特大藍鏡玉露錦

以現在來說，這棵玉露錦番來了一段時間，感覺越來越差，雖然現在開始高溫，但也想試試悶養，罩頂有活門，早上開工打開活門，晚關閉活門，認住今日狀況，一星期後再和大家分享。

前後三日了，始終覺得天氣偏熱，不敢全密封，罩頂活門全開，今晚看看，又真的好像飽滿少少，而且好似幾精神。繼續分享。

taxitang 發表於 2019-4-8 20:41
前後三日了，始終覺得天氣偏熱，不敢全密封，罩頂活門全開，今晚看看，又真的好像飽滿少少，而且好似幾精神 ...

星期五開始涼返 d, 加油頂埋呢兩日

小蘑菇 發表於 2019-4-8 21:48
星期五開始涼返 d, 加油頂埋呢兩日

如果真的涼啲，那就可放心啲悶多幾日，謝謝！

taxitang 發表於 2019-4-8 22:18
如果真的涼啲，那就可放心啲悶多幾日，謝謝！

天文台講的， 落雨，大約 20~25 度， 東至東北風

小蘑菇 發表於 2019-4-8 23:27
天文台講的， 落雨，大約 20~25 度， 東至東北風

落雨就最驚，唔收入屋內又驚淋雨過濕爛根，收入屋，唔夠幾日就已徒長。

taxitang 發表於 2019-4-9 07:14
落雨就最驚，唔收入屋內又驚淋雨過濕爛根，收入屋，唔夠幾日就已徒長。 ...

放係房用燈照幾個小時， 會唔會暫緩到徒長

小蘑菇 發表於 2019-4-9 08:48
放係房用燈照幾個小時， 會唔會暫緩到徒長

我諗會有幫助，但某些因素未許可加燈。

初時諗住試悶養一星期，明天才到期，但今晚發現外圍葉有枯萎，都係提早取消，以免惡化。

乾得都幾嚴重，taxi 大曾經有帖提及過葉乾嚴重就挖起修葉風乾重新種過，今次須要重種嗎？

lamkaicheung 發表於 2019-4-13 06:08
乾得都幾嚴重，taxi 大曾經有帖提及過葉乾嚴重就挖起修葉風乾重新種過，今次須要重種嗎？ ...

葉乾唔駛，枯萎收縮唔會傳染，只係植株的自我收復，減輕負擔，主要是外圍老葉。但葉片有軟腐積像，就要盡快處理，因為軟腐是由細菌病毒引起，傳染性快，好快使全株腐爛，即時脫去起盆，剪除腐爛位置，如有剎菌劑可以塗搽，風乾後正常冇事，重新栽種發根，緊記少水。

taxitang 發表於 2019-4-13 08:14
葉乾唔駛，枯萎收縮唔會傳染，只係植株的自我收復，減輕負擔，主要是外圍老葉。但葉片有軟腐積像，就要盡 ...

哦…原來都要睇下佢嘅嚴重情況，壞處去都咩地部先作出決定，找出原因先去做療傷，葉乾萎縮是自我修復一種現象!
我想問多少少，taxi 大平時光源進入幾個多小時，幾耐澆水一次，是用噴霧澆濕表面，還是尖壺沿邊澆透？因我就冇一個特定標準澆水，平時都只係隔两三日噴濕表面，天氣熱嘅時候傍晚時分會再噴多一次表面，咁樣做見啲玉露又冇乜問題，但係就覺得唔夠飽滿肥美，想參考大大養殖經驗，得出結論再作出改善!

lamkaicheung 發表於 2019-4-13 10:44
哦…原來都要睇下佢嘅嚴重情況，壞處去都咩地部先作出決定，找出原因先去做療傷，葉乾萎縮是自我修復一種 ...

光照約早上四小時左右，澆水方面，我也沒定，通常生長期看植料表面乾了加多兩、三日才淋，非生長期加多幾日，有遲冇早。而以下截圖來自網上資料，覺得有用，留下參考。

taxitang 發表於 2019-4-13 11:58
光照約早上四小時左右，澆水方面，我也沒定，通常生長期看植料表面乾了加多兩、三日才淋，非生長期加多幾 ...

多謝taxi 大大能講出生長期與非生長期的要點，還付上文獻給我參考，因為我覺得光照同澆水二點都十分之重要，能解決兩點以上問題，了解自己養殖環境， 對種植都係一件好事百利而無一害，文獻上有句口訣都幾實用，无根不澆水，弱根不澆透，對於日後養玉露是很大的幫助， 也謝謝師兄對我不厭其煩講解詳細描述，無私分享經驗!

lamkaicheung 發表於 2019-4-13 14:00
多謝taxi 大大能講出生長期與非生長期的要點，還付上文獻給我參考，因為我覺得光照同澆水二點都很十分之 ...

無須客氣，也只不過分享交流，我也溫故知新，各有得益。

上次我也試過悶養
由於太熱，悶死了
另外呢種濕潮高熱，也令多肉軟化，一打開充滿水氣的蓋，是一些紅蜘蛛及蛛網，可能也令蟲卵俘化

呢招慎用

Forumdata 發表於 2019-4-13 16:35
上次我也試過悶養
由於太熱，悶死了
另外呢種濕潮高熱也令多肉軟化

係呀！留待秋冬較穩陣，而且國內肉版都不建議，因很快打回原形。