舊泥重用

各位大大有無試過將舊泥加熱(晒、炒、焗)，然後重用？效果如何？

換泥唔係因為有蟲, 而係用得太耐, 泥裡有不利植物的化學成份, 酸鹼度, 養份變瘦等, 要將舊泥回復到新泥的狀況, 要搞好多野的, 不如換新好過

powergun 發表於 2019-4-2 20:51
換泥唔係因為有蟲, 而係用得太耐, 泥裡有不利植物的化學成份, 酸鹼度, 養份變瘦等, 要將舊泥回復到新泥的狀 ...

哦！根爺知我諗緊乜！
最可恨嘅係d泥用左一個月左右就有蟲，下下買新都幾疲累！

violet_bb 發表於 2019-4-2 21:05
哦！根爺知我諗緊乜！
最可恨嘅係d泥用左一個月左右就有蟲，下下買新都幾疲累 ...

我唔係你肚裡條蟲, 點會知你諗緊乜?
用左一個月就有蟲, 除左泥有問題, 可能係你環境有關的, 有交差感染的可能性

powergun 發表於 2019-4-2 21:17
我唔係你肚裡條蟲, 點會知你諗緊乜?
用左一個月就有蟲, 除左泥有問題, 可能係你環境有關的, 有交差感染的 ...

你知我舊泥重用係為左解決蟲蟲問題丫嘛！
我肚裡無蟲呀！d蟲喺晒泥度！

powergun 發表於 2019-4-2 21:17
我唔係你肚裡條蟲, 點會知你諗緊乜?
用左一個月就有蟲, 除左泥有問題, 可能係你環境有關的, 有交差感染的 ...

好沮喪！

violet_bb 發表於 2019-4-2 21:25
你知我舊泥重用係為左解決蟲蟲問題丫嘛！
我肚裡無蟲呀！d蟲喺晒泥度！ ...

你肚裡無蟲, 咁泥裡的蟲來自那裡?  

唔解決你肚裡的蟲, 相信你點換泥都無用呢  

violet_bb 發表於 2019-4-2 21:05
哦！根爺知我諗緊乜！
最可恨嘅係d泥用左一個月左右就有蟲，下下買新都幾疲累 ...

落藥啦
Ken 大教用小白藥，就喺之前講雅樂之舞嗰個帖

我自己呢，戶外種，翻盆時泥土、顆粒土會加蟲藥、多菌靈，於太陽下爆晒一日半日咁
多肉耐貧瘠，土壤冇咩養份都唔大問題，同埋我又會加肥，顆粒種類又多，用兩三年都唔覺有咩問題

呀，不過我都成日買新顆粒加落去用嘅，因為肉肉數量不斷上升

幾年間我都係舊泥混新泥種，舊泥有蟲既就放戶外一兩個月或者加白醋，冇蟲直接混新泥用，未遇到有咩問題。
藥物我唔用得，個人有敏感。
舊泥土壤養分較少更易種出狀態，個人用新泥種永遠都不及混合舊泥或者田土咁靚，所以新泥對多肉可能係營養過剩。

little_stone 發表於 2019-4-2 22:59
落藥啦<span class="emoji emoji1f648"></span>
Ken 大教用小白藥，就喺之前講雅樂之舞嗰個帖

喔，我....這個.....點解關我事（汗）
小白藥是殺蟲，慢性兼一段時間的維護，但現在題目是泥土重用....

如果泥是新的只用了一個月丟了是有點浪費。
大陸種肉的有建議用微波爐高火叮7分鐘，然後再浸多菌靈。小Ken試過（建議用舊微波爐，不要叮完泥又攞去叮食物吧），貌似OK的，但請不要再立刻加長叮的時間，因為泥是超級熱的，估計超過100度，加長時間的話用普通膠盆立溶....
（但係請不要傻傻的用金屬盤盛載放微波爐，會爆炸的...）（汗）

有些會建議拿去蒸30-45分鐘。

第三個方法是在猛烈太陽下曬幾天至一週。

說到尾，如果泥舊，學根爺話齋，買新嘅啦啦啦....

