|
金盞花大大，其實我只係一個新人類，見到各位大大們的無私奉獻，我心存感激又尊敬，加上家中植物種類不多，趁住而家放大假，於是又貪心又開心地想種多d各類自己喜愛的花花，不停申請咗好多次分享，對住d分享嚟嘅花花，忙個不亦樂乎，唔想剩係做受分享者，儘少少綿力，所以唔識死，學d大大咁做分享（不自量力）。 第一次分享種子，每個人可選6種，共有19位花友申請，寄件前幾天，每天放工後便開始統計，整理，自製包裝盒，用膠袋仔分類包裝種子，跟住每個申請者執6種種子，不可有錯，將6種種子放入包裝盒內，寫地址貼郵票封口，跟著拿去郵局磅重，看看有沒有超重$1.70，是否夠付郵費，我提供的種子有超過50種，結果做到暈低咁滯，晚晚整到好夜，我幸運的是，換來的是各位花友一片讚美之聲，好有滿足感，一切辛勞拋諸腦後。 做第二次分享，駕輕就熟，只遇到少許包裝上的麻煩，其他無問題啦！ 然後有一天，拜讀了你的帖子，惊一惊，心中有少許唔開心，我做分享次數少，可能尚未遇到麻煩事情，但唔知以後會唔會好似你咁激氣，真係害怕遇上呀！ 不過，金盞花大大，勿為這些事令你却步分享呀！反正全世界，全香港都有各種不同性格作風的人，我們無理由為少數個別人士，而改變自己的生活理念同愛好㗎！金盞花大大，分享到的植物，真係好開心㗎！希望這個帖子讓受分享者看看分享者，怎樣出錢出時間出力去奉獻給各花友，讓他們了解，自私不理會別人感受，無責任感，無同理心，無禮貌永遠都不受歡迎。 |
顯身卡