見到有堆肥桶賣

gender 發表於 2011-4-20 00:58
回復 klai 的帖子

請問 Does it smell?

我放在天台，唔開蓋冇乜味，一開…有想死嘅感覺！

我冇用過花生麩，因為最初賣肥人話會好臭同有曱甴老鼠。我個bokashi有大量豆渣，可能會特別乞人憎。

我冇用過花生麩，因為最初賣肥人話會好臭同有曱甴老鼠。我個bokashi有大量豆渣，可能會特別乞人憎。

我最初都想買BOKASHI, 但係發覺箱太細 (起碼要2個), 同埋心想應該有啲更平嘅方法, 跟住後尾買咗本「堆肥變沃土真簡單的書」後, 諗到家中有露天地方, 便在5月28日開始試玩有氧堆肥, 因BOKASHI 係厭氧的.

做法: 用裝泥嘅尼龍袋(25L), 最底層放泥, 放廚餘, 落紅糖, 放泥, 加水保持濕潤 (試過加米水), 裝到個袋3/4或一半就停. 最後用大衣夾夾住袋口, 得閒搞吓佢 (因是有氧堆肥, 需要空氣). 放落去除咗廚餘(包括肉渣), 還有家中的貓糞(內有可分解的松木沙). 我沒有計炭氮比, 總之將所有可循環及堆肥嘅廢物放入去. 我由28/5至15/6所有家中廚餘/貓糞,及隔離屋嘅廚餘都用這方法. 15/6之後就停止, 觀察是否可行再決定繼唔繼續. 再加上沒有泥袋, 會問南貨店或米舖施捨.

總共整咗3包, 有1包冇放糖, 約第十日開始見到蛆蟲(約1CM長), 不過唔怕, 發酵中的熱力會熱死佢哋, 同埋如果完全發烤後, 冇腐物俾佢哋食, 佢哋都會自然死亡. 臭味方面, 最初十日, 聞到爛芒果味, 及酸醙味, 好彩通風良好, 所以只是時不時聞到. 而家已經聞唔到.

睇書話糖可消臭及助益菌生長從而加速分解, 豆芽頭或豆類都可以.

啱啱睇過最先哪包有加糖的, 見到大部份已分解, 遲多幾日會俾蚯蚓作食物.
至於兩日前發現大量蛆蟲的哪包, 撥開泥看過, 蟲的數量已大減.

現在還在探索階段, 因書中提及好多物料及方法, 如米糠, 粗糠, 豆粕, 椰磚(似是椰纖), 益多多, 等等呢啲幫助消臭或加速分解的物料都不是容易找或者唔經濟. 但係我而家呢個方法都好似幾WORK. 當然會再跟進.

再提一句, 最好有戶外空間, 通風良好, 可容忍少至中度臭味(最初10至15日), 視乎當中的益菌情況. 大家交流吓吖.

其實味道真係唔係持續嗰隻, 夾住袋口加上夠通風真係完全聞唔到. 因書中教話黑糖可助消臭, 即管試試, 睇吓係咪堅. 發覺比起冇加嘅, 真係少好多臭味. 就好似橙皮+糖+水吽嘅酵素水咁, 聞落仲有香味㖭.

rrr888 發表於 2011-6-19 15:45
我最初都想買BOKASHI, 但係發覺箱太細 (起碼要2個), 同埋心想應該有啲更平嘅方法, 跟住後尾買咗本「堆肥變 ...

rrr888 謝謝你的分享，其實我對迼堆肥都好有興趣，不過都係有d唔明白，麻煩你講多少少，例如︰你用o既泥係科學泥抑或普通泥？紅糖是否食豆付花果種糖？同埋大概份量幾多呢？另外，會否有肥水滲漏出來呢？唔好意思，太多問題要你解答。

邦妮 發表於 2011-6-29 17:57
rrr888 謝謝你的分享，其實我對迼堆肥都好有興趣，不過都係有d唔明白，麻煩你講多少少，例如︰你用o既泥 ...

唔緊要. 大家交流吓, 我都係第一次做, 唔係好熟架咋. 不過勝在有個露天地方, 就算有臭味, 有蟲, 沖吓佢就得. 因為點都好, 遲早都會分解.

我用嘅泥係有機泥. 紅糖係豆腐花嗰啲, 其實最好用黑糖(最天然), 但買唔到粉狀嘅. 我其中一包加糖嘅, 分量係大部份蓋過啲廚餘, 冇特定. 有廚餘水漏出, 但聞唔到臭, 不過連日落雨, 竟然見到有蛆蟲, 好易搞嘅, 用個鏟撳死佢哋. 我下次會試吓將整包放在泥上堆, 睇吓會唔會少啲蛆蟲. 但係蛆蟲都係營養嚟嘅.

