鐵樹一問

買了盆　小鐵樹，　有四個生長點，　另有三個小芽　．．．．
怎樣才可叫那三個小芽長出壯大．．．．．
因為以往的經驗，　都係失敗．．．．．　小芽多是停止生長後慢慢枯死　．．．
有試過在小芽上加點濕潤的棉花，　不過結果都無一樣　．．．　
唉．．．　一般一枝鐵樹只有三，四個生長點　．．．　我好想有　７　個以上分枝　

竟然無人幫到我... 唉... 最普通的其實不普通... 無人曉

一般植物都會有優生點,即係生得特別快同健康,優生點有主幹,橫枝,頂芽...只要令佢地停一停生長,咁其他生長點就有機會生長,睇你張相咁樣應該切除頂芽,即係最頂,最大棵芽點,最中間個對葉芽切除,咁主幹樹液咪唔會流咁多比頂芽,反而流向其他小芽.......(明嘛?)但係主幹下面個d(冇謂)芽會唔會切除?

謝謝羊咩咩
現在終於明白為何家中的鐵樹幼芽總是長不大的
回想番有一盆被貓弄斷了兩枝頂芽的
現在長出了四個幼芽來
已長到指甲咁大
以前都未試過

原帖由 羊咩咩 於 2007-12-8 01:15 發表
一般植物都會有優生點,即係生得特別快同健康,優生點有主幹,橫枝,頂芽...只要令佢地停一停生長,咁其他生長點就有機會生長,睇你張相咁樣應該切除頂芽,即係最頂,最大棵芽點,最中間個對葉芽切除,咁主幹樹液咪唔會流咁多 ...

最中間個對葉芽切除,咁主幹樹液咪唔會流咁多比頂芽 咁未少了兩個生長點, 而新的有幾多個又唔知, 風險係咪大了 d 而唔係我想要的效果呢 ?

原帖由 seed 於 2007-12-8 11:37 AM 發表
謝謝羊咩咩
現在終於明白為何家中的鐵樹幼芽總是長不大的
回想番有一盆被貓弄斷了兩枝頂芽的
現在長出了四個幼芽來
已長到指甲咁大
以前都未試過 ...

唔好客氣,大家指敎指敎會好開心架~~

原帖由 四少 於 2007-12-8 04:07 PM 發表


最中間個對葉芽切除,咁主幹樹液咪唔會流咁多比頂芽 咁未少了兩個生長點, 而新的有幾多個又唔知, 風險係咪大了 d 而唔係我想要的效果呢 ?

咁未少了兩個生長點.....................唔會係少左一個之嘛,而且係短暫,因為此芽停一停會再生長(停止時間因植物生長季節而定)
風險係咪大了 d 而唔係我想要的效果呢 ? ...................切頂芽方法係會令其他芽同"忍"性芽引發出黎,咁樣咪多左芽走出黎
你係想要小芽會長大嘛?係嘛?
如果係木質植物除自然因季節氣候樹液流動快慢外,都係有方法可以令樹液流動得快,方法有折枝同半折枝(唔知此方法點稱呼)
總結就係~~只要優勢枝/芽只要停一停生長,咁其他枝/芽就會突然加快速度生長..但點樣令優勢枝/芽只要停一停生長就有好多方法(樹種唔同,方法都有少少唔同

正確來講, 我係要多個分枝, 即多個生長點同時成活/活躍成長, 本身已是切木, 上的都係新的生長點, 現在切佢地會原氣大傷, 因為葉子是營養的來源, 除非長高了有了新的分枝樹幹木質化了另計, 但不一定是可刺激下面葉芽的生長, 因為養份一般都會先供應未段的部份, 對嘛 ....
半折枝, 我唔知係咩, 不過點可叫本來生長的 "優生點" 停一停, 照你講 "最中間個對葉芽切除" "唔會係少左一個之嘛,而且係短暫,因為此芽停一停會再生長" 呢個有矛盾, 切了就是切了, 又點會在同一位置停一停再生長, 會的只是在同一位置附近長芽但不一定的說, 我都想停一停的是 "優生點" 而養份先供下面的生長點.

