我的傷

希望你快快好番，可以重拾活力啦！不過千祈要小心，唔好心急夾猛嚟.

同埋真係要記住以後運動都要小心啊！身體唔同機器，唔係話邊到有事換零件就得．身心健康，盡力就夠了，不用博命的．今日贏了全世界又如何，身體受諸父母而且跟自己一世的，要好好保養為重.

期待你完全康復的好消息！努力！加油！

擔泥 發表於 2011-2-9 17:08
希望你快快好番，可以重拾活力啦！不過千祈要小心，唔好心急夾猛嚟.

同埋真係要記住以後運動都要小心啊！ ...

隻過度活躍水母又四周游啦,唔知拆左間屋呢

擔泥 發表於 2011-2-9 17:08
希望你快快好番，可以重拾活力啦！不過千祈要小心，唔好心急夾猛嚟.

同埋真係要記住以後運動都要小心啊！ ...

其實.... 當日出事時, 我無做高難度動作架, 只是半蹲著轉身, 沒有撞擊.... 醫生話可能一早就斷左野...

我會架喇~ 一步一步來... 呢幾個星期, 學會了慢. ... 慢慢慢....

prodorothyhkg 發表於 2011-2-9 17:13
隻過度活躍水母又四周游啦,唔知拆左間屋呢

我唔會拆自己間屋架~~

剛覆診和物理治療完, 醫生幫我屈隻痛腳, 好痛, 但屈多左好多, 前日叫我開始練屈腳, 今日就差不多可以全蹲!!!  大躍進!!! 好開心!!! 哈哈哈~~~~

醫生話我好勤力,  肌肉好實淨, 無痿縮, 俾想像中康復得快好多, 傷口復元得非常好, 佢真係用"非常好"來形容架~~~ 原本諗住我要2-3個月才做到全蹲等動作, 現在睇來,大約六個星期後可以出球場, 慢慢加訓練.

哈哈哈~~~ 好開心呀~~~~

比心機呀,精神上支持你

jellyfishy 發表於 2011-2-9 17:32
其實.... 當日出事時, 我無做高難度動作架, 只是半蹲著轉身, 沒有撞擊.... 醫生話可能一早就斷左野...  ...

唉！我所指緊係唔剩指動作啦，身體狀態，休息，小毛病等等啊．
不過我相信你以後會更加留意自己身體狀況啦．

有進展喎．唔錯啊．要繼續努力! 支持！

prodorothyhkg 發表於 2011-2-9 17:50
比心機呀,精神上支持你

遲d 要俾個機會我來你家拆屋喇~~~  

prodorothyhkg 發表於 2011-2-9 17:13
隻過度活躍水母又四周游啦,唔知拆左間屋呢

都無佢收．．．．

擔泥 發表於 2011-2-9 17:53
唉！我所指緊係唔剩指動作啦，身體狀態，休息，小毛病等等啊．
不過我相信你以後會更加留意自己身體狀況 ...

嘻嘻~~ 不用上班的日子, 早上7am 起床, 早操, 喝大大杯水, 早操, 做家務, 落平台練行路, 覆診, etc....
晚上十一點左右爬上床, 做埋柔軟體操才睡.... 生活充實, 無一天有睡午覺架~
好似退休生活.... 噢~~ 多麼享受~~~
希望病假完之後, 仲可以有咁既生活啦~~~  

jellyfishy 發表於 2011-2-9 17:58
嘻嘻~~ 不用上班的日子, 早上7am 起床, 早操, 喝大大杯水, 早操, 做家務, 落平台練行路, 覆診, etc....
...

咁算唔算小病是福呢?

擔泥 發表於 2011-2-10 11:15
咁算唔算小病是福呢?

幾好架, 呢種生活, 雖然無得跑跑跳跳, 但日日都開心忙這忙那, 嫌病假唔夠長~~哈哈哈～～

祝身體健康!

祝你身體健康,開開心心!!!

受傷第27天, 又係時候update 下:

很好, 三日前開始一些較為重力和帶氧運動, 如大步大步的登步, 扎馬, 扮阿婆跑步 (好慢咁彈下彈下咁跑), etc. 幾好, 隻腳好力左好多, 不過落樓梯仲未得...

有花友關心我斷前十字韌帶一事, 一般主流西醫斷定斷韌帶, 係完全不會自行修補.

我個醫生是西醫, 一位比較特別的醫生, 佢唔信手術是唯一而最好的方法, 佢相信"人"是有自動修補系統. 在醫院時, 佢指住我的鎡力共震片, 好肯定說我的前十字韌帶未斷晒 (但醫院醫生和寫報告的醫生都說斷了), 十字靭帶未斷晒, 更加會自己好番, 還有半月板, 即係一舊骨, 佢係爛左, 醫生說, 和一般斷骨一樣, 不用手術都會好番, 仲不會有後遺症 (後遺症就是我唔想做手術的原因).  

