救救小鈴蘭; _ ;

上個月尾係花墟買左盆鈴蘭
但唔夠一個星期就開始黃,,,
哩加成棵而經枯哂T_T,,,,

不過我查過有會員將鈴蘭起死回生
就係消毒完成盆包報紙丟入雪櫃雪60日

我今日係日本城買了消毒液,,但我唔識用T_T,,,是否要加水?
同埋放左入雪櫃仲要唔要淋水??

感謝!

佢未死得晒o既，上面枯左je，下面d根莖通常都未死，瞓左覺je。你有冇睇清楚位花友個post呢，佢春天種，無開花，夏天開始枯，九月枯晒，d根莖未死，進入秋天，佢就雪60日，用低溫剌激花芽分化，原因係香港冬天唔夠凍。鈴蘭生係d冷涼地方，唔啱香港天氣，未必渡到夏，你而家雪佢60日後攞出黎就係炎夏，未必有用。可以試下養根o既，但我舊年都失敗左，熱死晒，你再check下其他花友d帖睇下有冇方法啦。

Vienne 發表於 2011-3-18 11:48
佢未死得晒o既，上面枯左je，下面d根莖通常都未死，瞓左覺je。你有冇睇清楚位花友個post呢，佢春天種，無開 ...

我今日剪哂全棵,根應該未死
如果丟落雪櫃丟到入冬~超過60日得唔得@@

點養根@@?

果60日係要黎扮冬天，等佢開花，唔係要黎雪住佢等佢唔好死wo。而家到冬天成半年咁長...... 會唔會雪死佢呀？
你請教下果位花友佢果盆平時擺係乜位置，幾耐淋水施肥啦，佢個帖其實都大約有講。
呢類花我地多數種完就掉，我自己都買左盆，d花謝緊，開晒之後我都係諗住掉埋佢一邊，佢生到我會好開心，枯左o既咪下年買過lo，我今年買左幾百蚊tulip，全部生到一半高就停左生長唔開花，好失望架，不過大自然係咁架ma，生死自有規律，我打算有得佢地，照淋水，到夏天佢地死晒的話咪掉左佢，秋天再試過lo，年中都種死唔少野架啦，有失敗先有進步，咁執著好辛苦啦。

ricky親自答左你啦，你就照做啦，未必唔得o既，鈴蘭渡夏都算係越級挑戰黎，盡左力咪得lo，我舊年死左七棵，今年再黎過， 大家一齊努力啦。

種花也要隨緣, 過份執著及緊張, 多數會反過來害死佢, 放輕鬆點吧

如你棵鈴蘭現時已連葉枯萎, 能成功養根越夏機會不大,
但若你想以實驗方式來試試養根至秋季也可以,
將現時枯萎的鈴蘭成盆連泥放在少陽光晒到的通風位種植,
平時不用理會, 待泥面真的乾才淋淋水, 任由它自行生長,
待九月份才小心挖開泥看看有沒有長出新芽,
若有新芽即可進行消毒及放入雪櫃雪60日,
以4~5度左右低溫進行花芽分化,
待60日後解凍重新種植, 但也要注意當時氣溫,
最好在氣溫在20度以下時才種植,
但若挖開泥後只得枯萎的根沒有長新芽, 即已失敗,
可以棄掉。
通常10月中花墟會返新的冬季球根, 到時可看看有沒有新的鈴蘭芽根賣。

哈哈~睇完大家比我的留言第一個感覺係
"不愧為種開花GE人,對大自然生命哩加野而經睇到咁化 "

我哩加而經跟足大家比的意見去做~將佢放係有散光通風位置
就咁睇應該未死得著~~希望佢重生

感覺各位的解答

死得多花就會化，經常都好無奈，爛球啦、熱死啦、凍死啦、浸死啦，通常你好緊張驚呢樣驚果樣佢就真係死比你睇，你唔多理佢有一日佢有突然又開花比你睇，有失望又有驚喜，有心栽花花不發，無心插柳柳成蔭o麻，都幾有樂趣架。

Vienne 發表於 2011-3-24 10:02
死得多花就會化，經常都好無奈，爛球啦、熱死啦、凍死啦、浸死啦，通常你好緊張驚呢樣驚果樣佢就真係死比你 ...

查實我之前就係種咩死咩,,,連仙人掌都種得死
不過怪當時唔認真,無做好功課先去種,抱著玩玩下心態

哩加知道我最大問題就係狂灌水,,,
之前的薄荷見佢謝謝地我又狂灌水,點知哩加諗番起就係因為咁而整死佢地

Vienne 發表於 2011-3-21 11:50
ricky親自答左你啦，你就照做啦，未必唔得o既，鈴蘭渡夏都算係越級挑戰黎，盡左力咪得lo，我舊年死左七棵， ...

你種的鈴蘭現况怎樣?