CK香草日記

[複製鏈接]
作者: cklife 发表于 2011-4-17 16:45:21
16497 84
本帖最後由 cklife 於 2012-1-8 13:10 編輯

蘿勒

這是上年在citysuper買的香草枝條,用20CM盆種,植株26吋,生長旺盛,沒出現過病害。
秋天自留種子,今年3月下種。


3/3下種經過十一天才發芽

17-4-2011
終於長成幼苗






cklife 發表於 2011-4-17 16:53:29 |顯示全部樓層
到手香
上年農友分享的枝條,一直常青。
最近看陽光不錯,拿出去給它曬太陽,只幾天時間,葉片變紅了。想起蘆薈也有這樣的情況,原來它不需那麼多陽光的。

剪下頂端種新插泥,現在只放在窗邊,不再給他曝曬了。

cklife 發表於 2011-4-17 16:58:26 |顯示全部樓層
迷迭香
為了除去迷迭香殺手之名,再試插迷迭香,只插了幾天還沒看到結果。
在網上找過一堆資料,估計之前所種的迷迭香死忘原因是,植料疏水性不夠,而且擺放位置氣溫太高。
今次分開二盆,分別放在晚上會開冷氣的房間,和之前熱死迷迭香的假天台。


這盆還好吧....




這盆二天己有一枝枯萎,只能跟自己說,是選的枝條太嫰生命力不夠吧。

cklife 發表於 2011-4-17 17:07:28 |顯示全部樓層
紫蘇
上年花墟買的盆栽,自留種子,今年也發芽了。



可能天氣較暖下種,三天就發芽了。


bunbun05 發表於 2011-4-19 16:34:44 |顯示全部樓層
其實點留種子架?
cklife 發表於 2011-4-19 18:51:14 |顯示全部樓層
bunbun05 發表於 2011-4-19 16:34
其實點留種子架?

等佢開左花,再等花枯左,再等見到本來有花既地方有籽(花房膨大)。

就剪左佢落黎風乾,就可以攞到種籽。

亦有人唔剪,直接等枝種子變啡色,取種籽....

我怕睇唔實,種籽自己爆開落左泥都唔知...所以我剪佢落黎風乾。
42ndfloor 發表於 2011-4-19 19:05:29 |顯示全部樓層
回復 cklife 的帖子

我同你一樣都有喺超市買左D香草支條番嚟種, 希望種得成啦!

想問下, 你喺花墟買嘅紫蘇有冇煮食用, 味道如何?
cklife 發表於 2011-4-19 19:20:19 |顯示全部樓層
紫蘇係花墟買,佢寫明係食用紫蘇,我買既係綠面紅底品種。
上年收左將佢風乾入茶袋作保健茶用,味道同藥材店買既乾燥紫蘇葉完全一樣。
功效都有呀.....我老公有次食完蝦,番屋企開始想發濕疹,剛好果日收左新鮮紫蘇.....
佢係雪櫃摷到,拎黎就咁生吞左一小盒(好似牛食草咁),佢話有效喎....剛發出黎濕疹無痕,第二朝縮埋好似無事發生過咁...
(中醫話紫蘇可解蝦蟹毒)
42ndfloor 發表於 2011-4-20 01:32:12 |顯示全部樓層
回復 cklife 的帖子

其實我諗著好似煮日本同韓國菜咁樣用...原來紫蘇係中藥都有用嘅! 唔知其他敏感類嘅症狀會唔會有效? 等我買啲嚟試下先!

cklife 發表於 2011-4-20 08:59:44 |顯示全部樓層
煮日本同韓國菜....你要搵青紫蘇囉....
紅紫蘇質地比較粗鞋同硬.....青紫蘇就係食魚生用果D....唔同品種架...
青紫蘇味淡D....紅紫蘇味濃...

點評

好彩睇左你個post先...thanks!  發表於 2011-4-22 04:27
gtrnismo 發表於 2011-4-22 00:55:46 |顯示全部樓層
你D basil好靚
我都想收種子不過我唔可以

其實綠紫蘇有好多好多種
多到我都唔識分....
cklife 發表於 2011-4-25 16:36:28 |顯示全部樓層
gtrnismo 發表於 2011-4-22 00:55
你D basil好靚
我都想收種子不過我唔可以

係...真係有好多種....

我記得係藥材店買既乾紫蘇係兩面唔同色架...所以搵左依隻青面紫底黎種囉....

不過聽講味最濃係紅葉既....而韓國好似用皺葉紫蘇.....食日本魚生果D好似叫大葉紫蘇...
cklife 發表於 2011-5-3 21:49:54 |顯示全部樓層
本帖最後由 cklife 於 2011-5-10 17:41 編輯

紫蘇因為太多蚊滋....忍唔住比掉左....
走去花墟買過一盆$28,一盆有五枝,記錄一下我換盆...





剪下頂部枝修約8-10CM,插枝繁殖,順便作為摘頂。


將枝修底部葉剪去。



保持泥土濕潤,約一星期生根。






再來把是換泥分盤。



五株種在六吋小盆太擠了,根都盆滿了。



泥也太黏了,有點黑腳。




簡單換盆程序︰


先在盆底放上紗網



再放上小石子作疏水層



灑上泥蓋著石子



靚土:金泥︰矽石=3:1:1 ,加少量水進去一起混合。



有機粒肥



灑上基肥,再灑上泥蓋著基肥。



把植殊放上,灑上泥至盆的70%-80%滿。



輕輕澆上水,固定根部,若根部露出,則再補泥上去。






再來把較大葉子、老葉、枯葉及底部橫枝剪去。



成了這個樣子。



分成一棵一盆(20CM植徑)






點評

你好專業呀!!  發表於 2011-6-10 23:58
cklife 發表於 2011-5-20 16:55:21 |顯示全部樓層
本帖最後由 cklife 於 2011-5-20 17:51 編輯

更新一下進度先.....

