比得大帝辭去所有版主職務

致各位花友：
本館原超級版主、紫版版主及旅遊版版主比得大帝，已於日前向本人申請辭去所有版主職務，復與比得大帝商談後，決定尊重比得大帝的意願，接納其呈辭，即時生效。

比得大帝原為旅遊版版主，並於兩年前升任超級版主，竭力維護版面的整潔，及組織花友活動，並成功建立廣告通報帖，以鼓勵花友主動貼出廣告連結，讓管理團隊能快捷處理廣告；其後並暫時兼任紫版版主，為紫版花友進行網上花展、舉行團購及維護版面的整齊，成績實有目共睹。

在此，本人謹深深感謝這些年來比得大帝對本館的支持和幫忙，在園藝館混亂時，肩起重擔，努力維持園藝館的秩序。比得大帝的辭任，實感婉惜，但亦明白比得大帝欲自由花友的身份，享受園藝館的樂趣。比得大帝日後會以資深花友的名銜繼續在本館與各花友討論不同議題和協助園藝館發展。

本人對比得大帝一直以來的努力予以肯定，謹代表大家向比得說聲感謝，希望再有合作的機會。

香港園藝館管理員
Simon
13/6/2011

多謝比得大帝的努力與付出

真係好可惜
多謝比得大帝一直以來的幫助及為紫版出力
雖然我在園藝館資歷尚淺
但亦接受過很多次比得大帝的幫助
比得大帝請繼續主持紫版團聚及珠石團購
再一次多謝比得大帝

多謝比得大帝無私的奉獻，希望繼續指導我地。

唔好咁講, 其實George才是名正言順的超版, 這段時間我只是暫代性質

自問無德無能, 而且性格剛烈, 多次和花友衝突, 有損園藝館形象, 實非超版人選, 趁未犯大錯, 明哲保身.

借這機會向各位曾有意見的道個歉, 綱絡虛擬世界, 應該開開心心的.

多謝比得大帝無私的奉獻，蟲 10 自由，享受花生

這個[深資花友]真係受之有愧, [深資會員]還勉強可以, 你睇我個會員編號 006 就知我有幾老啦.

我同Simon講, 唔好俾個[深資花友]我, 佢話如果我唔要, 等於唔支持園藝館(其實我唔好好get到), 不過唔想佢亂諗, 唯有接受啦.

我也謝謝比得大帝的寶貴分享, 獲益良多 (好在閣下仍留在館內..)

雖然join左紫版唔係好耐, 但係我呢個av新手響紫版學左唔少野, 比得大帝功不可沒!!!!
多謝比得大帝~

有捨必有得,100%支持Peter兄的決定.

多謝比得大帝。

知音,不需多言,要用心去交流;
友誼,不能言表,要用心去品嘗.
多謝 Peter

相信大家都知, 有部份版主靜雞雞就去開咗, 就再冇返嚟, 我之所以高調下台, 因為我選擇和大家一起.

比得大帝 發表於 2011-6-15 14:35
相信大家都知, 有部份版主靜雞雞就去開咗, 就再冇返嚟, 我之所以高調下台, 因為我選擇和大家一起. ...

平凡中見不平凡

人在做, 天在看, 我哋都在看!
大帝, 尊重&支持你的決定!
希望你享受卸下後的自在!

熱心、積極
捨不得你

呢個帖有點似我們小時候寫紀念册，字裡行間，圖文並茂，流露單純但真摰的感情～～

peter 令到大家都真實了，可愛了～

jellyfishy 發表於 2011-6-15 15:22
呢個帖有點似我們小時候寫紀念册，字裡行間，圖文並茂，流露單純但真摰的感情～～

peter 令到大家都真實了 ...

最可愛係水母首詩

差點想話: 我唔辭職嘞

N-Blythe 發表於 2011-6-15 14:52
熱心、積極
捨不得你

唔駛唔拾得我喎, 我冇走喎
可能冇背住版主嘅包袱, 會講多d嘢添

比得大帝 發表於 2011-6-15 15:38
唔駛唔拾得我喎, 我冇走喎
可能冇背住版主嘅包袱, 會講多d嘢添

我諗起無做立會的政客飛哥~  

首詩, 我攺歌詞咋~ 邊有咁叻~