做完分享, 搞到一頭煙

[複製鏈接]
作者: 金盞花 发表于 2011-6-8 12:43:38
9912 66
本帖最後由 金盞花 於 2011-6-9 10:24 編輯

呢次係我第2次做分享, 得到第1次經驗, 有d唔妥當地方已經响第2次時加條款防止/避免發生, 但仍然問題一次比一次多

例如:
1,  申請細則中已註名要加網名及分享品種, 只不過仍有唔少人忘記寫上.  就因為咁, 要我花時間去玩猜猜猜加對對碰去尋人

2,  又試過有人寄來信件竟然冇將自己room no.寫上, 做事甩甩漏漏真得人驚.

3,  申請時聲聲多謝/感激, 要求收到回信後要到帖中回覆, 都有人冇聲冇影冇回覆.  更有好多人攞地址後冇收到信.  

4,  其中有2個經典事件 (1) 呢位小姐要分享觀音蓮肉肉, 細則中已講明郵資要加至$3-及附上盒仔.  點知我收到1個用紙包住盒仔, 冇寫網名/分享品種就連回郵信封都冇, 只附上$1.40郵票.  如果唔係收到盒仔都唔會知佢申請乜?  正因為佢增加我麻煩, 所以寄回盒仔.  之後收到短訊解釋, 最重要係要求我在帖中刪走佢住址區份及姓氏.  佢話呢個係個人資料(?), 但佢又唔諗吓除咗咁我仲可以點樣call佢出現.  (2) 另一位小姐後補申請香茅, 同樣冇寫上網名/品種, 因為香茅連根葉較大棵, 我要求大家用公文袋+$3-郵票, 點知收到1個貼上$1.40白信封.  卒之我覺佢唔珍惜後補機會, 唔會分享俾佢.

5,  有1人話面交, 經短訊中約好地點時間, 已交換電話, 因以往經驗好多人開始時好熱烈, 熱情過後就不了了之, 加上相距約見日期10日後, 我就當係冷靜期, 要求對方早約見前1天再電話確實, 我更留短訊如明天10點前收唔到來電就當取消.  卒之當天冇影, 好彩早有經驗, 唔係要我將棵香茅挖出做一輪功夫.  幾天後收到短訊解釋一番, 道歉之如希望郵寄香茅, 算啦! 拒絕咗.

做分享都係想鍾意種植朋友可以不費分毫可以試吓不同品種, 分享人唔係求賺錢, 仲要功夫多多, 但換來分享者嘅唔合作, 真係有d心淡, 將來究竟好唔好做呢?  我都做過分享者, 以心比心, 跟足分享細則係方便人哋做野, 盡量減少對方麻煩.  因此, 我會將唔合作人列入黑名單, 將來唔會分享俾佢哋.

都唔係一面倒遇到咁多麻煩人, 有d花友好有心, 回郵時寄來一d種子分享, 其中獅頭魚更專登寄種子俾我, 在此再說聲多謝   唔係為貪得到花友回贈種子才開心, 只要收到信件時對方寫上”thank you/謝謝”已覺得收到對方心意.

寫咗咁多, 曾經有做分享朋友會唔會覺得我醃尖, 定係你都遇過唔少, 講出嚟分享吓!

評分

2

查看全部評分

caca8j 發表於 2011-6-8 13:03:16 |顯示全部樓層
我分享前都諗過,就算有好多,我都唔想一次過分享好多份,
一律入數由我寄出,怕亂.
無禮貌嘅人都有,係我可以忍受嘅程度,
想BLACK LIST某D人唔知點做,我真係好想問
都會再分享嘅,主要唔想浪費D種子

點評

~黑名單~只不過係每次記低呢個人有咩大麻煩, 如果下次遇到佢咪拒絕囉!  發表於 2011-6-8 16:59
claudiatang 發表於 2011-6-8 13:10:34 |顯示全部樓層
我都有試過分享時的激氣事﹗沒有盒仔、約了面交但不出現,最終要郵寄。遲到....
ht333147 發表於 2011-6-8 14:33:25 |顯示全部樓層
本帖最後由 ht333147 於 2011-6-8 14:34 編輯

