做完分享, 搞到一頭煙

e, 都唔知點講好,我已經唔將這些post轉去完成版係想d 新人睇吓唔好做d領人唔開心既野. 放在頭1頁又好似好衰,放在最後佢地又唔睇. 已經有曬條題又唔跟,唔睇都要用人家覺度睇吓人家既感受啦.

青蛙媽媽 發表於 2012-4-16 20:09
就係D人無用硬盒子, 先攪度要多層包裝, 我擔心小苗會係郵寄運信個程有事~

人家一時做錯, 要勞煩我E位阿7 ...

你就好似當金咁小心呵護好好包裝, 都係唔想小苗去到人家手上有破損而失望, 但就算你如何提醒對方提供包裝料, 佢都闊佬懶理, 遇到呢d人我會寄回信件浪費郵資, 等佢撞吓板得個教訓

wendy_choy_hk 發表於 2012-4-16 22:15
e, 都唔知點講好,我已經唔將這些post轉去完成版係想d 新人睇吓唔好做d領人唔開心既野. 放在頭1頁又好似好衰 ...

青蛙媽媽都係激氣想搵嚟呻吓   搵番呢篇出嚟都好嘅, 等以前睇過d人可以溫故知新, 對於未睇過嘅人在分享之前可以睇睇呢篇作個提點, 唔好俾麻煩其他人.

我認同新花友通常唔熟規矩會麻煩到人, 但對新花友通常我會提自己俾多D耐性, 培養佢地種植樂趣係要多D時間.
鼓勵新花友種植, 所以每次有分享佢地會優先考慮.


青蛙媽媽  最大問題, 係一定要先咀嚼分享者列明注意事項, 唔好只是顧著排隊巳忽略左~個中細則
花友好多時乜都唔睇就寫個名, 連排隊都冇.

sandylam 發表於 2012-4-16 19:48
那個萬能的$1.4郵票，無論是什麼回郵都是貼$1.4。還要人家幫忙補貼，再要追收返郵資。 ...

每次我寄盒仔畀花友分享時, 都會親身去郵局寄 OR 問清楚分享者要寄幾錢郵票才足夠, 希望減少出錯.
雖然每次都好擔心會寄失, 但一收到分享的物品就會好開心.
因此, 支持大家繼續分享!

菜妹 發表於 2012-4-16 23:27
我認同新花友通常唔熟規矩會麻煩到人, 但對新花友通常我會提自己俾多D耐性, 培養佢地種植樂趣係要多D時間.
...

我跟你一樣對新來的都會俾多d提醒, 亦會樂意分享俾佢哋.  我個人覺得分享者d態度好壞唔一定關新人事, 有時呢處d常客都曾發生, 只怪d人行為操手不好而已.

有時都真係覺得好吹漲架

我通常都唔需要人地俾返郵費我, 因為我唔想將個銀行資料俾人; 叫人寄個回郵黎, 我又覺得浪費左一個郵票

所以要求真係好簡單, 排個隊, 俾個地址黎, 基本上我既種子就送到佢門口架啦

但都會有好多人排左隊, 但遲遲都唔俾地址, 到我去追 (其實要我追我已經覺得有冇攪錯), 佢都仲可以答我, 唔知你點交收, 等緊你通知 etc etc

唔好話個貼其實已經有講, 就算冇or 睇唔到, 我唔明d人點解唔主動d黎問

老實講, 分享種子其實都好煩好多野整:

1. 因為環保, 我會用廢紙摺個信封, 有時仲會cut 成紙條摺個三角形入種子, 即係首先要做一輪勞作;
2. 將種子分成一份份入袋;
3. 剪好bubble紙再包住種子以免壓爛;
4. cut 半張A4紙再將種子chi 係上面以免佢係個信封入面look 黎look 去;
5. 寫地址, 按所要種子入信封, 封口, chi 郵票;
6. 去郵局
7. 之後仲要記錄住邊個收到邊個未收到, 有d冇左影既又要3催4請問佢收到未

所以希望花友明白, 有時你地一句話要, 分享果個其實做好多野, 請你地主動點, 令分享呢個文化可以快快樂樂延續落去

mirry 發表於 2012-4-17 00:09
有時都真係覺得好吹漲架

我通常都唔需要人地俾返郵費我, 因為我唔想將個銀行資料俾人; 叫人寄個回郵黎, 我 ...

希望未有做過分享嘅人睇睇你個工序, 就知道我哋要做嘅野都唔少.  做事唔好有咩甩漏令人對分享呢顆心卻步

我有次分享,有個花友叻到pm比地址便算.我冇話包郵費,我都算$1.4我比冇問題. 但我發現佢住我附近,我咪PM佢我by hand送到佢樓下,時間就佢.佢都話唔好,叫我郵寄. 唔係$1.4問題,我只係覺得甘近可必甘煩.