我試過拿一盤3吋舊泥入微波爐叮10分鐘，叮完後，打開微波爐充滿泥味。-_-
我打那盤泥閒加了少許環保酵素，閒置了接近一年才用來種壽。
現在我的壽很健康，還開始長側芽。

舊泥叮完可能更差，最早期我睇完花友話微波爐叮完泥殺菌後可重用就照做，之後唔使一星期又生蟲，跟住就搵到有片話唔建議叮泥，因為高溫下殺死所有細菌，仲叮走埋泥土內既營養，到重用時反而助長害蟲菌生長。

其實有冇蟲最大成因係種植環境，新泥種放置環境唔通風，蟲一定返黎。
棉花蟲，粉蚧定白粉我d植物都中過晒，慣性簡單用白醋/酒精/柑皮水清理植物後放通風位就搞掂，泥都係用白醋/柑皮水淋泥。
揀選抗病力強既品種種，唔使搞黎搞去咁多功夫。

阿唯小Ken 發表於 2019-4-3 00:39
喔，我....這個.....點解關我事（汗）
小白藥是殺蟲，慢性兼一段時間的維護，但現在題目是 ...

因為BB 話舊泥有蟲嘛，先提起Ken 大

根大同Ken 大都係大戶，自然唔在乎果少少泥，可以買過新既。環保戶而言，當然係想舊物重用，放下戶外曬吓太陽就可以用得返，點解唔做。

菜妹 發表於 2019-4-2 23:14
幾年間我都係舊泥混新泥種，舊泥有蟲既就放戶外一兩個月或者加白醋，冇蟲直接混新泥用，未遇到有咩問題。
...

多謝菜前輩報料！我正正係唔想用葯呀！
加白醋呢招真係未試過，我諗我會試！
食蟲植物喜酸性土釀，可能效果仲好添！
請問落白醋的份量點樣控制！

菜妹 發表於 2019-4-3 01:00
舊泥叮完可能更差，最早期我睇完花友話微波爐叮完泥殺菌後可重用就照做，之後唔使一星期又生蟲，跟住就搵到 ...

新、舊泥內發現的蟲，我所指的是黑色如塵粒鑽來鑽去跳來跳去的蟲，係會咬到多肉一dat dat嘅。唔知各位前輩有無遇過呢？係咪唔使理佢架？
至於棉棉、粉粉，最近半露養好通風的多肉，有兩盆在連場大雨淋濕之後中過，另有兩盆腰水種的食蟲中過。其餘大部分都無事。

violet_bb 發表於 2019-4-3 06:32
多謝菜前輩報料！我正正係唔想用葯呀！
加白醋呢招真係未試過，我諗我會試！
食蟲植物喜酸性土釀，可能效 ...

泥乾時淋白醋當水用，千萬唔好加水溝淡晒，唔會燒根，100%食用白醋我試過冇事，落完醋放通風位但唔可以濕水幾日。落白醋係會令蟲，菌脫水死，所以泥本身好濕就唔岩用住。市面上有竹醋係園藝用預防蟲害，價錢約60-70蚊支(我冇試過)，食用白醋10蚊支(淋泥，自己入樽仔噴植物)。

菜妹 發表於 2019-4-3 06:59
泥乾時淋白醋當水用，千萬唔好加水溝淡晒，唔會燒根，100%食用白醋我試過冇事，落完醋放通風位但唔可以濕 ...

收到，謝謝菜前輩經驗分享！

yunge0 發表於 2019-4-3 00:54
我試過拿一盤3吋舊泥入微波爐叮10分鐘，叮完後，打開微波爐充滿泥味。-_-
我打那盤泥閒加了少許環保酵素， ...

請問加環保酵素有咩作用架？

當肥用。聽說叮完的泥内沒有任何機質，反正我那枝環保酵素浸了整年，平時少用，便拿少許淋在泥上試試看。