分享吓我個唔多洗搞o既白雪雪3.6牛乳薰衣草梘先

3.6牛乳薰衣草手工皂



trace都唔知洗唔洗5分鐘~溶NaOH時全程冰墊放底，油唔洗加熱，入模後唔洗保溫。

"為免少少奶過期先咁慳儉咋。" 我都仲有一包奶係冰格．

薑好啱孕婦喎，特別係頭一兩個月產後用最好．點解唔用來打皂？

好似好放便，鮮奶係咪由雪櫃拿出來就得啦？

doncheng 發表於 2011-6-28 13:15
好似好放便，鮮奶係咪由雪櫃拿出來就得啦？

"放便"??   

奶一定要冰，奶冰跟鈉一起慢慢溶，注意不能讓鈉升高溫，會燒焦ｄ奶．
當然有其他方法，當添加咁加奶入皂都得．

jellyfishy 發表於 2011-6-28 13:17
"放便"??   

奶一定要冰，奶冰跟鈉一起慢慢溶，注意不能讓鈉升高溫，會燒焦ｄ奶．

原來要變冰

Jesation  "如果雪成冰你要預咗d奶會水咗少少，但其實問題不大。用冰墊就唔會稀咗lor。坊間有好多唔同方法，問吓d老手可能會做過實驗知difference。"

雪種得嗎？

doncheng 發表於 2011-6-28 14:42
Jesation  "如果雪成冰你要預咗d奶會水咗少少，但其實問題不大。用冰墊就唔會稀咗lor。坊間有好多唔同方法 ...

乜嘢雪種？其實你只要有方法令溶緊氫氧化鈉時牛奶溫度不過高就唔會變質 / 臭 / 黃 o架喇。我上次整全程30度樓下，今次50度樓下，下次可以test吓60，haha。

薑精油係唔會刺激皮膚，係processing過程，薑的辛辣原素根本唔會帶落精油，坊間好多書都錯了．

我應該再detail d , 查過２本德國和英國出的芳療書，都有提到薑精油沒有辛辣成份，有助安撫皮肉痛之後的心靈～

Jesation 發表於 2011-6-28 14:45
乜嘢雪種？其實你只要有方法令溶緊氫氧化鈉時牛奶溫度不過高就唔會變質 / 臭 / 黃 o架喇。我上次整全程30 ...

其實50度左右，ｄ奶已經起粒粒．

奶冰，唔會令到ｄ奶"水"左，只會令到ｄ奶稠左，因為冷凍過程會令ｄ奶少左水份．

Jesation 發表於 2011-6-28 14:45
乜嘢雪種？其實你只要有方法令溶緊氫氧化鈉時牛奶溫度不過高就唔會變質 / 臭 / 黃 o架喇。我上次整全程30 ...

等我今晚整完北海道牛奶布甸，餘下就做啦！  如果唔想整咁多，係咪就咁跟你配方cut一半就得啦？

入模後唔洗保溫。如果天氣溫度低過二十度的話，始終保溫也是有必要的．
現在夏天，當然不能保溫～

jellyfishy 發表於 2011-6-28 14:48
薑精油係唔會刺激皮膚，係processing過程，薑的辛辣原素根本唔會帶落精油，坊間好多書都錯了．

我應該再de ...

不過除咗刺激皮膚呢點，好多隻精油都話孕婦忌用，所以都係費事估估吓，唔落算。

btw, 咁係咪肉桂精油其實都唔刺激皮膚？

幾多溫度令奶溶NaOH會起粒粒，一般五六十度已經會起粒粒，這只是我之前經驗，只作參考．如果你溶NaOH溶到咁上下，無乜幾多NaOH未溶，奶才升到50度左右，那就未必一定會焦，加上你用冰墊，外在有降溫，溫度當然更好控制，起粒機會更低．

由於我無冰墊呢家野（只有杯墊～～ )，奶冰起來又比較方便（過期都唔怕~哈哈～），所以一直用這個方法．

有些花友還會用奶粉，羊奶之類，半奶半水又得，三倍奶又得，真係各式其式～

"好多人話奶皂最好天氣凍d做會白d"
原理和你用冰墊一樣，外在溫度較低，讓NaOH溶化時升溫有限～　所以好多人（包括我）都鍾意等天口凍ｄ才打奶皂～～嘻～～～～　

jellyfishy 發表於 2011-6-28 15:04
"好多人話奶皂最好天氣凍d做會白d"
原理和你用冰墊一樣，外在溫度較低，讓NaOH溶化時升溫有限～　所以好多 ...

保溫唔關皂化快ｄ慢ｄ，係要底皂在入模後脫模前，有完整不失溫的皂化～
今年年頭有些日子，天氣得十度左右，奶皂唔保溫，白粉鬆糕都有機會架～

Jesation 發表於 2011-6-28 14:57
不過除咗刺激皮膚呢點，好多隻精油都話孕婦忌用，所以都係費事估估吓，唔落算。

btw, 咁係咪肉桂精油其 ...

你講的肉桂精油，唔知係咪字尾有nobilis 個隻?
我無乜用肉桂，佢在心理上有種令人溫暖安全，和有助腸胃消化．增加食慾，在適當的生理劑量，一般應該無問題．我都係跟書講咋（記得幾多講幾多）～  胃痛時，我用過佢來按摩，感覺的確很溫和平和．

我無用過肉桂入皂，個人幻想：沖涼越用越開胃，所以唔敢試～　

適當的生理劑量，呢一點好重要，好多用家無留意”適當的生理劑量”，調精油時下下都好重手，要味覺有好明顯效果才收手，好易成反效果囉．

坊間出書，又唔係教科書，為免出事，多一點注明，是應該的．這是我的想法．

(死啦，今日係咁諗打皂的東西，手痕得很～～～)

jellyfishy 發表於 2011-6-28 15:16
保溫唔關皂化快ｄ慢ｄ，係要底皂在入模後脫模前，有完整不失溫的皂化～
今年年頭有些日子，天氣得十度左 ...

化學反應一般係溫度影響速度，所以唔太un你呢個「完整不失溫的皂化」。anyway，如果話係太低溫可能導致皂硬咗而鹼水不能接觸油脂之類理由就明明o地。反正如果有實例係唔保溫就變成鬆糕的話，我又冇理由專登去試o既。

皂化初段就是要平均二十五度左右，沒有溫差的情況下進行，一般要廿四至四十八小時，受油種天氣濕度影響．
皂入模後，會繼續”發溫”，保溫就是要令皂溫度不受外界低溫，而失去溫度，令皂體表面溫度起變化，造成白粉鬆糕之類不好看的問題．

明嗎?