我家的蕨

我家的蕨,買時都好貴,但品種較小見.現在將幾盆種得冇咁走樣嘅比大家睇.

真係好靚.....

第一隻應該係石松!?

係呀!第一隻係石松屬佢嗰名就係Lycopodium nummularifolium.好似話個中文名叫做唔知乜嘢雙金錢.第二隻同第三隻我都唔知佢個名呀!你知就講比我聽啦!

orchids兄:
哇,你果d品種係點搵番黎架??花墟小弟未遇過喎!!!係邊樹買架??
小弟開始想收集蕨類

仲有你有無set放濕機???定係人手噴水???
d葉打理得好靚,少少黃邊都無,勁!!!

alansmith多謝參觀!我D都係响花墟買ga,不過我都覺得貴,
我有用放濕機,但冇用任何sensor或時間掣,我只會係濕度50%以下才人手開機,部機亦唔係為D蕨而設,反而間中有用人手噴水,同理有D唔見得人嘅(唔靚)就冇post出嚟俾大家睇.至於第一棵石松花墟上生有得買,上星期日我在上生見到好多鹿角都好靚.其他呢花墟萬春園有得買,你如果有新款就post上嚟呀,我都好鐘意蕨呀!
剛剛留意到原來你就是種了多款苔蘚的高手,我都有養一款苔蘚,就是花墟有得賣果種,你的苔蘚款多又靚 ,但我睇到你有D苔蘚好似發mould,唔知我有冇睇錯，我自己試過苔蘚被mould纏到白晒好醜樣，我覺得苔蘚發mould好難攪，落藥重苔蘚都死埋落藥輕mould唔死，最後都攪唔掂要掉晒發咗mould的苔蘚，你有冇辦法攪掂苔蘚發mould，如果有的話可以指教下我嗎？

[ 本帖最後由 orchids 於 2007-12-22 18:58 編輯 ]

Chan2007 過獎啦,我只係想跟花友交流經驗,從中學習.

哦,果d白毛呢,小弟捉到少許路對付佢地,
果d毛係菌,只要一唔通風,佢地就有機可乘,小弟以前係公司種的時候,可能公司唔通風(雖然有冷氣),d毛係咁生,但返左屋企種後,問題無發生過。
仲有小弟初初種的時候,用泥碳土種,初初苔蘚生得好快(因為d泥幾肥下),跟住白毛就係咁起,後來開始用水苔(不過係平價水苔),白毛又係咁起,後來小弟發現,平價水苔好多時都有帶住一些乾了的白毛(一塊黑色的東西,濕水後很像魚缸裡的黑毛藻),最後換了貴價水苔,白毛未有起過。
我覺得的解決方法 : 你可以放佢地去d通風地方,仲有唔好貪平用泥碳土/平價水苔。

不過發左毛的苔蘚,不能落藥,只能靠用通風清走d毛,因為苔蘚對化學物質非常敏感!!

[ 本帖最後由 alansmith 於 2008-1-1 03:36 編輯 ]

我養的苔蘚冇根(花墟賣比人做盆景果種),我通常放D苔蘚响玻璃瓶中養,瓶底放1吋水培石,再加水閂蓋,貪佢唔洗點打理.可能因唔通風,一發mould就冇得救.我寄養响食虫及拖鞋蘭盆的有根苔蘚就真係冇乜發mould.
alansmith你D苔蘚係唔係全部都有根架?你係唔係唔閂蓋養苔蘚呢?你幾耐淋一次水呀?

苔蘚如果有根,果d都只係假根(只是作抓住基質用途)
我有假根同無假根都有........
我果d而家係用藍莓盒黎種(因為佢有排氣孔,可以使苔蘚呼吸),盡可能每日打開淋水,不是為了補充濕氣為主,是為了讓盒內空氣能夠換氣。
仲有呢,能夠在培養盒內寄養少許植物更好,因為植物能幫忙分解多餘的腐植質,減少菌滋生。

今日又行過xx園蘭店,入面d蕨好鬼吸引,但價錢就=.=+$$,唉,好想送一棵比自己><
你知唔知香港有無蕨類專門店呀??小弟好有興趣去參觀!!

[ 本帖最後由 alansmith 於 2008-1-3 02:51 編輯 ]

請問有冇d小型蕨介紹下.

原帖由 alansmith 於 2008-1-1 20:10 發表
苔蘚如果有根,果d都只係假根(只是作抓住基質用途)
我有假根同無假根都無........
我果d而家係用藍莓盒黎種(因為佢有排氣孔,可以使苔蘚呼吸),盡可能每日打開淋水,不是為了補充濕氣為主,是為了讓盒內空氣能夠換氣。
仲 ...

香港有無蕨類專門店,我都想知呀!我知嘅賣蕨類地方,就只有好貴嘅xx園蘭店,間中有鹿角蕨賣嘅花墟上X,間中有較特別蕨類賣嘅花墟森X,及經常有普通品種但偶有較特別品種的繽X.你有冇D好介紹呀?
藍莓盒幾好用架,我用佢嚟發芽苗盆,不過有時個label好難清除.
我先前講過'有D蕨唔見得人嘅(唔靚)就冇post出嚟',係真事唔係我謙,我係好貴嗰間買咗兩盆貴嘢,生到變晒形,我查過書好似係有菌或有蟎,都好難攪.除咗買番嚟嗰時D靚靚葉之外其餘新出嗰D都變晒形,因為已經成年啦,唔知依家可唔可以救番嗰靚樣番嚟.我覺得蕨類嘅書唔多,我自己係網上書店買咗一本Encyclopaedia of ferns by David L.Jones ,你有無好嘅書介紹呀!

原帖由 cross 於 2008-1-2 01:23 發表
請問有冇d小型蕨介紹下.

我樓上果D唔算大,不過都好貴,唔知你中意D咩類型,單葉還是複葉,繽X及森X早前有細種雀巢蕨.