袋唔裝滿, 約一半! 如果唔係難攪動. 書中教其中一個門田幸代女士教嘅麻布袋堆肥法係: 落葉, 廚餘, 米糠(或豆渣), 完熟嘅堆肥土或粗糠. 我自己就作參考, 但搵唔到豆渣, 所以加糖, 不過加豆渣會快啲. 最緊要攪動, 因為係有氧堆肥. 有一袋底部搞唔到, 挖開聞到臭. 但夾番個袋口就聞唔到.

我而家仲係實驗階段, 希望試到個經濟, 快, 少臭味, 方便操作嘅方法.

你最好睇吓呢本書, 你會發現好多嘢, 就嚟書展, 有特價呀.

rrr888 發表於 2011-6-29 19:31
唔緊要. 大家交流吓, 我都係第一次做, 唔係好熟架咋. 不過勝在有個露天地方, 就算有臭味, 有蟲, 沖吓佢就 ...

謝謝你的解答，我覺得臭味都係其次，最好就係能解決蛆蟲問題，同埋d肥水都好有用，漏走左就好可惜，希望你可以研究出一個好的堆肥方法再同我地分享。

邦妮 發表於 2011-6-29 21:52
謝謝你的解答，我覺得臭味都係其次，最好就係能解決蛆蟲問題，同埋d肥水都好有用，漏走左就好可惜，希望 ...

好的. 但係如果捨得嘅, 可試BOKASHI方式.

TO : bunbun05, 因為我用嘅係用過嘅有機泥, 靚土或者黑泥. 當中冇黃泥. 所以以黑色為主. 聞到有浸郊外嘅泥味, 所以認為佢都發酵得七七八八.

miffymary 發表於 2011-6-19 14:03
我冇用過花生麩，因為最初賣肥人話會好臭同有曱甴老鼠。我個bokashi有大量豆渣，可能會特別乞人憎。 ...

我之前兩桶只用生果皮同菜葉,肥液只係少少醋味,個個都比個good,
今次諗住豐富啲,加左少少魚骨,只係少少,仲好好心機沖洗乾淨啲油,
點知幾日後,肥液好臭,臭到遠一遠都聞到,
幾驚有人報公安丫
而家等緊14日後,
唔敢諗出來咩樣

msfion 發表於 2011-7-1 17:50
我之前兩桶只用生果皮同菜葉,肥液只係少少醋味,個個都比個good,
今次諗住豐富啲,加左少少魚骨,只係少少, ...

我都有落過煲湯魚渣，不過可能因為一早就有豆渣做底…我反而覺得加咗魚渣冇咁臭。

終於滿桶…最後補了一劑去濕茶渣…100% full!! 個桶冇之前咁臭，我total約用了15-20%菌粉，現在天天有肥水，都是涼茶色…可能跟桶中有咖啡渣有關。

想問問各位用bokashi肥水的朋友，用過肥水後，農地的螞蟻量有增多嗎？

5日不見，差不多有三枝肥水！

cklife 發表於 2011-6-5 11:31
借用janeferwong的圖片

想問問，我的bokashi堆的大部份是一般生廚餘（95%以上是植物，只堆過一次魚湯渣），還有咖啡渣和頗多的豆渣（自製豆漿渣滓），那我的堆肥和液肥該是氮肥嗎？到現時止我只用過肥液，坦白說，效果是…感覺不到，最後還是補了黑雞和豐收一號才見起色，是我的製作出了問題嗎？

堆肥變沃土本書咁寫...

碳比例高(適合葉菜類)
剩飯、粗糠、素食、花生殼、瓜子殼、蔗渣、木屑、落葉。

氮比例高(適合葉菜類)
肉類、蛋殼、蝦殼、蟹殼、米糠、豆粕、根莖類、咖啡渣、禽畜糞便。

磷比例高(適合花卉類)
肉類、內臟、骨頭、奶粉、剩飯、粗糠、豆粕、豆類、養樂多。

鉀比例高(適合果實類)
蚌殼、魚骨、粗糠、豆粕、豆類、菜渣、果皮。

鈣比例高(適合果實類)
骨頭、蛋殼、蚌殼、蝦殼、蟹殼。

cklife 發表於 2011-7-25 11:07
堆肥變沃土本書咁寫...

碳比例高(適合葉菜類)

咁你啲液肥效果如何？

miffymary 發表於 2011-7-25 11:24
咁你啲液肥效果如何？

未用喎...因為我唔係好以買桶張單張咁講法用.....

因為我自己浸廚餘酵素都要浸三個月...放係個桶度...又有食物水份...果十幾日就裝出黎。
我會覺得佢發酵得唔夠囉...我加少少糖....放埋一邊等佢一兩個月後先用...

cklife 發表於 2011-7-25 11:40
未用喎...因為我唔係好以買桶張單張咁講法用.....

因為我自己浸廚餘酵素都要浸三個月...放係個桶度...又 ...

Oic, I also added some dark sugar into the bokashi bucket!

http://hkplants.com/blog-41346-9437.html
第一次埋bokashi入泥！