（update 9/3/2020, 不再）弊傢伙，每株也發現一黃葉？

點解會咁㗎 我究竟又做錯了什麼？
人哋一夜變白頭，點解佢哋一夜就葉變黃？
好怕是爛根引致黃葉，買咗這些迷你品種個半月左右，見佢哋啲根長得幾好，又有少少新芽長出，所以冇換過植料，求教各大大，而家應該怎樣處理？
感激賜教

會否植株部份葉片老化？才會發生這個情況

如果係老莖D葉，就唔係太大問題，環境唔同咗有時都會咁。
不過見啲新芽生到盆邊，可以換個大少少花盆會好D。

raykoo 發表於 2019-3-24 02:03
會否植株部份葉片老化？才會發生這個情況

承你貴言。如果係咁，我就放心，點樣知道黃葉來自老莖？
我需唔需要拆開啲植料，睇吓啲莖？

W88 發表於 2019-3-24 06:40
如果係老莖D葉，就唔係太大問題，環境唔同咗有時都會咁。
不過見啲新芽生到盆邊，可以換個大少少花盆會好D ...

W大大，我只買回來個半月左右，佢未開過花，現在換植料，適合嗎？或是等多一等，等天氣會暖一些才換？
怎樣確定不是因爛根引致黃葉？謝謝賜教

Ming36 發表於 2019-3-24 11:56
W大大，我只買回來個半月左右，佢未開過花，現在換植料，適合嗎？或是等多一等，等天氣會暖一些才換？
怎 ...

每人習慣唔同。有人春天換盆，有人鍾意冬天換盆。有人幾年換一次盆，有人每年換。無一定㗎！
檢查吓D根就知！白白地肥肥地無空心，就無問題！

W88 發表於 2019-3-25 07:39
每人習慣唔同。有人春天換盆，有人鍾意冬天換盆。有人幾年換一次盆，有人每年換。無一定㗎！
檢查吓D根就 ...

咁我要快啲返去睇吓啲根，有冇事，擔心中

W88 發表於 2019-3-25 07:39
每人習慣唔同。有人春天換盆，有人鍾意冬天換盆。有人幾年換一次盆，有人每年換。無一定㗎！
檢查吓D根就 ...

啲根又真係無咩爛，吹乾吓先才換入新水苔。
謝謝W大大

W88 發表於 2019-3-25 07:39
每人習慣唔同。有人春天換盆，有人鍾意冬天換盆。有人幾年換一次盆，有人每年換。無一定㗎！
檢查吓D根就 ...

換咗新水苔，塊黃葉也跌埋落嚟，希望佢能健康成長，先生好啲根，勿再令我擔心

其實係香港種，水苔不是太理想，較難控制，而且太容易爛根。
我會選擇用混合介質最理想。

水苔可以，但要用細素燒盆或籃種會好啲，一過濕嘉仔就生得差
種嘉仔我覺得用種仙人掌不遠矣

raykoo 發表於 2019-3-26 21:00
其實係香港種，水苔不是太理想，較難控制，而且太容易爛根。
我會選擇用混合介質最理想。 ...

Ray 大大所指的混合介質是蘭石混木嗎？
我這是底於陶粒麥提沙，加一層木屑，根部接觸到的放水苔，這樣可以嗎？

Brev 發表於 2019-3-26 21:08
水苔可以，但要用細素燒盆或籃種會好啲，一過濕嘉仔就生得差
種嘉仔我覺得用種仙人掌不遠矣 ...

這是加仔小精靈，我用素燒盆，可能大左少少，我要搵個細少少

Ming36 發表於 2019-3-26 22:05
Ray 大大所指的混合介質是蘭石混木嗎？
我這是底於陶土麥提沙，加一層木屑，根部接觸到的放水苔，這樣可 ...

我比較鍾意用瓦盆，麥提沙放最底，上面用蘭石、木碎、水松碎料混合麥提沙，如果發覺太乾就會加少少碎水苔。我放戶外，潮濕但是通風，全水苔壓實都有啲汶水，偶爾會有爛根情況，所以最後用以上方法，蝴蝶冇爛根、會開花！

Sumbie 發表於 2019-3-26 22:22
我比較鍾意用瓦盆，麥提沙放最底，上面用蘭石、木碎、水松碎料混合麥提沙，如果發覺太乾就會加少少碎水苔 ...

有點後悔，Blc. Young-Min Orange換盆時冇由水苔轉芒骨，否則日日淋又得，幾日唔淋又冇事，真係可以亂咁嚟
芒骨缺點係唔靚囉

Sumbie 發表於 2019-3-26 22:22
我比較鍾意用瓦盆，麥提沙放最底，上面用蘭石、木碎、水松碎料混合麥提沙，如果發覺太乾就會加少少碎水苔 ...

我聽日要遠行，十日八日後先返，希望佢頂住先，返嚟先搞搞佢，呢啲植料我全部都有，大大這方法可行，因為我仲室內，問題應該更大

B17 發表於 2019-3-26 22:32
有點後悔，Blc. Young-Min Orange換盆時冇由水苔轉芒骨，否則日日淋又得，幾日唔淋又冇事，真係可以亂咁 ...

B大，這盆有黃葉，需唔需要理會？
我因為經驗少，所以非常擔心，才起植料看根

我自己覺得，蘭花難在控水， 而控水呢係，係種花者控的，而不是被植料牽著鼻子走的。 所以應該先諗清楚自己認為如何控水，什麼時候應該乾，什麼時候應濕，而又應該有多濕， 然後先去選擇自己用得得心應手的植料。 我又講廢話

我通常會用 2份蘭石 (日本薩摩石), 1份芒骨，1份樹皮，混合即比例大概2:1:1，另外底部放少許陶粒做底，亦可以不放。
其實我覺得種洋蘭最重要就係種根，根生得靚生得好存活率極高，自然會種得好，其實係香港種，我個人覺得用水苔比較難控制，因為香港濕度高，悶熱，好容易爛根，用混合料會較通爽，通風，水份較易蒸發，而且用素燒花盤效果會更佳，因為透氣，對洋蘭根部更理想，不過相對澆水頻率可能較密，兩至三日一轉，但我自己唔介意。
P.S. 你自己留意吓，其實外國花農好多地方種洋蘭都唔會淨係用水苔，大部份都係用樹皮，蘭石，芒骨………，除咗台灣花農，係好喜歡用水苔，可能大得較快掛，但係我見運過嚟其實好多都有爛根情況出現，根部不太健康。
另外通風同光照都重要，平時可用平均肥 20:20:20，我睇好多書都推薦用平均肥作日常肥料即20:20:20，到接近花期則用花肥 重比例磷肥谷花，或者你可以考慮落兩三轉平均肥，落一轉花肥作平常打理。

水苔真係好好用，禾個幾盆石斛同蝴蝶，都係水苔種，啲根生得好好!
呢盆石斛開完花，預備換盆，都係水苔種，一條爛根都無㗎!