本帖最後由 miku 於 2009-7-18 22:05 編輯
屋企植物最新情況:
F1茄子1個月大
沙律菜個半月大了, 生長得好慢, 唔知係唔係正常, 不過佢係我屋企d小魔怪主要攻擊既對象, 所以好命苦, 唔知到最後有冇得食落肚
矮種敏豆1個月大, 唔知幾時先開花同出豆呢, 尋日剛剛加左d古草肥, 希望佢快d開花結果啦!
我見人地種秋葵好多收成, 好羡慕, 所以自己都種, 不過好怪, 佢個種子殼痴住左子葉, 我又怕大力會整傷佢
所以足足4日都見佢係咁不停高, 但d葉仲比個殼包住, 所以都係忍唔住同佢整走個殼, 而家成條蛇咁長到好高,
個樣真係唔好睇, 希望佢快d出真葉, 另一棵小苗, 又係比個殼包住, 唔知關唔關我無係落種前放水度浸有關, 個殼鬼咁硬
想同佢整開都唔得......
苦瓜出左芽, 又係要等我買倒泥先可以轉盤, 而家係苗盤種住先啦
上次買左個日本皇后蜜瓜食, 留左種子試下種, 而家出左芽, 不過仲未出真葉!
日本南瓜, d味好甜, 所以食完即刻拎去種, 好快出芽, 仲大得好快好巨, 屋企已經無晒泥了, 未同佢換盤, 等佢再大d就比佢落膠箱種,
唔知會唔會成功, 好想知自己種會唔會同日本果d一樣咁甜呢?
花老師牌既靚辣椒, 1個月大多少少了, 生長得好好, 等佢再大d先同佢搬新屋
小白菜同埋菜心苗, 兩隻d苗係一樣ka, 只係d色有少少唔同, 疏苗前同佢地影左張相. 都算係有得食落肚既第三種自己種既蔬菜.
收左d通菜, 仲有d小白菜同菜心苗, 第二次食d通菜了, 一樣咁爽甜, 好正, 自己種係唔同d, 雖然少少, 都好滋味.唔知幾時先會有瓜食呢?
屋企另外既植物
開唔停花既夏堇同埋藍星花, 藍星花買番來一直都無開花, 用左必旺開水隔幾日同佢噴下, 跟住一個月倒佢就不停咁開花
而家日日都有花睇, 好好好好好靚, 好中意藍色既花,
羅勒同佢cut左頂d葉用來煮左野食後, 佢就生多左好多側芽, 好中意佢既香味
報告完畢, 謝謝收看! |