新手打皂配方

jellyfishy 發表於 2011-6-25 08:46
你有d問題的確唔係初學打皂會問的. e.g. 三種水的計法, 我得幾本書, 查完, 無講, 都唔知點答你好.
e.g.  ...

其實如果我唔問又點知原來呢D野係咁深呢, 而家知道啦~

jellyfishy 發表於 2011-6-25 09:03
你可以先選定一個配方, 問下大家咁既水量是否可行.
我和ck個d配方, 油種和配方都不複雜, 寫出來的水量是 ...

我已經揀左一個配方架啦, 我另外開個POST比你地過下目丫~
係呀, 我真係唔咁亂咁盲目跟隨, 都係睇你地果D成功配方先~

jellyfishy 發表於 2011-6-25 08:50
http://www.soap-diy.com/Soap_Calculators.php

不是三種計法, .... 只是水量不同. 條式都是鈉量x 1倍/2 ...

補充一吓 ...

以數學角度睇三條式
http://www.soap-diy.com/Soap_Calculators.php
(1) 水量 = 氫氧化鈉重量 / 0.3 - 氫氧化鈉重量
     只考慮水對皂化的作用。其實數式係要製造 30% 氫氧化鈉溶液，即溶液中含 30% NaOH 和 70% 水。亦可以簡化成 1 份 NaOH 兌 2.333 倍水 (有些皂師甚致認為應該用更高比例的水： 27% NaOH 比 73% 水 或 1 份 NaOH 兌 2.7 倍水)。

(2) 水量 = 油的總重 x 0.389
      以油的重量計算。因為油的皂化價越低，所需的 NaOH 越少，以 式(1) 計算出來的水量越少。但油裏的非皂化成份亦需要水釋稀，所以對皂化價低的材料可以根據此式調節。對於皂化價特別低的成份如 苛苛芭油，蜂蠟 ... 應該用較高水量。

(3) 水量 = 氫氧化鈉重量 x 1.8 至 2.8
      由皂匠根據自已經驗調節，如果結常打同一款皂，可以用此微調水量

另外水多水少亦會從各方面影响打皂：
(a) 水份可以降低溶 NaOH 所發出的溫度
(b) 足夠水份可以確保 油和鹼 有足夠的空間(面積)混和，令皂化更平均
(c) 水份可以減慢 trace 的時間，對於過快 trace 或 seizing 的配方 (如：含 荷荷芭油、乳木果脂、芒果脂 或 含 奶、糖、臘、精油 ) 和 一些硬油 可以減低混和不足引致皂化不平均的現像
(d) 足夠水份亦可以推遲皂硬化的時間，讓你有足夠時間切皂
(e) 水份充足的皂較容易出現果凍皂化，水份不足的皂則要加倍留意保溫
另外，雖然減水可以令皂加快硬化，減少晾皂的時間，但始終皂夠"陳"洗才好，建議大家唔好太心急 ^^

造皂不但是科學，也是一種藝術，大家造皂前如果多了解 pros & cons，造多些合自已需要的靚靚皂

多謝喆大師教導，都話呢度好多高手．我呢ｄ新手都係番屋企做下家務先～

jellyfishy 發表於 2011-6-27 14:17
多謝喆大師教導，都話呢度好多高手．我呢ｄ新手都係番屋企做下家務先～

响你地面前我點敢教呀？
不過呢d咁悶o既文字工作留俾我做啦，你俾多d時間打多d皂俾我地欣賞一吓，我地等緊你o既新作咖

孖吉 發表於 2011-6-27 13:51
補充一吓 ...

以數學角度睇三條式

嘩！太深的學問...由其我這些數學白癡 , 我這些初哥都係搬字過紙先...等我升呢後...再了解！btw, 都多謝你的有用資料

孖吉 發表於 2011-6-27 14:59
响你地面前我點敢教呀？
不過呢d咁悶o既文字工作留俾我做啦，你俾多d時間打多d皂俾我地欣賞一吓，我地 ...

你的意見很有參考價值，謝謝分享．
”(e) 水份充足的皂較容易出現果凍皂化，水份不足的皂則要加倍留意保溫
另外，雖然減水可以令皂加快硬化，減少晾皂的時間，但始終皂夠"陳"洗才好，建議大家唔好太心急 ^^”

加減水不能決定皂體保溫，始終溫度濕度油種等等也很影響皂化．這真要靠經驗呢～　另外，白粉形成是皂體失溫所致，所謂失溫，是皂化會因應室溫油種, etc. 有自己的溫度，有些皂的皂化特別溫e.g.椰子油家事皂，若皂化時，皂體溫度高於室溫很多，即出現失溫問題，皂表水份被外面空氣搶走，造成白粉．　That's why 皂出現白粉後，有人會噴濕白粉位，再重新保溫，等皂吸回充足水份，讓白粉消失．

嘩...你地研究得咁深入...咁學術既...睇到數字我眼都花埋....

我只知水既計法有兩種...一種係以氫氧化鈉就基數去計...另一種係以油去計....

我自己因為用油種唔複雜，用黎用去都只係幾種...


而我係新手時亦都有試同一配方用唔同方法計算水量，而做出幾批皂...
用過之後，就記住自己覺得最滿意又方便既計水方式...
以後就只用一種方法計算...

而一D特別配方，水量計算係要調節既皂，亦會用一貫計水方法計好再增水或減水


其實...就係水母講既一樣囉....新手...唔好攪咁多花臣....用最簡單既配方先試做...先熟習左做皂各項程序...
成功做出幾批最簡單既皂先...

因為如果失敗左，因為配方簡單...比較容易搵出問題所在...

到有左實戰經驗後，就再睇下自己做皂既方向係偏向邊一類型，再搵書就鑽研....