首先係迷迭香,插枝放係兩處唔同既地方,主要想睇下溫度差別既影響...
一盆係放假天台,熱到亞媽都唔認得既地方...另一盆放向東既室內窗邊,中午或晚黑太熱會開冷氣既。



結果..假天台既一枝都生唔到根.....





室內窗邊涼冷氣既...全部有根.....



落埋田添...

甜羅勒
前面講自己留種既甜羅勒,培好苗落田囉。





落田生長良好,葉長得好快。要摘頂囉...



開始長大喇...修下葉先...遲D個底D細葉要剪晒佢...通風通風


薄荷

街市買既薄荷最粗生。








蔓延太勁....被我鏟晒佢....

花墟買既檸檬薄荷(清香檸檬味),生長良好,幾粗生。






紫蘇
花墟買番黎剪左個頂插入盆...生根...又落田喇..






香茅
係印尼土產店買既香茅枝插水生根,再插落田。係...水插時己有少少葉。














剪左髮,幾靚仔。入泥大約一個月,第一次剪。


韮菜


上年夏天插種既韮菜得幾枝,係盆養極都唔粗...所以拎埋落田種。




落左田終於識大喇.....有得食囉






nekokaren 發表於 2011-5-20 19:04:06 |顯示全部樓層
回復 cklife 的帖子

好多啊

點評

每樣一DD其實唔係好多...  發表於 2011-5-20 21:27
juju0268 發表於 2011-5-22 22:02:19 |顯示全部樓層
cklife 發表於 2011-4-20 08:59
煮日本同韓國菜....你要搵青紫蘇囉....
紅紫蘇質地比較粗鞋同硬.....青紫蘇就係食魚生用果D....唔同品種架. ...

我試過用紅紫蘇葉沖茶, 唔使落糖都甜甜地, 茶色淺紫好靚, 幾好味

點評

我一般係食完魚生或感冒時用黎汁茶...或去旅行做茶包當保建預防用....所以平時多數係時嫰葉...最愛炒蛋..  發表於 2011-5-23 08:13
cklife 發表於 2011-5-23 08:51:31 |顯示全部樓層
本帖最後由 cklife 於 2011-5-23 08:54 編輯

更新下屋企既種植情況先......

羅勒

依棵放係屋企留種用,田種怕會同人地D雜交唔敢留種。係用田果棵摘頂既枝黎種...依家仲係BB







發左芽既薑,丟入個盆度自生自滅。



檸檬薄荷
依個位種香草好好,好幾種都唔洗點理自己生。



本地薄荷
做實驗既本地薄荷,泥入面埋左半熟廚餘作基肥,睇下佢生成點囉....
我既隣居今年好成功地引到好多野生鳥黎同佢隻家雀鬥唱歌,每朝早未起身就比雀嘈醒,其實都幾好大自然既聲音嘛....但D植物就唔多好喇....依盆薄荷,每日唔見五分一既葉,有D仲只剩番枝莖,唯有用防虫網罩住佢喇....
依家D葉生番晒出黎喇....試下唔落網睇下D雀仲攪唔攪佢。




之前被催殘既樣




haing basil
泰國買種子番黎種既....細細棵,葉片有檸檬味。之前亦比雀雀催殘,但雀雀唔食佢,只係將佢D葉咬晒落黎玩,所以...又要加個網...細細盆我就用舊既洗衣袋套住佢囉。



之前個樣...



洗衣袋套住...好樣衰...但可以保命...



依家生長得幾好。因為葉好嫰,又有檸檬味,所以用黎做沙律。

紫蘇

五盆...想收紫蘇葉晒乾留番黎冬天煮紅糖薑茶用。暫時都未見長新葉,我諗佢生緊根掛。
之前佢亦被雀雀玩,可能依棵野生得幾高...雀雀只係企度係盆邊,咬底部既葉...所以佢下部既葉無晒...反正依棵野底部我唔留葉,就由得佢地玩囉。


迷迭香
嘆冷氣既迷迭香,摘左頂喇...佢仲建在未死。



準備版聚時既兩盆羅勒插枝生左根喇...仲有一棵錯手摘左落黎,又好似會幾好生既藤三七,順便入埋泥。



租左田,屋企今年唔種咁多野喇....只種想食既野....
cklife 發表於 2011-5-26 15:50:55 |顯示全部樓層
本帖最後由 cklife 於 2011-5-26 15:52 編輯

又黎睇下我棵甜羅勒喇...


一個星期前剪完既樣...



昨日去又有得收喇...




剪左最底部兩枝,頂部兩枝,插水等網聚送人。收左d大塊葉。因為落雨所以無補肥。



收埋都夠煮一個人份量肉醬意粉。
不過棵甜羅勒,落左田變左樣,葉片深色左,形狀變左尖長型,香味變濃左少少。


cklife 發表於 2011-6-5 11:28:39 |顯示全部樓層
香草版聚喔...拿了些小苗喔...感謝大家湧躍捐輸....

刺芫荽....原來是個寶物



快樂鼠尾草



香蘭葉


珍珠菜



到手香...跟我家在種的不同種呢...






人參菜




艾草----奇怪的...這個艾草沒啥香味...




matt 發表於 2011-6-5 20:05:26 |顯示全部樓層
記住快樂鼠尾草係唔食得嫁

點評

吓....唔食得架....咁種左點用架?  發表於 2011-6-5 21:18
12345下一頁
您需要登錄後才可以回帖 登錄 | 註冊

本版積分規則

園藝大師
  • 118

    主題

  • 10582

    貼文

  • 7

    FANS

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.