呀, 我頭先一路睇以為係迷暈黨呀~ 好彩係喺月台咋, 如果唔係真係驚架, 依家真係無呢啲好人啦~ 佢真係天使呀,仲按埋摩喎~ 我都有試過呀, 好驚架~下次第一時間搵地方坐吓飲啖水會好啲架~ 我喺十幾年前就無你咁好 ...

(好彩係喺月台咋, 如果唔係真係驚架)...........喺香港就算暈喺街應該都唔會好危險嘅
香港人見到有人暈或者唔舒服,總會有啲熱心啲嘅出嚟幫吓忙嘅
不過就未必有好似今日遇到果個好人姐姐咁體貼囉
(下次第一時間搵地方坐吓飲啖水會好啲架).........今日嘅情況真係唔太好
如果仲起身行嘅話,都幾大可能即刻會撻低
(當我醒番嘅時候原來啲人(本來成條龍係人, 我排中間)已經上晒車, 仲喺架巴士上面望番落嚟望住我,
嗰一刻真係覺得人情冷暖呀)...........咁又真係幾人情冷暖吓播
cross 發表於 2007-7-22 10:57:27 |顯示全部樓層
原帖由 小餘 於 2007-7-22 03:57 發表

(好彩係喺月台咋, 如果唔係真係驚架)...........喺香港就算暈喺街應該都唔會好危險嘅
香港人見到有人暈或者唔舒服,總會有啲熱心啲嘅出嚟幫吓忙嘅
不過就未必有好似今日遇到果個好人姐姐咁體貼囉:lo ...

你好彩..我諗我只可以咁講
小餘 發表於 2007-7-22 11:08:23 |顯示全部樓層
原帖由 過兒 於 2007-7-22 10:57 發表

你好彩..我諗我只可以咁講

香港人其實都幾好架 如果係國內就........ (可能因為聽得太多國內嘅負面嘢啦,都有少少偏見架  )
聽講過......(喺國內暈低都有好多人走埋嚟嘅,不過喺嚟睇吓有咩嘢搶咁囉!!).......聽完都覺得有啲好笑
cross 發表於 2007-7-22 11:19:54 |顯示全部樓層
原帖由 小餘 於 2007-7-22 11:08 發表

香港人其實都幾好架 如果係國內就........ (可能因為聽得太多國內嘅負面嘢啦,都有少少偏見架  )
聽講過......(喺國內暈低都有好多人走埋嚟嘅,不過喺嚟睇吓有咩嘢搶咁囉!!).......聽完都覺得有啲好笑 ...

扲左你個腎都得tim丫
小餘 發表於 2007-7-22 11:57:23 |顯示全部樓層
原帖由 過兒 於 2007-7-22 11:19 發表

扲左你個腎都得tim丫

聽到都驚
您需要登錄後才可以回帖 登錄 | 註冊

本版積分規則

初登記花友
  • 274

    主題

  • 2556

    貼文

  • 1

    FANS

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.