分享應該是開心事來, 可以嘗試阿Q精神: 他/她不按指示, 最終無得分享, 是他的損失.
你為了他人的損失而激氣?!!
好像不太化算吧.
這幾年都有分享過很多大小苗給網友, 不成功率低過 1%, (淨買來分享的5cm小盆 200 個用光, 未算大盆無盆那些)
其實當有問題的時候, 也有超短暫時間的不快. 其後就如上述所想, 佢無得分享, 是佢蝕底, 為何要我陪他不開心?
不過八掛下, 為何那些網友會甩底, 我都想知:
既然無心, 何必搞許多小動作?
Sylvia 發表於 2011-6-8 14:38:53 |顯示全部樓層
祗係您地唔好彩啫, 個d亦都係一小撮人~
我諗應該仲有好多人好似我咁, 遠近都到
owlcyr 發表於 2011-6-8 14:40:15 |顯示全部樓層
可能因為"有o野排唔好執輸掛,一於申請o左先"咁lor~
Cora 發表於 2011-6-8 14:59:02 |顯示全部樓層
回復 Sylvia 的帖子

同意,我就是一個很守規矩的花友!完全可以想像做分享人的苦處,但希望金盞花不要氣餒!
yuen-w 發表於 2011-6-8 15:20:04 |顯示全部樓層
本帖最後由 yuen-w 於 2011-6-8 15:40 編輯
金盞花 發表於 2011-6-8 12:43
5,  有1人話面交, 經短訊中約好地點時間, 已交換電話, 因以往經驗好多人開始時好熱烈, 熱情過後就不了了之, 加上相距約見日期10日後, 我就當係冷靜期, 要求對方早約見前1天再電話確實, 我更留短訊如明天10點前收唔到來電就當取消.  卒之當天冇影, 好彩早有經驗, 唔係要我將棵香茅挖出做一輪功夫.  幾天後收到短訊解釋一番, 道歉之如希望郵寄香茅, 算啦! 拒絕咗.


我就是那位面交的人了,我當日有去錦繡(就是版聚那天),因前一天身體不適,上吐下瀉,沒知道您留言給我。

我有跟其他花友提過約了您但忘記帶您的電話亦一直在等您的電話,有些突發事情發生了並不是我想的。

無論如何,失約是我不對,提出來只是想澄清並多謝您的分享。

八王爺 發表於 2011-6-8 15:24:54 |顯示全部樓層
依家好多人少根「筋」,你已經太好人。

點評

我都唔明  發表於 2011-6-9 00:42
~無心肝~ 明晒! 唔該2位. 王爺, 除咗呢個帖d人, 都仲有好多有心肝人架!  發表於 2011-6-8 16:53
根據我睇台劇嘅理解,claudiatang無估錯,即係無心肝  發表於 2011-6-8 16:08
可能是指少了根腦筋.....^^  發表於 2011-6-8 15:57
sorry, 唔明~"少根筋"點解?  發表於 2011-6-8 15:46
金盞花 發表於 2011-6-8 15:43:25 |顯示全部樓層
先多謝大帝贈我"威望+獎賞"

過程中唔開心一定有, 撞到呢d人會覺得"唉, 自找麻煩, 真係唔知為乜?!"  雖然有人會話都係玩玩吓, 無需咁認真.  但在我方就唔係咁諗, 每當做分享前都要做個準備, 好似今次都係等我處理完隻貓d事情, 妥當喇至做分享, 因為都要花d時間處理, 唔想有甩漏影響到人.  我會當係一個工作, 一日未完成總係心掛掛, 有人寄失信件會擔心自己俾個地址有冇錯, 直至收到回覆搞掂妥當至安心.

我出呢個帖都係想呻吓! 玩意都係咁, 如放在工作上佢哋係點做事呢? 我會覺得有d人做事方式自己唔太接受.

會唔會再做分享? 都會, 可能要揀選吓!