究竟我最終會唔會好番呢?

我有信心, 每天心裡都告訴自己: 相信自己身體, 好好對待自己身體, 它們都會好番的!

受傷後一路沒穿過裙子, 見早幾天天氣和暖, 便開心地穿了及膝裙外出練行路. 行到大堂等升降機, 在大門的鏡看到自己 ....  嘩~  攪咩呀?!

賣個關子, 水母兩腳小腿天生有外彎問題, 腳型唔靚架~  家中沒有正經連身鏡, 所以平時我也少理整體打扮.... 受傷後更不用說.

那天在大堂門前看到自己的左腳.... 點解靚過右腳既?  起初以為自己眼花. ... 行左去就算.  第二天在家, 心血來潮, 再照下鏡...   無花無假!!! 點解左腳直過右腳!!!

昨日覆診, 問醫生點解隻左小腿會直左～　醫生話，成隻腳整體在攺善中，所以我之前patpat痛和腳踝痛．

好神奇，講出來，恐怕有人會捉我去睇精神科，但．．．真係架，我現在隻左小腿靚ｄ直ｄ架～　哈哈～～～

jellyfishy 發表於 2011-2-15 18:50
受傷第27天, 又係時候update 下:

很好, 三日前開始一些較為重力和帶氧運動, 如大步大步的登步, 扎馬, 扮阿 ...

咁咪得褔囉

嘩~ 又唔痛，又唔使做手術，又靚咗！如果個天要咁樣呃你，唔該唔好停，要呃足一世

唔痛係一個好的階段，唔痛你可以做練習增加腿部肌肉的強度，加強對關節的保護。其實女性斷韌帶的比例高過男性，其中一個原因就係因為女性肌肉不及男性發逹所致。所以無論你是否斷 ACL，肌肉煅練都會有好處。當然啦，搵個運動創傷的治療師 guide 住你啦！

我諗水母最開心係隻腳靚咗啦！好多人隻腳受咗傷都會靚咗咖 --- 係因為要休息，肌肉 shrink 咗，隻腳冇咁粗
不過直咗又係另一回事，因禍得褔喇！但係驚唔驚 鴛鴦腳 先？

水母俾心機 recover，記住唔好心急(千褀唔好傷上加傷)，好期望見到你第時買多d裙着

孖吉 發表於 2011-2-15 20:20
嘩~ 又唔痛，又唔使做手術，又靚咗！如果個天要咁樣呃你，唔該唔好停，要呃足一世   

唔痛係 ...

講開又講, 咁啱今日醫生至電我, 佢話佢好多醫生朋友都唔信斷十字靭帶可以自己生番, 佢等左好耐, 現在想拿我這個case去做報告, 並利用我的video (醫生有keep住拍我的治療進度)作reference, 問我可唔可以俾佢拿去做case.

我一口答應了!

我問醫生, 要人信好難?

醫生說, 好難, 但佢好有信心我可以好番.  仲笑住問我, 洗唔洗幫video中的我對眼打格仔, 哈哈~~ 我話唔洗喇, 我仲有d 疤痕在面上, 和十字靭帶同期受傷, 當做見證啦~~ 哈哈~~~

聽完電話, 心好歡樂.  開心到唔知點解, 要至電菲媽講一次, 驚自己會唔記得, 哈哈哈~~~
拿我做case, 做乜要咁開心呢?...

諗左陣, 醫生對我可自行癒合十字靭帶有這樣大的信心, 拿了我做case, 拿自己的專業信譽作保證, 我可以對他和自己身體沒有信心嗎?
無論治療結果最後如何, 我認為是值得的.

咁就好啦
而家你唔好心急, 等佢慢慢自己康復啦

jellyfishy 發表於 2011-2-15 22:21
講開又講, 咁啱今日醫生至電我, 佢話佢好多醫生朋友都唔信斷十字靭帶可以自己生番, 佢等左好耐, 現在想拿 ...

真係咖，前十字裂開復元的 case 係有，但係果次係要做韌帶縫合手術，重要响韌帶加咗樣唔記得乜野促進佢愈合，果個 case 重要出埋醫學 journal。免手術的前十字裂口愈合可能真係未有人試過

vivi 發表於 2011-2-15 22:35
咁就好啦
而家你唔好心急, 等佢慢慢自己康復啦

我會堅持每天做運動, 唔得閒都要預d時間做.
vivi都要努力康復~~~