CK香草日記

[複製鏈接]
作者: cklife 发表于 2011-4-17 16:45:21
16498 84
cklife 發表於 2012-1-8 16:04:24 |顯示全部樓層
本帖最後由 cklife 於 2012-1-8 16:07 編輯

新既一年開始喇......
2012年一月...又睇下佢地先..

上年終於擺脫迷迭香殺手之名,佢都好生性,最近更越生越壯,香味濃陏。




生得好密呀,諗住疏一疏佢啦,就快春天到喇,怕野虫呀。(今日隻蜜蜂係咁圍住我飛,話我知昆虫開始活動喇)
但唔多識剪,點算好呢?先修左近泥面D枝葉先啦,等佢通氣D嘛....修修下覺得佢幾鬼似盆景喎....
剩番既去參考完人地D盆景點修先再剪囉...




旁邊圈住依兩株係之前拉低左枝修做壓條既,應該生左根囉....
等春天再分盆,又多兩株。




之前版聚網友分享既刺芫荽,屋企種一棵死左,田種既三棵死剩一棵,一直都生得幾好喎...



佢自動播種,係旁邊生左兩棵苗出黎,挖番屋企又試下種...





甜菊仲係唔識種,種得好樣衰...




芫荽開始出葉喇...



msfion 發表於 2012-1-8 23:14:37 |顯示全部樓層
睇到香草日記,讓我想起一套戲"花好月圓夜",男主角任賢齊係一位古代芳療師,佢種左好多花&香草用來調香研究,佢每日都同花花傾計,唔知ck會唔會咁呢 ?其實我會咁ga.
ht333147 發表於 2012-1-8 23:26:51 |顯示全部樓層
本帖最後由 ht333147 於 2012-1-8 23:27 編輯
cklife 發表於 2012-1-8 16:04
新既一年開始喇......
2012年一月...又睇下佢地先..


(今日隻蜜蜂係咁圍住我飛,話我知昆虫開始活動喇),

未到驚蟄, D 昆蟲應該重訓緊,
係你搞亂它們的生活節奏,

BTW, 有無蝴蝶飛來?

D 甜菊好好啦, 新芽會快高長大
cklife 發表於 2012-1-9 08:37:04 |顯示全部樓層
msfion 發表於 2012-1-8 23:14
睇到香草日記,讓我想起一套戲"花好月圓夜",男主角任賢齊係一位古代芳療師,佢種左好多花&香草用來調香研究, ...

有架。。。。
有時仲會放歌佢地聽。。。

昨日上網睇下甜菊栽種,溫習番下啦。。。睇到話佢怕凍,咪拿拿聲上天台拎番佢入房囉,咁就同佢傾左一陣。。
忽略左佢既需要,同佢道歉囉。。。

迷迭種得幾好下,下一個目標係甜菊,希望可以開枝散葉啦。。
cklife 發表於 2012-1-9 08:43:00 |顯示全部樓層
ht333147 發表於 2012-1-8 23:26
(今日隻蜜蜂係咁圍住我飛,話我知昆虫開始活動喇),

未到驚蟄, D 昆蟲應該重訓緊,

我無攪蜜蜂窩呀。。。。

昨日我幫迷迭香剪枝佢就圍住我飛,我同佢say hello之後。入到廚房,又有一隻蜜蜂圍住我飛(唔知係咪同一隻),咁我咪打開廚房窗叫佢走出去囉。。。

誰不知我開門要出街時,又係樓梯口見到有隻蜜蜂向我飛過黎(唔知係咪同一隻),落到樓睇 到,樓下隣 居d洋紫蘇開左好多花,唔知係咪咁引左好蜜蜂過黎呢。。。但又唔見有蜜蜂係d花度喎。。。。

唉。。。本來紫蘇留左種,諗 住春天播,睇 到樓下d洋紫蘇。。。我想將d種子掉左佢,去花墟買過一包種。
小野貓 發表於 2012-1-9 10:21:58 |顯示全部樓層
唉。。。本來紫蘇留左種,諗 住春天播,睇 到樓下d洋紫蘇。。。我想將d種子掉左佢,去花墟買過一包種。

↑我唔係好明...點解要將d種子掉左佢...

點評

可能己經雜交左,費事種出黎唔係自己想要果個樣囉...反正種子都唔係好貴,種出黎食得安心D嘛.  發表於 2012-1-9 10:31
小野貓 發表於 2012-1-9 10:35:02 |顯示全部樓層
原來係咁....因為蜜蜂既出現....+上... 樓下既洋紫蘇開花...有機會雜交~
我發現我真係笨蛋...竟然諗唔倒~
cklife 發表於 2012-1-9 11:41:51 |顯示全部樓層
想修剪迷迭香
上網搵完資料,都係無乜頭緒,就用我一向修羅勒既方法去修喇。

目的係疏枝....透氣..