===================================

因為每個人開始時做皂既目的同動機都唔同，到學識左之後，培養到興趣，方向亦可能有改變。
我覺得，唔應該被後來既方向迷惑，而忘記左最初的目的囉。

有D皂友最初係為左小朋友既皮膚病而學做皂，但到後來睇到佢地落好多古靈精怪既材料入皂度....而忘記左最初目的係要做一舊有親和力，唔刺激而對皮膚有幫助既皂....

好似水母咁，由最初覺得幾好用，學做...到依家培養出興趣，可以親手做皂送比朋友，表達心意，亦可透過做皂調劑生活。
但你可以留意到，佢唔會乜都加入皂，佢亦好專心咁做自己喜歡果類既皂。

=======================================
其實每個人做皂都有佢自己既風格，依D係經驗累積落黎既，可以話係做皂既心路歷程。

我覺得做皂同做好多事都一樣，你先要知道你自己究竟想要D乜野，再去搵適合你既野，切實咁去做一下，咁先會知道咩係適合自己。

jellyfishy 發表於 2011-6-25 08:57
這兒有花友心得分享, 係會有深有淺架~ 好似之前ck教用bee wax入皂, 我覺得初學者未必咁易handle, 所以都 ...

你攞咩黎溶蜂蠟呀?

我無諗過新手會咁做囉....因為無諗過蜂蠟會有人乜都唔加，就咁加溫溶左佢倒入油度....
我明喇...你見佢固體就當乳木果脂或白油咁溶....

但就算乳木果脂就咁溶左，倒入室溫油都唔可以即刻用黎混合鹼液架....

我個配方係所有油蠟都加入一個桶度一齊加熱到蠟溶晒再同鹼液混合架...

喂你...點衰要話聲我知喎....等我睇下我邊度表達唔清楚嘛...費事有其他人又做衰埋....


最近又做左一舊皂....唉....量到橄欖油時先發覺差十幾%....唯有改配方...果十幾%加左2%蜂蠟之後....就改左篦麻油...

所以原本做馬賽皂變左做篦麻洗髮皂....因為篦麻油落得多...連精油都改埋迷迭香....

條方就被我改到變晒樣.....都唔知好唔好用.....過幾個月先知....

回覆<<孖吉  多謝 ck 老師，我都好清楚自已要也嘢，我會努力咖喇 ^^>>

嘻..嘻...我無點名架....

我係同所有人講架....

jellyfishy 發表於 2011-6-27 15:13
你的意見很有參考價值，謝謝分享．
”(e) 水份充足的皂較容易出現果凍皂化，水份不足的皂則要加倍留意保 ...

最近做果舊皂都好麻煩....話說打皂翌日天陰陰，所以將皂拎入室內，開左冷氣，諗住比好D環境佢啦...

點知我出左街...輪到老公出街時，佢關左冷氣又無開窗.....

番到屋企睇到舊皂病左呀....又出汗又發燒.....

用紙吸左水....放番係冷氣旁...咁就衰左....就係失溫囉....起白粉= =

自己用...唔鬼理佢喇.....篦麻皂咩...好怕佢又成個喊包咁....

cklife 發表於 2011-6-27 21:05
你攞咩黎溶蜂蠟呀?

我無諗過新手會咁做囉....因為無諗過蜂蠟會有人乜都唔加，就咁加溫溶左佢倒入油度... ...

唔係你衰, 係我衰啫, 我混油時, 習慣分開加熱, 不是每種油都加熱.. 之前冬天用固體油, 會放埋一齊加熱, 溶晒才和橄欖油混合, 椰油乳木果之類無重新結塊問題, 所以我當beewax 和椰子油呢類油一樣咁加熱囉, 就係咁衰左. 我個人喜好唔鍾意熱油, 所以夏天唔下雨時, 就係我打皂的黃金時間~~哈~~~

cklife 發表於 2011-6-27 21:12
最近做果舊皂都好麻煩....話說打皂翌日天陰陰，所以將皂拎入室內，開左冷氣，諗住比好D環境佢啦...

點知 ...

變佢做再生皂囉~ 我好鍾意用再生皂.

jellyfishy 發表於 2011-6-27 15:13
你的意見很有參考價值，謝謝分享．
”(e) 水份充足的皂較容易出現果凍皂化，水份不足的皂則要加倍留意保 ...

皂體溫度高於室溫很多，即出現失溫問題<<<<想問下會唔會有皂體溫度低過室溫既問題架, 如果有又係咪會有機會有白粉呢?

這幾篇文章太深了，

預備中。
想問大家多數會用嚟打皂嘅容器：
1. 玻璃
2. 膠杯
3. 不銹鋼

mono 發表於 2011-11-15 22:49
預備中。
想問大家多數會用嚟打皂嘅容器：
1. 玻璃

用不銹鋼

mono  唔該晒貓后。我見開氫氧化鈉，因為好多都用膠量杯。 但用不銹鋼,清潔時方便好多

mono 發表於 2011-11-15 22:49
預備中。
想問大家多數會用嚟打皂嘅容器：
1. 玻璃

我未試過用膠杯，也盡量不會用玻璃，怕打爛ｄ鈉走晒出來，咁就大大鑊喇～

cherrylwy 發表於 2011-6-30 06:13
皂體溫度高於室溫很多，即出現失溫問題

你可以諗下，乜野叫失溫，身體失溫係點？即係失去溫度咁解～
皂體低溫過室溫，佢應該會吸番室內空氣的熱能，點會有失溫問題～
台灣的確有人低溫打皂，但我看不到有甚麼好處，而且覺得太低溫時，皂化過程會比較長，晾皂時間亦會長左，無乜著數，所以唔會試．