拯救森樹大行動

7月中時公司在BUN FUN買左棵森樹番黎擺, 期間因有蟻 , 我用蟻藥滅死晒D蟻
但樹都奄奄一息............初時懷疑係蟻藥過勁, BUN FUN D人叫我買支活動素
但用左成星期, 仲衰多兩錢, D支都冇力伸直, 愈黎愈多落葉...................

於是我再去同BUN FUN D人詳談, 用了活力素都冇效, 可能係擺位問題
佢問我位置放邊, 我話牆角, 佢睇相見放o係窗邊, 陽光直射, 話唔晒得~~~
我公司唔係成日有人, 所以冷氣亦唔會長開, 佢問我最近既冷氣位o係邊, 我話附近有個出風位
但係部冷氣好似冇開的........................
佢話森樹要吹下風 , 自然風、風扇風又好冷氣風又好, 要d流動d空氣
可能果個死位冇乜空氣流動所以焗死

咁我買左d觀葉肥, 佢話要等2-3個月可能會救得番 , d dup左既樹枝都有機會伸番直
我之前落過藥洗唔洗換下泥呢 ? (一翻開d泥, 應該會見到一堆蟻屍體, 諗起都得人驚呀...)
我只係落左兩個5蚊銀size既蟻藥, d蟻出黎當食物咁搬晒番去, 兩日後死晒
佢話份量都唔算太多可以唔洗換住, 換過個環境仲好啦 =_=

我家下試下落左樹左右兩邊堂窗簾 (附近有窗, 依然都仲有光的) , 同埋...開番果邊部冷氣, 甚至試下搵部風扇間歇性吹下佢
施下肥, 過一排希望佢會翻生

而家係淨番主幹頭頂果幾堆葉仲係生猛, 樓下果d瓜得7788

會唔會唔夠水/太多肥?

植物都要習慣吓環境，睇吓d泥如果濕即是唔關水嘅問題，開窗吹吓生風，樹葉噴吓水，睇吓會否好d，又或者攞起睇吓d根有無霉爛，又或者閣位有好的意見。呢棵野係繽繽買要過仟？

情景似曾相識，挖出一看爛腳。但不一定等於樓主情況。要是我換泥順檢查一下好安心。

其實我都有諗過好唔好挖開D泥睇下D根...但係...我唔識, 冇技巧...驚O係挖泥過程中整爛D根衰多兩錢
挖泥要用咩工 具架  ???
同埋我怕見到堆蟻屍 (我係女仔)..V___________V 過一排D屍會唔會同D泥融為一體可以見唔到條屍  ?

重可以救，馬上送出户外冇太陽既地方（送卑別人也好），否則不到一星期必難根收塲。 ...
treesome 發表於 2010-9-3 10:43

公司風水樹, 冇得移位.......家下唯有陽光燦爛時拉埋窗簾同搵放工後風扇吹..............扮有自然風......
佢又死唔晒, 頭頂果堆葉仲好精神伸直晒, 係樓下果D全部頭DUP DUP , 但都有少少新葉長出 (唔知幾時長既.......)

一定是主人對它太「瀝愛」了，淋水太多吧

一定是主人對它太「瀝愛」了，淋水太多吧
teapot 發表於 2010-9-3 11:34

哇哈哈...我都有懷疑過 , 唔知應該淋幾多, 上網睇話3-4日淋一次 , 初時我一星期淋兩次
淋完水有D水O係個盤度 , 我要拎起棵樹倒走D水...
後來又有D人話10日先淋一次.............................咁先轉為耐D才淋
而家我開始一星期淋一次..800ML連肥料

我果株淋太多水, 拿出來根有爛.  六支樹幹, 3 支枯死. 昨日忍痛 鋸了.......

e... juneyes 都係度. 你好!

你的樹幹有冇變軟??

你的樹幹有冇變軟??
cykwong 發表於 2010-9-5 14:38

    咁又冇呀~~~~聽聞淋得水多樹幹會"林" , 但我用手指鍊落去仲係硬!!! 但而家死況好似愈黎愈勁咁!!!!!!!!!
早幾日我淋左肥料但冇活力素, 間歇性落左窗簾同埋吹左幾日微風風扇 (24小時長開), 情況冇好轉
我唔急於要佢變好 , 但起碼唔好壞都OK...BUT D斷枝有增無減 V__V
佢係主幹頭頂果幾舊就正常 , 但樓下果D死晒同埋枯左

陣間走去花墟買番支活力素先 , 我想知點解會死...找不到原因, 就算買過棵有機會會死
樹都係有生命既野黎...V__________V#

我諗住買工具去挖泥...睇下D根有咩事 , 但有咩要注意呢 ??? 我驚唔小心整爛D正常既

今日打左去D大型既花店, 有做埋植物保育, 可以派人上OFFICE打理植物果D
我諗住叫佢搵個人黎睇下有咩事問下點收費
佢問左我植物環境...都係叫我等下, 話改善左環境都唔會咁快見效
佢話我之前淋水唔固定時間, 一時幾日淋一次, 一時一星期....變黎變去, 要循環係咁多日就咁多日
家下改善左通風, 等植物適應下先

我果株淋太多水, 拿出來根有爛.  六支樹幹, 3 支枯死. 昨日忍痛 鋸了.......

e... juneyes 都係度. 你好! ...
cykwong 發表於 2010-9-5 14:37

    花談的 cykwong ?

今日打左去D大型既花店, 有做埋植物保育, 可以派人上OFFICE打理植物果D
我諗住叫佢搵個人黎睇下有咩事問下 ...
nico9999 發表於 2010-9-6 12:28

多株插在一盆，部分植株爛腳爛根了。如腐根，舊土需換掉，清理爛根、消毒殺菌..... 植株高大，樓主女兒家，有沒有男士幫你？還是花點費用請專人上門整理，從旁請教偷師吧。

樓主有沒有send 照片給那些花店看，他們還叫你等下？都一個月了，恐快"瓜"!

yes, juneyes. I think this forum is very silent so I go to others before.

用個小鏟, or 匙 "畢"走d泥. 拔佢出來. 然後就可以睇下.

我的圓葉的根是這樣的, 根有爛, 刮走了. 另三株枯了, 鋸走, 掉了.  再換泥. 現在康復中.

多株插在一盆，部分植株爛腳爛根了。如腐根，舊土需換掉，清理爛根、消毒殺菌..... 植株高大，樓主女兒家 ...
juneyes 發表於 2010-9-6 12:49

我想俾錢搵人搞架...~__~ 但我打去果間花店問點收錢, 因我見佢網站有寫可以幫人上OFFICE打理植物, 佢問完一輪, 話唔洗睇住叫我再等下, 等植物適應左先
樓下有間花店都有賣樹, 或者可以問下佢地

用個小鏟, or 匙 "畢"走d泥. 拔佢出來. 然後就可以睇下.

我的圓葉的根是這樣的, 根有爛, 刮走了. 另三株枯 ...
cykwong 發表於 2010-9-7 09:29

    琴日去左十蚊店買左個小鏟子, 陣間食完早餐挖下先, 呵

沿盤邊挖無咁易傷根.