點評

唔好氣餒,有時見花友有分享,我都想要,但盒仔size唔啱,又打消念頭,有時修葉想分享,但又怕麻煩,又未試過驚搞亂又放棄,或者試同好友高1.2份試過才會式分享我都好怕煩嘅人   發表於 2011-6-9 00:51
金盞花 發表於 2011-6-8 15:51:35 |顯示全部樓層
回復 yuen-w 的帖子

明白, 因為之前有太多不快事, 所以就將你歸類   
有突發事件又真係唔想

點評

大家都是因為喜愛種植而在這個網認識,您無私的分享其他人是明白的,今次做成您的不便,我是責無旁貸。  發表於 2011-6-8 16:29
caca8j 發表於 2011-6-8 16:12:22 |顯示全部樓層
我會當係一個工作, 一日未完成總係心掛掛
我都係咁,所以唔係連放2日假我都唔想攪住.
...其實,係咪攞苦嚟辛呢?
caca8j 發表於 2011-6-8 17:15:17 |顯示全部樓層
金盞花  ~黑名單~只不過係每次記低呢個人有咩大麻煩, 如果下次遇到佢咪拒絕囉!

但佢自己唔知喎,佢照排隊我就真係唔知點做好...
小Con子 發表於 2011-6-9 09:12:49 |顯示全部樓層
我都試過有個花友要求面交 (佢住得都好遠,其實可以寄回郵),約好後又話要寄回郵,點知等極都係收唔到佢封野,後來佢又話可能寄失咗..........

點評

你話呢d係咪激氣! 做親分享可能有幾個品種, 又每樣有數份, 如果多幾個麻煩人真係俾佢搞到頭痛.  發表於 2011-6-9 10:35
lameric 發表於 2011-6-9 09:52:30 |顯示全部樓層
caca8j 發表於 2011-6-8 17:15
金盞花  ~黑名單~只不過係每次記低呢個人有咩大麻煩, 如果下次遇到佢咪拒絕囉!

但佢自己唔知喎,佢照排隊我 ...

咪加句:"申請者獲得分享與否由分享者決定,不得異議."囉.

點評

都可以試下....  發表於 2011-6-9 17:27
jellyfishy 發表於 2011-6-9 10:09:40 |顯示全部樓層
我寄手工皂都試過寄失,血本無歸~ 好彩香港交通方便,約面交不太難,不過偏遠地區的花友就麻煩d喇~
我知自己時間好難就,所以唔係好敢找花友分享花草~ 

點評

早到係一定要啦,有乜理由要人D嘢仲要遲?如果無電話到,等5分鐘都太多.  發表於 2011-6-9 17:33
等10分鐘可接受. 接受分享嗰位朋友最好早d到以表誠意, 唔好要人等嘛!  發表於 2011-6-9 11:42
金盞花 發表於 2011-6-9 11:35:02 |顯示全部樓層
本帖最後由 金盞花 於 2011-6-9 11:37 編輯

Wince, 盒仔方面唔難搵.  好似今次做分享, 收到各款盒仔(如: 利口x橡皮珠紙盒, 細小萬字夾紙盒, 有間隔膠藥盒) 最重要係將佢包裝完之後可以入到信箱.
比得大帝 發表於 2011-6-9 11:43:43 |顯示全部樓層
希望各花友看完後, 明白分享者的苦心和無私奉獻
多加配合和包容
cklife 發表於 2011-6-9 14:13:18 |顯示全部樓層
所以我多數約面交...仲要人地出門口前打電話比我...(我講明我無記性..唔打電話我就唔記得)

所以...我覺得OK...(我無番工..得閒嘛....所以有D唔同)
KOOKOO 發表於 2011-6-9 16:18:00 |顯示全部樓層
做分享又真係麻煩又多野做, 我都開始有植物分享俾其他人, 睇完呢個貼學到唔少野, 希望接受分享的人, 感受對分享者送植物出的心意,
我接受分享的做法是:
在貼內排隊, 跟住PM送出分享樓主, 再把貼收藏起來, 方便跟進分享進度, PM內容如果有有用資料會用紙筆記底, 萬一電腦有事都有記錄睇,
1234下一頁
您需要登錄後才可以回帖 登錄 | 註冊

本版積分規則

初級園丁
  • 80

    主題

  • 1730

    貼文

  • 0

    FANS

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.