2019年開心玩肉~#608 銀手指

freddywongdy 發表於 2019-11-15 07:43
果間叫廣場，
內街果間先叫大紛紛！

係咪店舖寫住㗎？

MasterTT 發表於 2019-11-15 19:16
係咪店舖寫住㗎？

你去行一轉果時留意下咪知囉！

freddywongdy 發表於 2019-11-15 20:01
你去行一轉果時留意下咪知囉！

Ok thanks

MasterTT 發表於 2019-11-15 21:22
Ok thanks

孖T袋定銀彈，螺旋棒咁大支除時要幾舊水先落倒樓!

lamkaicheung 發表於 2019-11-15 22:05
孖T袋定銀彈，螺旋棒咁大支除時要幾舊水先落倒樓!

MasterTT 發表於 2019-11-16 09:42
唔買棒都可以買其他肉

  孖T唔好誤會呀，我係話你去買螺旋仙人掌時候，實會睇埋周邊嗰啲植物，分分鐘喜歡埋其他，提提你帶多少少錢係銀包倒啫!

緣分

今天放假食完早餐，無無聊聊唔知去邊，咁早又有冇店舖開口，就諗起街市內有檔花舖，入到去左望右望見到棵玉麒麟錦，第一個感覺覺得成把扇形，攞起問花店老闆價，就俾錢走人。

背後拍來一張

lamkaicheung 發表於 2019-11-19 13:33
緣分

今天放假食完早餐，無無聊聊唔知去邊，咁早又有冇店舖開口，就諗起街市內有檔花舖，入到去左望右望見 ...

幾多錢㗎？綴化+錦斑？

lamkaicheung 發表於 2019-11-19 13:33
緣分

今天放假食完早餐，無無聊聊唔知去邊，咁早又有冇店舖開口，就諗起街市內有檔花舖，入到去左望右望見 ...

哩個好靚呀！有眼光！

freddywongdy 發表於 2019-11-19 19:42
哩個好靚呀！有眼光！

哈哈，屋企有把扇，返工唔洗俾人跣!

白龍丸
在#131，#172出現過嘅白龍丸，當初回來時只是乒乓球大小，唔經唔覺就養咗佢两年幾，養佢唔難又唔洗點照顧，但喺就越大越頭重腳輕生到斜鬼晒，仲斜過比薩斜塔!

近日不斷開花，開出來嘅花俾以往多和密㗎，還要請屋企人幫手拍才有的圖照，再養多幾年唔知會有幾大舊呢！
攝19/11/30


鬼切蘆薈
最初初回來嘅鬼切蘆薈是奀奀瘦瘦，因為朋友種植嘅環境缺光，所以就送咗俾我試種，睇番相先記得，原來種咗佢差不多两年，真大舊咗又靚咗!


小鮮肉
朋友好多時都會出花墟尋寶，知道邊倒有筍嘢執，我都會叫朋友出開花墟幫我望望有冇啲古靈精怪小鮮肉，今次就幫我揾咗呢两隻好嘢返嚟，左邊呢棵係仙人柱夠晒得意特別!

週末朋友又出了花墟，又幫我買咗棵荀嘢回來，叫做非洲霸王樹又稱狼牙棒，屋企又多一件攻擊性武器!

lamkaicheung 發表於 2019-12-2 15:28
白龍丸
在#131，#172出現過嘅白龍丸，當初回來時只是乒乓球大小，唔經唔覺就養咗佢两年幾，養佢唔難又唔洗 ...

好多夏種型喎！等我又再俾啲王子啦=p
我有紫龍角、明月香姬（軟毛仙人掌）、一啲不知名嘅團扇
遲啲補相睇下王子有冇興趣~

BTW, 啱啱覆咗王子pm啦，唔好意思丫，唔知點解成日冇顯示

lamkaicheung 發表於 2019-11-15 14:21
好的<span class="emoji emoji1f60a"></span>，這樣我就可以慳回一些銀彈，再獵豔其他 !<span class="emoji emoji1f60d"></span><span class="emoji emoji1f60d[/ ...

王子，砍頭後千兔同鷹兔狀態都唔好呀
鷹兔可以俾到葉苗你，但千兔就應該冇啦，唔好意思呀
梅兔就狀態好好，有根：

圖中另一棵係木偶人（仙人掌），王子有興趣嗎？

同埋之前講好嘅不知明團扇（右2棵），再加大理石團扇（最左好徒嗰棵），同疑似係梨果仙人掌：


除咗紫龍角、縞馬，仲有掌上珠（白色嗰棵，伽藍菜屬）、普西麗菊、明月香姬


預祝聖誕節快樂

little_stone 發表於 2019-12-14 21:49
王子，砍頭後千兔同鷹兔狀態都唔好呀
鷹兔可以俾到葉苗你，但千兔就應該冇啦，唔好意思呀
...

厚顏無恥嘅我多多都想要㗎!
千兔冇唔緊，以經俾咗好多我喇，木偶人好得意ok鍾意呀!
好多謝石子俾咁多咁多我過聖誕節，thanks 晒

招兵買馬
為咗廣大自己嘅肉園宮殿，不斷招兵買馬，搞到自己都要節衣縮食，又要襯雙12貪有少少優惠， 慳埋慳埋都係為咗買啲小鮮肉回來!

喺今個月收到两個紅炸彈，炸到自己要勒緊褲頭，食Lunch 都慳番兩蚊唔轉凍飲，碗車仔麵4餸變2餸，搞到樣樣都要就住就住，買肉都要左度右計，揀平唔揀貴!

噚日收早拿拿聲即刻趕返屋企，摷晒啲要用嘅盆泥剷出嚟， 將已風乾成晚嘅小鮮肉上盆，整整下整到手藤又腳震，足足整咗我3個鐘先完成 ，搞到晚飯都唔得閒食，肚又 gili gulu 打晒鼓，還令到啲地方好似開壇作法咁，之後又要執餐懵!
有時會係倒諗……可苦呢！
日後小鮮肉唔死，先同大家探討再研究!

姬秋變異

盆中的姬秋麗，幾個月前已經留意到有小一粒出現奶黃白， 漸漸長大都沒有褪色，再過多一排嘗試取最下的葉，做葉孵看看她沒有葉綠素，能否孵出小苗!

再來張近鏡頭拍攝

lamkaicheung 發表於 2019-12-21 15:21
招兵買馬
為咗廣大自己嘅肉園宮殿，不斷招兵買馬，搞到自己都要節衣縮食，又要襯雙12貪有少少優惠， 慳埋慳 ...

笑死我啦！
中毒太深啦啓！恭喜晒！

freddywongdy 發表於 2020-1-6 14:33
笑死我啦！
中毒太深啦啓！恭喜晒！

哈哈，我燒咗fuse 簡稱跳大制!

花姿美肉

芙蓉雪蓮種咗一年有多，首次抽花芽，一抽就抽三枝花芽!

加張大頭照


冬美人種咗都有两年，也是首次抽花芽



小圓貝一枝獨秀，聚花成球看落也不錯!

不同角度，現花姿



黑夜背景，原來也不錯!

lamkaicheung 發表於 2020-1-10 00:28
花姿美肉

芙蓉雪蓮種咗一年有多，首次抽花芽，一抽就抽三枝花芽!

夜攝有另一番美態！