"園藝工具篇" 及 "病蟲害篇" 設立版主事宜

minmin,

園藝其它 的 "園藝工具篇" 及 "病蟲害篇" 現在未設立版主，而該兩版相對於其他版區相對冷清，經常出現問題和討論相距太久，甚至沒有人回帖，對發問者幫助有限。
相信該兩版如果有多些 置頂主題 和 奬賞 可以吸引多些版友討論和回帖，亦可以令高質素的帖得以適當保留，增加該版解決問題的能力。

以上工作需版主執行。以現在園藝館部份版版主懸空情況看來，新版主不易找，如此下去對園藝館不好。

我想大胆提議 oneonewe 版主兼任 "園藝工具篇" 及 "病蟲害篇" 版主，相信她的幹勁和 "出席率" 可以搞好此兩個版。

附上作日在 談天說地 版的一個小調查，發覺絶大部份花友都支特此提譵，覺得 oneonewe 可以搞好這個版：

11v 可以搞起 園藝其它 兩個版嗎？(同意的請踩一腳)
1. marcuslee ^^
2. 亞太 (壹壹做咩都係第一)
3. 小白踩一腳(造馬)
4. miss chan chan(唔洗講野啦)
5. RIO
6.Claudia
7. avery
8.KITTY
9. prodorothyhkg
10. candyafr(我都支持下)
11. banbiechan 我又踩一腳~
12. lameric (我返嚟喇!)

希望 minmin 可以早日為  "園藝工具篇" 及 "病蟲害篇" 兩版委任版主

不好意思各位, 我本人不同意oneonewe 一人兼任三版版主.
我最初見到"園藝其它"垃圾廣告帖沖積, 影響花友觀帖意欲, 曾公開建議minmin 把園藝其它與園藝茶座合併, 由oneonewe 一併管理, 這單純只為了處理垃圾帖問題.
但現在若不是合併, 而是分開三個版, 做三個版的版主的話, 性質和情況就不同了.
其實我一向不贊成一人兼任兩版以上的版主, 這失去了每版的個性和專業性.
peter 兼任av 版都是說明代版主, peter 也說明只是暫時性質, 由於av 版人流大, 他不想av版沒有人管理版面分類之類的工作, 所以才會兼任av 版主. 我相信peter 會積極找知深av花友如 george 的人肯做版主, peter 也會很樂意俾個版主佢做的. 所以我沒有反對.
至於eddieOR 兼任兩版版主, 大家也很清楚他一直都有積極找人當版主.
現在minmin 已找了幾人當超版處理垃圾帖問題, 問題的確已經改善.

至於各位關心的"置頂主題" 和 "奬賞" 問題, 就先討論"置頂主題", 本人認為"園藝工具篇" 及 "病蟲害篇" 需要一位對相關工具和病蟲害有認識的花友設計'主題'分類. 我自己讀埋樹藝師牌, 讀左幾本植物修護和植物病蟲害的書, 也不敢向minmin 提議為這兩版作主題分類, 因為分類若不專業, 討論便會流於偏面和皮毛, 或可能造成一輪吹水但沒有合適結果. 大家都清楚近年香港人對植物和樹木保養逐漸重視, 近年亦新興了植物樹木保養的專業, 我希望我們園藝館能找到相關人士擔任版主, 帶我們認識更多更深入的相關植物護養知識, 那會令討論變得更有意義.
至於"獎賞"方面就更加不用擔心. 超版才剛委任幾天, 各位版主一向也很'闊佬', 就好似旅遊攝影版, 獎分的人大都不是該版版主. 所以我相信, 版主們若見到園藝其它有可取的討論和分享, 必定加以獎賞的.

說了一大堆, 我的意思並非說oneonewe能力有問題, 我只對委任版主一事作一番討論. 就係咁多.

咁認真做乜 ??

你去睇下多肉板果兩個板主點解可以失左踪咁耐唔見影做掛名板主成年幾好過啦 ~ 雙板主都可以係咁啦 ~

板主有料到, 但完全唔做野, 咁有板主同冇板主有分別咩 ??

有料到唔做野, 冇料到肯做野 ~ 你又會點揀 ??

又要有料到又要肯做野 ~ 呢度園藝館既玩玩下咋, 深入少少既討論都欠奉啦 ~ 你想要D 咩勁人黎做呀 ??

有理想有抱負唔係唔好, 眼角唔好太高囉 ~ 討論不專業流於片面和皮毛 正常根本就會係咁

當年我肯做野嘗試搞好D, 連食蟲植物圖鑒都整埋出黎, 但優柔寡斷是非不分既管理員最後點對我大家有眼見 ~ 想專業又想要人氣, 守又唔守得, 非但做唔到人後盾分分鐘自己仲去放埋箭 ~

又想好又唔想放權, 又想人氣高又唔想有人 "坐大", 船頭驚鬼船尾怕賊, 小人之心度君子之腹, 剛愎自用呢個至係根本性既問題

所謂王帝唔急你做太監就唔好咁辛苦勒 ~

"所謂王帝唔急你做太監就唔好咁辛苦勒 ~"
我好buy呢句.
話到尾. 我地個個版主都係委任番來的. 當呢間係一間公司又好, 一間公型機構都好, 最後都係睇阿頭點決定.
衰口加多句, 做老板點會請個頂心頂肺既員工架~ 行哥對嗎? add12icon