修前...




修後...




另一個角度..




修出黎既枝修,插入泥...等生左根就可以拎出黎分享喇...




修出黎既葉..未諗到點用..再諗下先..




嘩...係檳城買既薰蒜頭,乜唔係薰完就死左既咩...點解會發芽架? 唯有種左佢喇..





cklife 發表於 2012-1-9 19:26:16 |顯示全部樓層
今日見到蜜蜂外仲見到蝴蝶....同埋好多虫虫呀...

兩個朋友比虫咬到鬼殺咁嘈...

ht333147 發表於 2012-1-9 22:23:06 |顯示全部樓層
cklife 發表於 2012-1-9 19:26
今日見到蜜蜂外仲見到蝴蝶....同埋好多虫虫呀...

兩個朋友比虫咬到鬼殺咁嘈...

浪蝶出場, 齊晒.

這種天氣會有蟲咬?

點評

咬佢地,唔咬我。。。  發表於 2012-1-9 22:49
cklife 發表於 2012-4-23 21:12:34 |顯示全部樓層
本帖最後由 cklife 於 2012-4-23 21:16 編輯

綠紫蘇試左兩年,今年終於發到芽喇...

記錄一下先..

係興業買既種子,寫住出廠日期係2012年1月....夠新鮮喇掛..




包裝上寫發芽率80%,又真係差唔多喎..


放落泥,依家改左用試飲杯,又真係幾方便



其實諗住出到本葉就做分享,但塊田未攪諗,落唔到田,就一拖再拖..


拖到可以落田種喇...保証自己棵綠蘇唔死先...咁就可以分享喇...都己經四片葉喇..





----------------
出左分享貼後,立即收到PM問野,雖然己經答左,不過都想放係度,可能其他人都想睇下。

問題一係點樣提高發芽率?
其實我都唔知,所以我只能夠講我今次發芽既情況比佢知喇..

第一種子要新鮮。
第二我用紙巾催芽。未出到芽既繼續放紙巾內,未出到芽既會繼續出。
另外,出左子葉時要留心補水,唔好比佢乾水,唔係好易枯,我喜歡比佢坐水盆。會開始比佢每日曬一兩小時太陽。
到出左第一對真葉,我就會要佢離開水盆,同埋比佢一日曬3-4小時太陽,原因係盆細泥少,怕佢乾水我又唔記得補水。如果坐住水盆可以曬一日。但如果坐水盆,水位要底D,太多水浸住,佢根唔洗追水,根就生得無咁長無咁深...

問題二,問點樣令羅勒多D側枝,因為己經剪頂但側枝仲係少?
因為情況同紫蘇通用,所以放埋係度..
羅勒(紫蘇)中意太陽,散射光可以,但真係無咁大棵囉....
第一要盆夠大,泥夠多。
第二夏天羅勒要夠水,生得太大棵有時覺得早晚淋水都唔夠,我會幫佢吊點滴補水。
再黎係要勤剪大葉同每個枝條最頂既葉子。我一般2-3星期就會大收獲一次,越剪生得越多。
剪完後要補液肥,如果愛用液肥可以1-2星期施肥一次。如果用固體肥就一個月一次,係盆邊挖條坑埋左佢。
不過植株細既時候方便D埋固體肥,一般到後期根生滿盆,就只能用液肥喇...
收獲後施肥佢會生得好快..


點評

與我的綠紫葉型有點不同, 唔知味道是否很濃呢?  發表於 2012-4-26 10:49
pwhfanny2005 發表於 2012-4-24 22:35:27 |顯示全部樓層
cklife 發表於 2011-6-7 10:04
哈...我的田裡多出一隻蛙....自來蛙...

係蛙哈哈!你D香草好靚,我係新手,幾場大雨將我幾棵苗仔送走左!我想請教下,D種子點樣先可以快D發芽??我D係香蜂草同羅勒!

點評

種子要快發芽咪要有適當既溫度囉...一般我地會係適當既月份種適當既植物咁咪快囉...  發表於 2012-4-25 09:33
mrsbearbear 發表於 2012-4-25 09:43:11 |顯示全部樓層
你d香草好正呀,如果我都有塊田就好了,我依家得羅勒同薄荷咋,都係花友分享的,之前有種過rosemary,但真係好難種,死鬼晒。睇完你個post我又想試吓紫蘇,係可以去濕疹嗰款,因為屋企人都有濕疹。

點評

吓..乜紫蘇可以去濕疹咩?rosemary種法同羅勒剛好倒轉,因為佢怕熱,我秋冬天先會拎出戶外,夏天放係屋比佢避暑。  發表於 2012-4-25 09:46
mrsbearbear 發表於 2012-4-25 09:54:26 |顯示全部樓層
mrsbearbear 發表於 2012-4-25 09:43
你d香草好正呀,如果我都有塊田就好了,我依家得羅勒同薄荷咋,都係花友分享的,之前有種過rosemary,但真 ...

