本帖最後由 吉祥 於 2010-8-28 01:09 編輯
回復 110# Dennis
佢叫做家寶呀~好番晒啦, 仲好靚女tim...因為開心囉...
至於咬人方面, 首先你要清楚你養既鸚鵡既習性...(我到依家都仲係學緊)..
灰鸚性格聰明但固執, 對接受新事物會比較謹慎, 大多數(80%)只會接受一個主人..當佢認定你時, 佢會當你係佢既伴侶架..
其他如葵花或亞馬遜, 性格聰明熱情, 說話能力比灰鸚低, 但會接受大多數人...
我家養的灰鸚, 與家人相處了十幾年, 佢地都好錫佢, 但係只可以遠觀呀, 如果唔小心比隻灰掂到, 肯定咬到出血為止, 而我就點攪佢都得...
但如果真係唔小心比佢咬到, 你可以用同平時唔同既語氣, 大聲同好肯定咁say "NO", 但記住係唔可以打, 鸚鵡會記仇, 日後會有陰影而導致出現壞習慣...
所以家人一定要知道佢地既習性, 以免無辜遷怒於灰鸚...
其實我養寵物, 永遠都會記住一件事, 就係如果佢地有乜野做得唔啱, 首先要先問自己, 係咪有乜野做錯左而令佢地接收左錯誤訉息, 又或者自己跟本唔清楚佢地既性格.
嘻嘻~~呢個只係我個人既做法... |