玩完泥沙再玩分株(十郎分株篇)(完成)

首先十郎哥哥已經曉得插葉，屋企亦湊咗唔少bb嘅AV苗，分苗分株在所難免，佢話分株有啲棘手，小plant唯有硬住頭皮頂硬上，三脚猫功夫都出嚟獻醜，試下解釋佢知有什麽可注意，盼其他花友鼎力協助補充及糾正在下，多謝各位

開始由淺入深，從成株側芽苗入手，因為易着手和易判斷生長點，分株後成功穩苗機會亦大增，適合先練練手。

圖中見到側芽巳經長到小苗般大，係時侯摘落嚟再育苗，不過先要判斷是否巳經成單獨個體，再看圖三，在摘落嚟之前先確認有生長點先落手做，會事半功倍

然後根脚部份要處理一下，小心輕輕剔走老皮和枯萎地方，再放入膠袋密封三兩分鐘，等切口風乾

然後準備(1)小容器，要底部有孔疏水，(2)植料，和插葉時用的稍為多加泥，(3)還有一小塊蒙脫石，但沒有也不緊要。 因為側芽已有生長點，不能像插葉時埋得太深，一定要將生長點露出來，趁植料還是乾，將小苗固定好，可以像我用膠紙幫助固定好位置，跟着放在小水盆，水份從盆底吸受，吸滿後將蒙脫石放在土表上，用噴壺噴濕表面，再用紙吸走多餘水份，完成後，將小苗置於溫室三數天，葉片硬挺後再放回有散光通氣地方，繼續讓小苗生根生長。

您是小plant, 我豈不是小nut (小傻瓜)。哈哈！
我想請問是否要三片葉子與生長點一起分割出來？
切完後，母株會否甩頭甩骨及重傷？
謝謝分享。

chestnut007 發表於 2019-8-4 15:17
您是小plant, 我豈不是小nut (傻瓜)。哈哈！
我想請問是否要三片葉子與生長點一起分割出來？
切完後，主莖 ...

nut有其他好嘅意思，例如有core意思，小nut變成衆人的小小核心，凝聚人心，幾咁好
側芽苗已形成3片葉包住生長點，衹要輕輕一摘就整個脫落，不會散開，所以不會對原本母株做成太多傷害

圖文並茂好清楚，請問蒙脫石是否million A?

faye07 發表於 2019-8-4 17:27
圖文並茂好清楚，請問蒙脫石是否million A?

faye07大真係心水清，蒙脫石（Montmorillonite）的確以前有師兄提過佢就係million A，但應該唔係百分百一樣，在促根方面作用相同，其實還有生根粉可以用，各施各法啫

蒙脫石 多數係養水晶蝦人士 叫法

rwgplant 發表於 2019-8-4 17:58
faye07大真係心水清，蒙脫石（Montmorillonite）的確以前有師兄提過佢就係million A，但應該唔係百分百一 ...

多謝回覆。我沒什麼經驗，要詳細閱讀大大的經驗分享，等自己少做殺手。側芽分株未試過更要知道如何處理，多謝分享

hkclive 發表於 2019-8-4 18:13
蒙脫石 多數係養水晶蝦人士 叫法

以前未流行養水晶蝦前，巳經有人將蒙脫石用于水族方面，養日本錦鯉常用到，甚至養食用魚，養禽畜都用得上，在飼料加入蒙脫石粉等。補充多句，千祈唔好用million A餵水晶蝦

唔該才子咁快傳授分株經，之前我係成泡野挖出來分株，側芽都切埋少少主根俾佢，側芽就成功種到，主體就瓜左，下次用裡個方法試。

chuyat10 發表於 2019-8-4 19:29
唔該才子咁快傳授分株經，之前我係成泡野挖出來分株，側芽都切埋少少主根俾佢，側芽就成功種到，主體就瓜左 ...

未完架，等材料準備好，再有補充

即刻收藏小plant才子，獨家傳授的分株法，等咗好耐啦！
之前唔係好識分株，可能令根部受傷了，小苗渡夏傷亡無數，直頭唔敢數。
等天氣涼番啲，再重新出發

Ming36 發表於 2019-8-4 21:53
即刻收藏小plant才子，獨家傳授的分株法，等咗好耐啦！
之前唔係好識分株，可能令根部受傷了，小苗渡夏傷亡 ...

其實夏天都可以育苗，我依家都有不少分株苗，反而成株渡夏天就越危險，因為難控水易爛根，我目前巳經損失一棵心愛嘅斑葉品種

rwgplant 發表於 2019-8-4 15:49
nut有其他好嘅意思，例如有core意思，小nut變成衆人的小小核心，凝聚人心，幾咁好{:emoji_0 ...

怎樣輕輕一摘三片葉子？我一摘一片片就脫落，不是三片啊！

chestnut007 發表於 2019-8-4 22:22
怎樣輕輕一摘三片葉子？我一摘一片片就脫落，不是三片啊！

因爲你未找到已經有生長點側芽苗，有時衹係腋側長葉，所以不是一個獨立個體

rwgplant 發表於 2019-8-4 22:20
其實夏天都可以育苗，我依家都有不少分株苗，反而成株渡夏天就越危險，因為難控水易爛根，我目前巳經損失 ...

我啲插葉小苗，本來生長蓬勃旺盛，幫佢哋分株上咗盆，諗住會健康成長，點知......可能搞到佢哋啲根，一時未能適應

Ming36 發表於 2019-8-5 14:07
我啲插葉小苗，本來生長蓬勃旺盛，幫佢哋分株上咗盆，諗住會健康成長，點知......可能搞到佢哋啲根，一時 ...

遲D等我材料準備好，會提到你E個問題點解决，目前請忍耐一下

rwgplant 發表於 2019-8-4 22:33
因爲你未找到已經有生長點側芽苗，有時衹係腋側長葉，所以不是一個獨立個體 ...

請問怎樣分辨？