另外的植物, 有的我可用針去刺生長點, 那就不用切除般去了葉的部份, 而葉的工能亦可正常運作供應養份.
不過, 鐵樹 我就用不著咁做.
我可做的, 現在只是增加四周濕度, 澆的水都是稀釋了 "活力液", 希望可以刺激佢地多生長, 只要葉芽長出了一定的葉數, 就應沒問題的生長, 現在我就是想知還有什麼好方法可叫所有的 7 個也健康的茁壯成長. 煩煩煩.....

現在切佢地會原氣大傷, 因為葉子是營養的來源~~~~~唔會架~本身由母株切下時都係冇芽冇葉冇根架啦,葉係製造養份,但積存養份地方係樹幹
養份一般都會先供應未段的部份~~~~~大部份植物上部定下部會比較有優勢生長?一定係上部,特別係最上部,一來養份直接運送到那,二來受光點最多又係佢
最中間個對葉芽切除" "唔會係少左一個之嘛,而且係短暫,因為此芽停一停會再生長" 呢個有矛盾, 切了就是切了, 又點會在同一位置停一停再生長~~~~~明唔明點切法?唔係成個頂芽(成組葉)切,係切頂芽內的一對葉,切左呢個生長點樹液暫時唔會再大量流向個度,咁其他芽咪可以分享較多樹液去生長
其實唔駛煩住,鐵樹一年四季都會生長,但佢點都係熱帶植物,生長旺季係春夏,此時至增加四周濕度為佳,以家應噴觀葉植物葉面光滑劑保護,"澆的水都是稀釋了 "活力液", 希望可以刺激佢地多生長"我諗呢個方法此季都可以有所幫助
如果唔用切,只用自然方法,咁而家見佢長芽,到春季用氮肥稀釋1比2000淋或噴葉追肥,到時就長葉啦,但你棵黃色紋唔可以用得多氮肥同全室內種

呀．．．原來係剪葉而唔係切芽．．．
怪不在賣的大部份的初生葉都被去掉　（大家可去睇睇）仲以為係運輸途中損傷了被折斷．
肥唔俾住啦，　因為　ｄ　泥炭土太濕，　依家我又唔想動土傷根，　只好小心的控制水份啦．　佢都未真真正正開始生長，　即是說未適應新環境．

可能我講得唔清唔楚啦!!"葉芽"~~可能咁樣就意為係成隻芽
呢個冬天都唔好比肥佢,唔係我怕會肥傷
你呢棵樹好靚,葉色好健康,葉邊同葉尖都好健康,過冬實冇問題啦
我見佢隔離有棵水晶樹,呢兩棵都係風水物呀?

唔係呀
只係放好影張相 .....
其實鍾意咗佢一兩年, 不過應為價格有 D 貴囉, 但一直都無跌過價 ..... 果晚有 D 神志不清, 最後帶咗佢返屋企 只有呢棵有 7 個生長點

我都好鍾意觀葉植物,鍾意佢地四季常春

原帖由 四少 於 2007-12-9 03:43 發表
另外的植物, 有的我可用針去刺生長點, 那就不用切除般去了葉的部份, 而葉的工能亦可正常運作供應養份.
不過, 鐵樹 我就用不著咁做.
我可做的, 現在只是增加四周濕度, 澆的水都是稀釋了 "活力液", 希望可以刺激佢地 ...

四少大大, 請問可否教教怎用針去刺生長點?

可以試下就咁拔走葉叢中心的生長芽~
or 試下好似種花木果樹咁0係芽上用刀切一下等養分停在芽上催萌葉~~
or 唔係ge話試下塗抹生長激素~~
ps 你棵鐵樹隻色真係好靚……