"所謂王帝唔急你做太監就唔好咁辛苦勒 ~"
我好buy呢句.
話到尾. 我地個個版主都係委任番來的. 當呢間係一間公司又好, 一間公型機構都好, 最後都係睇阿頭點決定.
衰口加多句, 做老板點會請個頂心頂肺既員工架~ 行哥 ...
jellyfishy 發表於 2009-9-26 09:56

錯哂 ~ 會唔會請個頂心頂肺既員工, 只係視乎個老板有冇腦, 同有冇容人之量啫 ~

相信有腦既老板只會想知, 點樣令一個 forum 有料到 同 人氣爆到有人想買盆, 而唔係想知邊個 頂心頂肺 囉 ~

錯哂 ~ 會唔會請個頂心頂肺既員工, 只係視乎個老板有冇腦, 同有冇容人之量啫 ~

相信有腦既老板只會想知, 點樣令一個 forum 有料到 同 人氣爆到有人想買盆, 而唔係想知邊個 頂心頂肺 囉 ~ ...
avery 發表於 2009-9-26 10:16

不過 係我地黎講 有腦既老闆只會想 點樣可以升走  或寫走個頂心杉囉.

水母你咁講我有好大壓力喎
唔通寵物版要搵個獸醫o黎做版主?
攝影版要搵個攝影大師o黎做版主?

茶座版版主
論資排輩都唔應該輪到我做
我種o野也也嗚
人氣又唔及阿行旺
當年茶座版全靠"Avery花集"
日日幾百個post帶旺個場
咁我係唔係應該退下來
俾番阿行做版主呢?

oneonewe, 參加投票的日子, 大家都有份參與的. 做茶座版版主唔係講邊個旺就找邊個做, 當時係我主動攪投票, 而你又真係最多票個位, 好直接自然係你做版主啦, 根本沒有甚麼論資排輩的成份.  
仲有, "俾番阿行做版主呢?" 佢根本無做過吹水區內任何一版的版主, 所以我從來無諗過要俾番d 乜版阿行做版主.
另外, 講到寵物版, prodorothy 亦都係最多得票, 同時間大家都覺得她在養寵物 (at least 養狗) 方面很資深又熱心解答花友問題, 她做了寵物版版主, 就是名正言順的.
再講例子, 我諗都無需要喇.

總括, oneonewe, 請你無需有壓力, 我只說出我的論點, 一早就強調只對事, 不是對你的能力有疑問.

大家都有聽過楊修之死吧. 做一個好老板當然要有氣量, 同時要有台形, 下下有員工嘈佢反佢, 就算個員工幾叻都係咁話, 我跟馬修一個諗法, 俾個好位佢做, 不過遠我一點啦.

PS 1: 我唔係呢度老板.
PS 2: 我的討論係咁多, 不想再作同類討論. 更不希望oneone 誤會我意思.

睇黎都係黎過「馬修」之死吧
楊修太遠喇 成千7-千8年前既事
其實大家都係想個討論區好好咁運作目標一致
多d人氣 多d 朋友 從討論中學習園藝知識
記住e到係一個forum 大家黎e到都係想開開心心的

"所謂王帝唔急你做太監就唔好咁辛苦勒 ~"
我好buy呢句.
話到尾. 我地個個版主都係委任番來的. 當呢間係一間公司又好, 一間公型機構都好, 最後都係睇阿頭點決定.
衰口加多句, 做老板點會請個頂心頂肺既員工架~ 行哥 ...
jellyfishy 發表於 2009-9-26 09:56

"我好buy呢句" x 2

"最後都係睇阿頭點決定"........... 咁 "阿頭" minmin.. 去咗邊 ???  其實佢想攪一個咩討論區呢...  (專業........ 吹水.......  人氣...... etc) 但"針冇兩頭利"

呢樹就係一間公司的縮影... 不過冇糧出....   要做好呢份工真是不易呀...... 有時真是吃力不討好

各位版主..... 多謝你哋一直以來的付出

一間小公司當然是老板話哂事，有規模的話就要想一想經營的理念和方向了。我認為這裡的板主都是滿有熱誠。

「專業」？
何謂專業呢

「專業」？
何謂專業呢
Exodus 發表於 2009-9-26 23:33

呢個係一個迷 不要太認真

但個兩版真係要搵版主做分類及解答問題喎add3icon

水母你同馬修一個諗法完全正常吖 ~ 因為你地都係做緊我地偉大既公務員隊伍, 有條大水喉射住連講野都夠氣 D 大聲 D 既 ~~

水母你同馬修一個諗法完左正常吖 ~ 因為你地都係做緊我地偉大既公務員隊伍, 有條大水喉射住連講野都夠氣 D 大聲 D 既 ~~
avery 發表於 2009-9-27 09:55

住比條喉插住左 吊緊鹽水 講野陰聲細氣  

可唔可以簡單d，有人肯挨義氣，肯做，又無乜唔妥，便讓他/她做。出左事或唔妥先換人？我地又唔係d乜大公司，出事咪出事，最多事後修補。

**純粹意見，不喜勿插**

我認為應該由阿行做,哩2版要有料既人先做得,因佢真係有料
如果由d只係識抽水既人做會笑死人
avery 我支持你

講有料既人,大把啦
要有料又願意出來做版主及能服就真的唔多唷

唔好支持我 ~

我既冇料, 又唔能夠服眾 ~

我己經做緊 OD 超板, 花友板主, 乜都夠勒 ~ hkplants D 咁既豬頭骨講真我都唔願意做, 費事失驚無神又收到 minmin 個 PM 又話要暫停我板主職務, 轉過頭又同我講話後悔佢自己衝動左 ~~ 我受唔起 ~~