開心農場真實版之社區園圃

小丸子, 你幾時落田視察? 唔單聲我聽, 等我地見下面頃下計馬.

40# athernas

點解田掛上"不用淋水"?
原因1: 阿sir話泥太濕植物d根會起淺層生長, 不會深入泥下面, 咁植物生得靚, 所以唔使日日淋水架.
原因2: 我不是假日農夫, 經常返工前到田打理

淋水只淋在植物附近就可促使根發展啦

請問一下,社區園圃有人會幫你淋水還是要自己日日去淋? 謝謝!

其實我見過好多人o既社區園圃種得比一般農田密，收成會唔會有影響 ?
定係落左肥解決個問題 ?

43# llaus
---------------------------
唔該晒蛙哥嘅資料, thanks!

44# yam9288
-----------------------------
社區園圃每日有人管理同每日淋水, 不用擔心. 當然你也可以自己淋.

45# EddieOr

其實我見過好多人o既社區園圃種得比一般農田密，收成會唔會有影響 ?
定係落左肥解決個問題 ?
--------------------------------------------------------------------------
我個人認為種得過密某程度上對收成有一定的影響, 植物需要陽光+水+肥, 如種得太密會影響植物對陽光/光線吸收, 就算有充足肥料(過肥會有肥害), 冇足夠嘅陽光相信棵植物比較弱 / 唔健康, 一定會影響收成.

Update吓田嘅近況, 先睇吓車厘茄的現況:
種咗5棵車厘茄, 其中1棵染有病菌, 救唔番, 現剩4棵。
失預算: 原本預車厘茄會生得比薯仔高, 所以將薯仔種咗前排, 車厘茄種咗最後排, 點知出來嘅效果啱啱相反, 薯仔生到4呎多高, 遮了大部份陽光----失敗!!!  但花花依然十分十分多, 希望結茄%多D, 收成多D啦!

種得好好呀,應該有好多收成架.你塊田幾時到期?蕃茄趕唔趕到?

#50 農夫
種得好好呀,應該有好多收成架.你塊田幾時到期? 蕃茄趕唔趕到?
--------------------------------------------------------------------
你好! 農夫.

塊田2月尾到期, 仲有個多月, 第一輪蕃茄應該趕得切, 但冇得收多幾輪。
大部份田友的蕃茄依加先開花, 想有收成就問水D。

專題報導一吓依加園圃嘅情況, 今次講薯仔.
1行種咗3舊薯仔, 可能每舊"薯種"大, 芽頭多, 其中1棵標咗7株芽。
薯仔種咗約５０多日己見有薯仔，但種到大約2個月D葉開始黃, 初初以為正常代謝,
但呢排好似...... 唔知係咩問題?？？ 有病?

恭喜!恭喜!恭喜!
變黃=收得
要薯仔可以存放長d時間,就要在收之前唔淋水兩日

薯仔開花之後就會枯，枯左就可以收薯仔啦。一棵七芽咁多，d薯仔會多但細粒，少芽薯仔就會大但少d，下次再種可以抆減d芽呀。

薯仔開花之後就會枯，枯左就可以收薯仔啦。一棵七芽咁多，d薯仔會多但細粒，少芽薯仔就會大但少d，下次再種 ...
Vienne 發表於 2010-1-26 10:02

張D芽分多幾棵來種就得囉

薯仔開花之後就會枯，枯左就可以收薯仔啦。一棵七芽咁多，d薯仔會多但細粒，少芽薯仔就會大但少d，下次再種 ...
Vienne 發表於 2010-1-26 10:02

   請問幾多粒花同有幾個薯仔生長有無直接關係呢???

我都唔知wo。下次數下。

好野 ! ! ! 可以收成, hahaha...................

第1次學種野嗚吓嗚吓乜都唔識, 多謝 llaus & Vienne嘅意見, 唔該晒!
起"香港園藝館"真係有好多好多高人, 令我學到唔少野!

種薯仔好玩呀，快靚正，抆d薯仔上黎果下o既喜悅真係難以形容呀﹗祝大豐收。

59# Vienne
種薯仔好玩呀，快靚正，抆d薯仔上黎果下o既喜悅真係難以形容呀﹗祝大豐收。
--------------------------------------------------------------------------
多謝Vienne! 我原本無打算種薯仔架, 見廚房有2只薯仔出咗芽, 就地取材, 希望有意外驚喜啦!
打算今個禮拜六去收成, E+諗吓抆出來成秋薯仔....... 哈哈...... 諗吓都好開心呀!

係呀! 種薯仔真係:快+靚+正 ! 初學種者最啱種: 冇蟲冇菌, 擺入呢就唔使點理佢, 成功+滿足感大! 正!