7. 之後仲要記錄住邊個收到邊個未收到, 有d冇左影既又要3催4請問佢收到未

E點我領教得多~

希望未有做過分享嘅人睇睇你個工序, 就知道我哋要做嘅野都唔少.  做事唔好有咩甩漏令人對分享呢顆心卻步


正如我上次用左雞湯粒個盒, 倒晒入D野出來, 找些報紙捲成一條, 填充個盒空間, 中間要留空, 放入小苗,
用TISSUE濕水護根保濕, 再加多層錫紙同泡泡膠
希望無咁容易俾輕壓, 包裝一定要好小心,
如果寄來係硬盒子, 我駛咩攪咁多野, 又怕包裝得太厚, 放唔到入受分享者的信箱度~

看過很多大大的不愉快分享經驗，真的有點怕有朝一日也可能會遇上這些麻煩，作為一個新人，竟胆粗粗不自量力地學人分享植物，好彩尚算平安分享完成，過程當中，我自願倒貼郵費，因覺得我分享過很多花友的植物，心存感激之餘，覺得應儘微力貢獻給館方，讓這個平台繼續運作下去，由連pm也不懂操作，到現在學識咗好多有用的嘢，都是多得各位資深花友的指教，收得分享多了，漸漸從中學到初步的包裝技巧，自己再作少少改動，切合家中有的環保物料，真的要花很多時間同工序，去完成每份要寄出的植物信件，用心令收件人可安全收到郵件，所以各位大大遇到的不愉快的經歷，感受至深，我時刻警惕自己，保持做一個良好的分享者及受分享者的正確態度，有感而發，說話多了，再次謝謝曾指導我的各位花友。

wongcc 發表於 2015-7-31 11:24
看過很多大大的不愉快分享經驗，真的有點怕有朝一日也可能會遇上這些麻煩，作為一個新人，竟胆粗粗不自量力 ...

倒貼郵費咁好人既，下次寄個冇貼郵票既比你

攪分享真係勞心勞力，但總係有人放飛機失蹤，通常會取消佢地申請，不過煩在要搵後補

以前有用回郵方法，但係問題多多，遲到，失蹤，盒仔唔合格，數量多，個信箱日日被塞爆

衣家盡量用入數，直接寄出，最快試過頭尾四日完成晒，不過包裝就要花多d時間

b17大大，倒貼都係跟你地d大大學番嚟㗎，簡中捐比個會，只需請分享者入數落香港園藝會個戶口，然後我自費買郵票及包裝寄比花友，又可捐比花會，又唔使煩包裝回郵問題（學咗你），簡單俐落，自問學咗各位大大的包裝技巧，現在都算得心應手，不覺困難呀！

我有D食用蘆薈BB都想分享,但一諗到轉盆養定再約人交收,要做咁多動作之後又怕俾人放飛機,所以怕怕.
以前養珊瑚約人交收10單中總有一單有人放飛機.

真係唔明點解有d人會無責任感

各位辛苦曬啦

嗯~d分享者大大們真係好偉大的~
好似我前日收到的迷岩球球~大大又包濕紙巾~又加試飲杯~仲有自己戒的紙皮外殼...
層層保護都見到分享者大大的處處用心~
本身接受人家的分享就要心存感謝的@@..
不過依家確實不少踢幾腳都唔郁1下的人仔~
只是希望大大們別為那種少數人而灰心a.a
雖然我唔敢講自己有朝1日可以成為分享者~但現在我是接受分享那方~所以只能努力種好分享得黎的種子呢~(用心去接受我覺得都是1對分享者的尊重^^

態度正確呀！

wongcc 發表於 2015-7-31 11:24
看過很多大大的不愉快分享經驗，真的有點怕有朝一日也可能會遇上這些麻煩，作為一個新人，竟胆粗粗不自量力 ...

咁耐嘅帖都俾你搵到出嚟   有時分享出去遇著多幾款品種而申請人數又多的話都幾煩瑣架!    如果遇到有人做事無心肝咪激氣啦!  雖然把口嬲嬲哋話怕怕唔敢再做分享,  但之後咪忍唔住又做分享出去.  我始終覺得有人分享到物品俾我, 當我有貨(種子, 幼苗)時, 可以分享俾大家都好好呀!  尤其一d初試種植者唔駛吓吓出去買植物返嚟, 只要有誠意有責任心同對分享者多一份尊重就好啦