花貓葉這樣，是否有病

唔知點解D葉會這樣，是否有病，點算好？

水種？？有冇多資料講平時妳點做？

可能係銹病，由真菌引起，初期似鐵生咗銹起一點點銹跡，最後葉片銹到半透明而枯死，一般係植物本身衰弱再被真菌感染，所以最好先找出根源問題，如根部是否健康等等。可以去買殺菌劑噴，以防再惡化。

原本用泥種，起初只有幾點，驚佢被傳染白色 蟲蟲，所以現在斬頭浸根，但浸左幾日就變成這樣，未有病之前D葉都唔靚，但又唔見有這 情形出現

邊隻殺菌劑好，全盆噴？葉，泥都噴有冇問題？

大概明白有乜問題，第一，本身已經受粉介蟲感染，雖然你砍頭再浸，不過浸之前有無成棵消毒？第二，浸根前切口是否切得整齊，好影響吸受水份營養。第三，我會每天倒走舊水，全部更換新水，直至生出新根再入泥，尤其夏天，水溫高會導致水含氧量少，易造成根部缺氧和易滋生細菌。你按上述去做，先從根本改善，可能就買多菌靈之類抗菌劑噴，成棵噴，不要貪心多噴。舊泥掉哂去，有根出就用新泥種。仲有，花盆都要用洗潔精完全洗淨再用，唔係粉介蟲會再來。波爾多液都可以用，不過比多菌靈毒。

多謝大大詳細解釋，我會照做，請問點解會有粉介虫蟲

ymbonitawong 發表於 2019-7-12 09:47
多謝大大詳細解釋，我會照做，請問點解會有粉介虫蟲

大自然相生相尅，衹有造物主至解釋到㗎

rwgplant 發表於 2019-7-12 10:09
<span class="emoji emoji1f605"></span>大自然相生相尅，衹有造物主至解釋到㗎

你講得好啱！

rwgplant 發表於 2019-7-12 02:18
大概明白有乜問題，第一，本身已經受粉介蟲感染，雖然你砍頭再浸，不過浸之前有無成棵消毒？第二，浸根前切 ...

Plant大大，我依個花貓葉係咪都有病？！

Firewood 發表於 2019-7-12 14:29
Plant大大，我依個花貓葉係咪都有病？！

睇來都係真菌引發，噴多菌靈，以防萬一。

正常嘅葉應該係咁

花猫唔可以斷水，3成乾就該淋水，淋到有少少水從盆底出即停，最重要係薄肥頻施，係秘密千祈咪同人講

Firewood 發表於 2019-7-12 14:29
Plant大大，我依個花貓葉係咪都有病？！

熱傷