夏日繡球

去年和今年 買了不同類型繡球，看看那種適合種。踏入夏季，開始陸續有花。endless summer original 易種易開花，花友可考慮。缺點是大棵，需要修剪。否則太巨型。bride 就白色細葉d，我覺得唔錯。
第1，2張係今年花，仲有7個蕾開緊。天氣涼番開得慢。第3張係去年照。買回來不久。

好美呀, 淡淡的紫, 浪漫的粉紅。

開開下，顏色變得粉紫！不過現在已經開始剪花枝了。準備儲足夠營養，再標花芽！

好靚呀！係咪荷蘭繡球黎呀？是否一年只開一次花？

多謝賞花. 唔係荷蘭繡球呀, 其實去年另外買了2棵[荷蘭繡球], 係一年開一次花的品種, 現在有蕾但未開定還是開不到.  其中一棵蕾已經打開, 但D小花粒就是不出來. 真氣人! 唔知係邊個條件不合, 目前仍在觀察.

呢款係(大陸叫)[無盡夏], 原是美國的[endless summer original]品種,  特別在於 一年可以開多過一次花. 我覺得呢款好好種, 粗生粗養, 30度以上, 不需太強光, 即可開花.

現在已剪長枝的花來插花. 同時枝底已有芽頭. 遲下看看何時再出花.

我剛剛都買了盆荷蘭繡球，聽你講定都擔心歐洲品種會否更難養呢！
對你的無盡夏很有興趣！因你種得好靚不過花墟的中國繡球沒標明品種，如何分辨的呢

其實我只能在室內或窗邊種，這樣繡球種到嗎？

還是我誤會了你的無盡夏不是中國盆栽，是直接買美國盆栽回來種？

Orchid0822 發表於 2019-6-23 18:47
其實我只能在室內或窗邊種，這樣繡球種到嗎？

我都係室內窗台種, 不過有西斜, 夏天有2-3小時陽光.  光度為中光. 已經可以.  如果你屋企有中度直射光都可以.

[還是我誤會了你的無盡夏不是中國盆栽，是直接買美國盆栽回來種？]
其實美國原種endless summer有專利註冊, 所以在美國或歐洲賣得比普遍繡球貴. 但在大陸就沒有[專利註冊]呢回事,  由於可以一年開多次花, 又易種, 很受歡迎, 淘寶都大賣, 供應多, 超平! 我都係淘的!   無盡夏葉子比較啞色, 不及普通繡球葉子油亮的!

謝謝回覆！我呢度應該是偏東方，希望種到啦！原來花都可以淘？！請問寄過來是連盆連泥連花咁寄呢，還是什麼狀態的？可否用集運還是一定要直郵？
有沒有哪間店可以推薦薦薦謝謝你

Orchid0822 發表於 2019-6-24 10:39
謝謝回覆！我呢度應該是偏東方，希望種到啦！原來花都可以淘？！請問寄過來是連盆連泥連花咁寄呢，還是什麼 ...

繡球通常連泥連盆連花。一定要用集運啦，不能直寄。最好你有相熟的集運公司，先寄去大陸。賣家就不方便這裡post, pm你。留意一定不能買來自宿遷的賣家，個名太臭易中伏。

好呀！謝謝你！

另外想問下你的繡球什麼時段下什麼肥料呀？
紫紫地色好靚！要特地調色嗎？

如果我想佢生矮啲，希望啲花睇落密啲，開花後剪短些？

Orchid0822 發表於 2019-6-26 10:54
另外想問下你的繡球什麼時段下什麼肥料呀？
紫紫地色好靚！要特地調色嗎？ ...

盤內放D 有機肥, 另外可每星期加水肥 (有機或化肥). 繡球喜肥開花.

我無特別加調色. 酸性泥土會開較藍色. 有機質通常酸性, 所以會帶紫藍色.


[如果我想佢生矮啲，希望啲花睇落密啲，開花後剪短些？]

可以的. 花後要及早剪枝, 促進新枝和下年花芽生長.

gita 發表於 2019-6-26 23:14
盤內放D 有機肥, 另外可每星期加水肥 (有機或化肥). 繡球喜肥開花.

我無特別加調色. 酸性泥土會開較藍 ...

明白！謝謝你詳細回覆！

你既繡球好健康&靚，我家既今年特別多紅蜘蛛，葉又黃

bettyfly 發表於 2019-6-30 23:25
你既繡球好健康&靚，我家既今年特別多紅蜘蛛，葉又黃

多謝來賞花.  去年繡球都有黃葉, 紅蜘蛛, 最終搣晒D葉只剩最頂芽頭來解決. 不過我發覺多D營養, 養肥D可以抗紅蜘蛛. 葉夠厚, 紅蜘蛛就不易咬爛長住.  

已經修短了長長的頂花枝，集中營養，而且無咁巨型。只剩2朵大花，1朵已開了2個月，開始轉秋色（綠色）。

你真的種得好好呀！我是種植新手真的覺得好難掌握