蝴蝶蘭的葉開始枯.......

有人送了一棵蝴蝶蘭來公司, 聽說如打理得好蘭花可KEEP 3 個月
約放了一個多星期 , 有少量花瓣已經跌左落黎............
中間有兩塊葉邊枯左...係淋得太多水定太少水所以搞成咁 ? 定其實係唔夠營養
D枯左邊既葉我應該點處理? 成塊剪走佢 ???????


我睇資料話蘭花要放在通風處, 但始終係公司沒有陽台, 一定要放在冷氣地方, 但公司唔多野蘭花周圍都沒有雜物
可接收到由窗射入黎的陽光
但放左工關左冷氣, 我諗佢都好焗....~_~ 希望佢可以長命D吧, 蘭花開時都幾靚, 令人心情開朗

盆內植料水份不足, 加上空氣濕度唔夠導致落蕾.
及要定時噴灑水苔以提高濕度.

盆內植料水份不足, 加上空氣濕度唔夠導致落蕾.
及要定時噴灑水苔以提高濕度. ...
wilson 發表於 2010-8-9 14:21

原來是缺水.........謝謝,. 我聽講蝴蝶蘭可以唔洗成日淋水, 7-10淋一次都冇問題, 所以淋得唔密
噴水要噴落大大塊果d葉度, 唔好噴落花度, 對嗎?

原來是缺水.........謝謝,. 我聽講蝴蝶蘭可以唔洗成日淋水, 7-10淋一次都冇問題, 所以淋得唔密
噴水要噴 ...
nico9999 發表於 2010-8-9 21:03

Phal.喜歡濕同暖及空氣流通的地方.add6icon

嘻嘻, 呢兩日我開始日日對住底部果D大塊葉噴下水, 跌花情況好似又改善左, 但星期六日我唔洗番工..~_~ 唔得閒番黎照顧佢.....................

星期六、日公司無人無冷氣時可以變得好熱，如果有西斜窗最好落左簾，我公司搬office時都收到好多蘭花，之後我搬曬入房，為免焗親佢地我日日放工連房門都唔敢關。淨噴葉可能唔夠，我一星期淋透D水苔一次。

星期六、日公司無人無冷氣時可以變得好熱，如果有西斜窗最好落左簾，我公司搬office時都收到好多蘭花，之後 ...
TC2 發表於 2010-8-17 10:32

早兩日我去左花墟, 繽紛有一間專賣蘭既店 , 開行冷氣, 入面整晒瀑布流水擺設, 仲裝埋加濕機, 入到去都煙冒離漫咁, 我諗呢個就係適合蘭花生長既環境。

我公司盤蝴蝶蘭俾我日日噴水, D葉同底部綠色大大塊果D生長好似精神左, 直左冇咁頭DUPDUP, 同埋最初拎番黎時日日都總有一兩朵花跌左黎, 噴水後有幾日冇跌花
但係.............今朝一番黎...發現跌左4朵...究竟我做錯乜...~____________~

其實盤野老細都唔EXPECT會擺好耐, 佢太嬌生慣養, 不過我O係公司實在太無聊~~~想諗方法種好D佢
我公司好空曠好通爽, 可惜唔係全日有人.........個冷氣唔會長開

hi 你好
我都有種緊蝴蝶蘭.. 年年開花 但你用這樽 太過密實了  d 蘭根要有部份外露 佢地要吸氣架
照我估計 係d 根爛了 引致變黃 枯死