今日(8月5日)花墟買的…

虎尾蘭_20110805 (From:BUN X)


烏羽玉_20110805 (From:明x)


同場加影:
上次打風攪成咁…聖王丸…重傷…應該康復中
我係花墟搵唔到…


鸞鳳玉開花啦~

虎尾蘭收得咁入都搵到?
烏羽玉很大棵呢

烏羽有BB

好肥美的烏羽玉

琴日仲係明x見到上左盆拳頭大的翠冠玉，價錢係可接受範圍，但一拎起個球…根唔爪泥，而且唔似實生根，就立即打消念頭轉買lee粒烏羽玉。

bunX返左d唔錯的多肉，但價錢貴…

大家有冇見邊度有聖王丸賣？我係花墟只見一大粒海王丸，又唔知邊隻根，價錢又貴，我lee粒種左兩年的聖王丸係$5帶返屋企，價錢差太遠啦。

另外要請教大家，種烏羽玉有乜要留意？我之前都係用種我家其他多肉(兜、仙人球)的種法，一樣的植科，一齊澆水、晒太陽、施薄磷肥，但都種唔長命…

在網上seach…烏羽玉夏天係半休眠的？咁即係我要當佢係景天咁佢…，而且株身軟軟地係正常的？
唔怪得知我之前當仙人球咁打理會種死佢…

JenniferC 發表於 2011-8-7 22:03
在網上seach…烏羽玉夏天係半休眠的？咁即係我要當佢係景天咁佢…，而且株身軟軟地係正常的？
唔怪得知我之 ...

立秋了，景天的苦日子很快過

好似海膽那粒好靚~~其實有冇d比較便宜的品種？

邊粒海膽？

其實好多仙人球只要有合適的環境同照顧，養一段時間好好打理都會好靚，而且一D都唔貴。

新天地，(無記錯的話)花墟$10左右有一粒：



聖王丸，我暫時未搵到而家邊度有得買，兩年幾前我肯定唔洗$20帶回家的：


金盛丸，都唔係貴野，不過最近花墟唔多覺眼有得賣…



緋花玉，好多地方有得賣，花墟都係$10左右就有一粒：

想問一下，用甚麼植料去栽種？沙OR 石？？或是其他？？又，需要常常澆水嗎？

我用翠x靚土+珍珠岩，1份"土"溝1~1.5份珍珠岩左右，總之溝完要疏水，比種一般草花更疏水的植料。

我家肉肉的位置係日出至1點左右全日照，其餘時間係充足的散射日光，而且係放係窗外花槽空氣流通，澆水係見乾澆透，我唔會話定幾耐澆一次，因為日照、日常濕度及落雨落唔落中盆的因素影響植料乾的速度，我拿起其中的大盆輕左就全部澆透一次，一個月一次澆水時混入少量高磷液肥一齊澆水。

虎尾蘭隻品種係邊間買?會否比平時果D貴?

那棵右下角沒有刺的那種植物會不會很貴？？？在哪有得賣？？？

To:gracegarden
虎尾蘭小苗只有1cm左右大小，在花墟繽X(28號果間)買的，入鋪左手邊最入…近肉肉的小苗位置(放得好入面)，我8月5日買時只有兩盆(我買左一盆只剩一盆)，$40一盆，而家仲有冇…有冇返貨…你要搵時間去睇睇了。


To:aprilhung
果大粒係兜，花墟有唔少貨，不過唔平…
因為我目標已經唔係兜，只係行過有望過下某d價錢，下面個range…唔一定準，最好搵時間去花墟尋下寶，你應該會有收穫

最平的是這種3cm左右大小的硫璃兜，$80-110左右:


之後有d有大白點點的，叫做超兜，都係2-3cm的較平，但會比冇白點點的貴些少…


而你講果粒大兜，有小白點點，我家LEE粒有9cm左右了，大得好慢，買果時扁D，7cm左右大，當時都要$200左右。
而家個樣:


2007年買回來時個樣(買時係醜小鴨)：


而家花墟花寶果條街有幾盆大大個花園兜賣，果D比我就望下好了，太貴，要$300尾~$400以上…

樓主的虎尾蘭響邊度買的?

我覺佢d金邊好金
好特別
不如影多幾張相比大家睇下~

d硫璃兜好靚呀.........係啦，我仲想問一下，其實d 點點點是硫璃兜的哪一部分？會刺人的嗎？

又，用些甚麼植料種？是不是像仙人掌般不用常常澆水？

aprilhung 發表於 2011-8-11 15:10
d硫璃兜好靚呀.........係啦，我仲想問一下，其實d 點點點是硫璃兜的哪一部分？會刺人的嗎？

又，用些甚麼 ...

兜沒有刺，只有毛。
你當仙人球咁種兜就可以了，澆水都係見乾澆透，植料乾左就澆到盆底滴水，我種的都不墊底盆。
兜都係用返疏水的植料種植。

關於兜，你可以參考這裡：http://cactus.myweb.hinet.net/AA/super.htm

JenniferC 發表於 2011-8-11 17:13
兜沒有刺，只有毛。
你當仙人球咁種兜就可以了，澆水都係見乾澆透，植料乾左就澆到盆底滴水，我種的都不 ...

ONLY 用小石種可以嗎？不用泥種可以嗎？？(因怕泥會不乾淨及有虫)......其實種兜會唔會好易有虫？？？

aprilhung 發表於 2011-8-11 17:17
ONLY 用小石種可以嗎？不用泥種可以嗎？？(因怕泥會不乾淨及有虫)......其實種兜會唔會好易有虫？？？ ...

若果唔妥善處理植料，唔理係邊種植料，用係種邊一種植物上都有機會有蟲，就算係碎石，都有可能有蝨，甚至係溫暖潮濕的環境下有衣魚躲藏其中。

點解你會覺得種兜會容易有蟲？

種植植物，就算落足農藥及殺蟲劑，係唔毒死植株及人的情況下，好難百份百肯定一隻蟲仔都冇，只能盡力去排除盆中出現危害植株及人的害蟲，新帶回家的盆栽都應該先隔壁及換新植料，通常上盆及換植料都用已消毒的新植料，舊植料冇乜養分好多時都會丟棄唔再用，除非自己再另外混入適當適量的草木灰之類植料及消毒處理舊植料再用，而要在使用前消毒植料，可以放係大太陽底下暴曬或放入焗爐高溫消毒( 唔好問我要曬幾耐、要幾曬、要入幾度焗爐焗幾耐 ，我冇實行及研究過高溫消毒植料，只知有這個方法 )，而平時種緊野的植料可以定期用滅蟲藥(內吸性/外黏性)及噴灑百菌清/多菌靈稀釋溶液處理，當然坊間仲有好多唔同的滅蟲殺菌的藥/方法要你自己再搵搵了。

另外，除非係田、園圃、大型盆栽或者特別係蓮花荷花之類，一般都唔多用泥土(塘泥)種植，塘泥好"蝦"人用(我唔慣及唔識用)，我用的"園藝土"並唔係泥，係混合了泥炭土、木質泥炭、椰穀粉(椰纖)、蛭石、珍珠岩(包裝袋顯示的成份)的植料，我係買一包通用的園藝土再買珍珠岩、魔肥自己溝，種草花、非洲堇及多肉都係咁靠感覺溝植料，用慣左。

(以上如有錯漏，請路過花友回覆指正，thx! )