花墟有士多啤梨賣

原帖由 mamajoe 於 2007-12-3 20:09 發表
佢係咪以為你指住隔離相入面個d花花呀? 定係以為你指住隔離個d籣花?

肯定係120蚊丫

其實會唔會真係佢d品種特別D，蘭花都有好多種啦！定佢見花墟小貨叫高D價！又可能你個樣係有錢人、闊太㊣所以……

我都去睇過，個幾盆野係入口貨，寫滿鬼文，所以貴．

原帖由 蛀米虫 於 2007-12-3 18:00 發表
講開士多啤梨, 我以前種到有果實, 但唔知點解果唔大, 而且會變黑??  
係咩問題呢??

我都唔明？我種過士多啤梨是幾粗生，最緊要多陽光，適量肥，果實唔好掂水．自己種的通常冇街賣的咁大粒，但因不是谷大，反而會很甜！

原帖由 CiCiKwok 於 2007-12-5 22:17 發表
其實會唔會真係佢d品種特別D，蘭花都有好多種啦！定佢見花墟小貨叫高D價！又可能你個樣係有錢人、闊太㊣所以……

一睇就知我係窮書生呀
所以佢都懶得埋我

原帖由 heiheimama 於 2007-12-5 22:23 發表


我都唔明？我種過士多啤梨是幾粗生，最緊要多陽光，適量肥，果實唔好掂水．自己種的通常冇街賣的咁大粒，但因不是谷大，反而會很甜！

士多啤梨唔可以掂水??
咁落雨洗唔洗搵野遮住??

原帖由 kok69 於 2007-12-6 00:07 發表


士多啤梨唔可以掂水??
咁落雨洗唔洗搵野遮住??

落一陣應該冇問題，但如果大雨我會將盆移入屋簷下．

我以前都買過棵 $20 左右!  不過唔知係咪用洗米水來淋佢既關係, 好易有蟲! 仲要係 d 黃色一撻撻好似卵咁既野黏係泥上! 種出來既果實得手指頭咁大粒, 不過好甜同好紅色!!
如果哩盆真係入口貨都買得過喎

原帖由 小米 於 2007-12-7 02:19 發表
我以前都買過棵 $20 左右!  不過唔知係咪用洗米水來淋佢既關係, 好易有蟲! 仲要係 d 黃色一撻撻好似卵咁既野黏係泥上! 種出來既果實得手指頭咁大粒, 不過好甜同好紅色!!
如果哩盆真係入口貨都買得過喎 ...

我覺得入口貨未必好架，因為可能不適應香港天氣．本地種反而好粗生，亦較適應香港的熱和濕．我以前試過種到可以捱過夏更到冬天再出果ｔｉｍ！都有普通士多啤梨咁大．如果結果細，可以是因為不夠肥，或者盆太迫．

OH~ 原來係咁呀! 希希媽媽~  我用洗米水係因為諗住佢夠天然, 唔怕食落肚 MA! 但果 D 蟲卵真係好得人驚呀!!  點可以令佢唔生蟲呢? 另外, 我買時佢 D 泥 係好似唐泥咁~ 唔似相入面好似用科學泥既??

好多花友討論過洗米水的用法，但我個人唔鍾意用，因為覺得佢污漕．泥唔同人，唔識得消化澱粉質，所以根本唔會變成營養，只會吽蟲．的確，士多啤梨是好好食的（蟲都鍾意食！），所以我用科學泥種，貪佢夠疏水同乾淨．如果你想加塘泥，我諗都可以，但不可太多，以免不夠疏水，太多水當然比較易吽出蟲了．另外也要留意疏葉．太多老葉反而會和果實搶營養，又容易熱親．特別留意植株中間不要留低太多老葉的頭，積埋一堆又係易吽蟲．

希媽,
老葉係咪指黃黃地果 D ?  咁有冇咩天然 D 既施肥方法介紹呢?

生果 好唔好味，最仲要係夠熟。
自己种，緊係熟先摘落黎食，一定最好味。

一般香港巿面出售的生果，都係未熟就摘落黎，因为咁样运輸途中才不會烂！ 所以 你話奌會夠味呢！？

尤其是 草莓，藍莓 之类的 漿果，好易烂，如果熟先摘再运黎香港卖，根本無可能。

唉唉唉......睇番我自己個盆，仲細過手指尾，真係唔知幾時先有得食......琴日仲見到有條蟲蟲添，噴左d辣椒水，希望冇事啦......

辣椒水?  自製剎蟲水? 點整 ka?

原帖由 小米 於 2007-12-8 02:38 發表
希媽,
老葉係咪指黃黃地果 D ?  咁有冇咩天然 D 既施肥方法介紹呢?

係呀, 最外圍大大塊,黃黃地冇咩生氣那些. 至於肥, 我都係得一招, 魚肥, 貪佢食得落肚.

原帖由 小米 於 2007-12-8 11:39 發表
辣椒水?  自製剎蟲水? 點整 ka?

之前電視說，將辣椒加蒜頭切碎，放入水中，等一下，然後噴到盆栽上，一星期一次，天然的殺蟲劑，不過嘛……我不肯定………