我見你係第一頁講可解蝦蟹濕毒嘛~~
咁我跟你個方法再試多一次種rosemary先,因為我真係好鍾意佢嘅香味。

點評

你既推理幾好喎...但濕疹唔一定食蝦蟹先起架,其他原因係幫唔到忙架....不過如果食蝦蟹會起濕疹既人,食佢有預防作用,我老公試過,OK...  發表於 2012-4-25 11:36
mrsbearbear 發表於 2012-4-25 18:01:47 |顯示全部樓層
mrsbearbear 發表於 2012-4-25 09:54
我見你係第一頁講可解蝦蟹濕毒嘛~~
咁我跟你個方法再試多一次種rosemary先,因為我真係好鍾意佢嘅香味。 ...

那請問你樓上的綠紫蘇是否也一樣功效?

點評

有既...感該係強弱分別囉...  發表於 2012-4-25 22:42
jubiechan 發表於 2012-4-25 22:02:59 |顯示全部樓層
Wa !! 我都想種迷迭香 !!

點評

我岑晚即去咗街市間花舖買咗一盤再黎過啦,你都一齊啦~~  發表於 2012-4-26 10:19
心動不如行動..  發表於 2012-4-26 07:25
mrsbearbear 發表於 2012-4-26 10:20:34 |顯示全部樓層
mrsbearbear 發表於 2012-4-25 18:01
那請問你樓上的綠紫蘇是否也一樣功效?

好可惜你啱啱分享完lu~~不過我都係想要紫蘇多d,希望你快d有得分享,hehe
cklife 發表於 2012-4-26 13:20:23 |顯示全部樓層
回覆︰[小寶  與我的綠紫葉型有點不同, 唔知味道是否很濃呢? ]

係囉..日本料理用果D係心型架...我都有少少怕佢唔夠味...

希望佢真係綠紫蘇喇....最怕種左第二樣野出黎....照計唔會掛..
cklife 發表於 2012-4-27 08:47:33 |顯示全部樓層
本帖最後由 cklife 於 2012-4-27 08:48 編輯

迷迭香修剪

有草友問夏天就黎,點修剪迷迭香等佢渡夏,咁橋我今日就修剪左,放係度記錄一下。


首先係今年一月,舊棵盆既修法。


植株來源,係田度剪既支條,露地栽種,希望佢比較粗生能夠適應。

回家插枝生根


種左三棵,長大一D選一棵壯既留底,其他移走。

長大之後既樣,春天喇同佢修剪下。


則邊有兩枝做左壓條,己長根順便將佢分離。


我會先將底部近泥面既葉剪走。


跟住就修剪中間近莖部既葉,令佢通風。




今日剛修果盆

就係上邊果盆壓條出黎


選生得比較四正既一棵




落盆,幾靚仔....對佢有期望架...


長大左,第一次修枝修葉及摘頂


睇下中間D葉生得幾密..


剪左之後


另一個角度


因為我想將佢種到好似樹仔咁,所以太底近既枝條唔想要,而且佢地貼住個盆邊喇,我唔中意。


佢地生得咁壯剪走佢好似可惜D,就將佢地壓修啦...


一下無注意到其中一枝壓斷左少少...


剩番上面依五枝,就係我想留既,第日長大會變粗同木質化,變成樹枝咁。順手幫佢地摘頂,等佢地生則枝。


修剪完喇,準備渡夏。





mrsbearbear 發表於 2012-4-27 09:27:25 |顯示全部樓層
我前日買咗棵rosemary,返到屋企就幫佢換過大d嘅盤,但今日見到佢地彎晒腰。
係咪因為呢幾日無陽光同大風所致?定係咪適應新環境?佢會唔會又死嫁?

點評

似乎太早換盆囉....我會拎番黎放幾日睇下佢反應,如果無野先換盆。如果灣腰就換地方,搵到適合生長既位置先會陏佢。咁起碼有事都易估D嘛...  發表於 2012-4-27 12:40
您需要登錄後才可以回帖 登錄 | 註冊

本版積分規則

園藝大師
  • 118

    主題

  • 10582

    貼文

  • 7

    FANS

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.