玩完泥沙再玩分株(十郎分株篇)(完成)

chestnut007 發表於 2019-8-6 18:34
請問怎樣分辨？

通常從腋側會先長出嫩葉，就似插葉時長嫩芽差唔多，由一片嫩葉長到三四片形成一團，最後圍住一個共同生長點時，就係一個新側芽苗，有時衹要輕輕一摘就剝離，或者從側芽底用刀切開，以盡量做到傷口愈細愈好

决定用這棵stinger做素材，斑葉迷你種兼係蜂花，本身係生長唔快嘅品種，所以要做多幾個步驟，比用俄系這類粗生品種可以說明多些，但各位看倌要俾多啲耐性睇今日衹係做第一個步驟，就係等多兩三日

Ming36 發表於 2019-8-5 14:07
我啲插葉小苗，本來生長蓬勃旺盛，幫佢哋分株上咗盆，諗住會健康成長，點知......可能搞到佢哋啲根，一時 ...

Ming大，你知唔知插葉最易犯咩錯？.....終於諗到喇，無錯就係淋水，分株其實一樣，所以我對樓上那stinger採取第一個步驟就係等二三天，不再加水等泥有8，9成乾先

Ming36 發表於 2019-8-5 14:07
我啲插葉小苗，本來生長蓬勃旺盛，幫佢哋分株上咗盆，諗住會健康成長，點知......可能搞到佢哋啲根，一時 ...

我問Ming大有咩最易犯錯啫，唔係話Ming大有錯咁，Ming大你平時係點樣將插葉分株(分誅)？

我將這棵stinger小苗先判斷有多少個生長點，結果最明顯嘅有3個，如圖

圖中最右邊比較明顯獨立成一棵，但左邊兩棵雖然分得出，但仍然係生埋一齊所以我决定今次衹拆走最右邊一棵，另外嘅等佢地同母葉再生長一排後再分離

之前我等了幾天，係為了等泥變乾，這點很重要(雖然有人嫌麻煩會不做)，泥土變乾後會好鬆散，用牙纖輕輕一剔就挑出小苗，因為水份少了，泥土中細菌自然也少了，小苗受感染機會就低許多，這就是你們分株後小苗易死嘅原因之一，水份太多。

我並無立即着手做分株，由得佢在紙上放一陣，吸走多餘嘅水份

水份吸得差唔多，我用乾淨嘅牙纖撥一撥根部，盡量將右邊小苗根鬚留得越多越好，然後用牙纖將小苗剝離母葉

小苗還留住少少根，再等一分鐘，等傷口乾涸，再上盆

上盆嘅方法可參考上面樓#4嘅做法，好容易又多一盆小苗

千祈要記住，要將小苗上盆後，將盆中多餘嘅水份先吸走，先好放入溫室
我再將剛才未分離嘅母葉重新種回去，如圖中可看到4/8時上盆嘅側芽苗基本穩住，可放回外面生長，中間新上盆待吸走水份就入溫室靜養，各樣妥當處理好，好容易，分株無難度，係咪各位看倌

rwgplant 發表於 2019-8-8 19:22
千祈要記住，要將小苗上盆後，將盆中多餘嘅水份先吸走，先好放入溫室
我再將剛才未分離嘅母葉 ...

唔該才子！有你係度非常好！

才子！我今日好忙，未有時間，你出嘅帖小雷子一定捧場，我又可以學到好到嘢！
下次你要開帖教我，如何避免中蟎，滅蟲須知…………

又學到好野了正

小雷子 發表於 2019-8-8 19:58
才子！我今日好忙，未有時間，你出嘅帖小雷子一定捧場，我又可以學到好到嘢！
下次你要開帖教我，如何避免 ...

你用滅虱彈咪得囉，hehe

rwgplant 發表於 2019-8-8 22:29
你用滅虱彈咪得囉，hehe

才子又蝦人！仲要係人地傷口，灑鹽…………收返對你抱抱先！

唔該曬才子，明白控水重要性啦，分株淋透水係錯。

chuyat10 發表於 2019-8-9 10:00
唔該曬才子，明白控水重要性啦，分株淋透水係錯。

水份固然重要，但bb苗根本所需要嘅水份很少，衹要泥土稍微濕潤就夠。一般人都話夏天分株分苗難，其實剛好相反，隆冬時期出苗和分株至係最難

rwgplant 發表於 2019-8-9 10:32
水份固然重要，但bb苗根本所需要嘅水份很少，衹要泥土稍微濕潤就夠。一般人都話夏天分株分苗難，其實剛好 ...

其實已經有領悟，修葉出芽由水苔移入泥都係少少水潤濕根部就ok了。