講大家去台灣所住過既民宿丫

相信好多人都去過台灣旅遊，唔知大家有冇住過一  d 好正既民宿呢，不如分享一下大家住過既 / 想去住既台灣民宿丫。俾 d 資訊大家做個參考嘛~

我係花蓮住過既一間叫金澤局，個人覺得好正，值得推介 http://www.cis-life.com.tw/home1/house1/house2_2.htm

唔知會唔會都有版友住過呢??

上次去清境..........住呢度都幾好^^
http://www.fengtyan.com.tw/home.htm

清境真係一個好靚又令人好 relax 既地方，我前年去過住咗幾日，身心鬆弛，平日既緊張無晒，諗起都想再去，我上次去係 5月，再去的話想試下冬天，因為想睇雪景啊~~

我住既係...陽光，都 ok 架! 個 view 唔錯的
http://www.sunny-garden.com.tw/

原帖由 soniamok 於 2007-7-7 08:20 發表
清境真係一個好靚又令人好 relax 既地方，我前年去過住咗幾日，身心鬆弛，平日既緊張無晒，諗起都想再去，我上次去係 5月，再去的話想試下冬天，因為想睇雪景啊~~

我住既係...陽光，都 ok 架! 個 view 唔錯的
http://www.sunn ...

係呀,清境真係好一個好舒服嘅地方^^
我六月去嘅,主要去睇水蜜桃^^(開心開心^^)
果次喺清境,唔駛一日,淨係短短幾個鐘,都已經經歷到四季嘅天氣變化 一個唔小心都幾易會病架
soniamok,你上次去有冇做足防曬呀?我就冇,但有開遮,但都曬到好傷,第二日,我嘅一對手好灼痛
另外睇旅遊書介紹屏東有間"船屋"做主題嘅房,好似都幾正,睇睇吖^^
http://kenting.myweb.hinet.net/

小餘

我上次去係 5 月頭，岩岩撞正佢落雨，係台中落得都好大雨吓，不過開車上到南投清境果邊又無乜雨，但就唔算好陽光，所以都幾舒服，清清涼涼咁，一早晚就真係比較凍，好曬果日係睇綿羊 show，係曬住黎睇果隻，最攪笑係一完場時，見到個天好似想落雨咁，見住個天陰晒，快快趣走返上車，但都要淋咗少少雨水。

你講開墾丁，我個台灣朋友介紹過我一間酒店，叫夏都 http://www.ktchateau.com.tw/ch/pkg4.html，佢話都好台灣人自己都會去住的，叫我如果有機會都要去試吓。不過價錢以台灣黎講都唔平。

[ 本帖最後由 soniamok 於 2007-7-7 17:26 編輯 ]

原帖由 soniamok 於 2007-7-7 17:24 發表
小餘

我上次去係 5 月頭，岩岩撞正佢落雨，係台中落得都好大雨吓，不過開車上到南投清境果邊又無乜雨，但就唔算好陽光，所以都幾舒服，清清涼涼咁，一早晚就真係比較凍，好曬果日係睇綿羊 show，係曬住黎睇果隻，最攪笑係一完場時，見到個 ...

間酒店真係唔平喎 如果我去嘅話,住cheap cheap哋果啲得架喇 留返啲錢買嘢好過
清境啲天氣變得好快,下面兩張相影嘅時間只差幾分鐘架咋,分別幾大 (睇到啲雲快速咁吹過嚟 )