香港園藝館

 找回密碼
 加入園藝館
查看: 80607|回復: 711

GTR香草記錄之-再見花園 (請各方好友收留香草)

[複製鏈接]
發表於 2009-4-6 19:47:43 | 顯示全部樓層 |閱讀模式
本帖最後由 gtrnismo 於 2012-1-17 19:02 編輯

不是香草中毒是自己中毒。 每天會家都耕田…女朋友都投訴。唉
以下是小弟5年得來能夠與大家分享的香草種植經驗, 有錯請儘快指出。

忽視或誤解:
香草於很多本地人眼中都是” 西人野”, 其實東南亞如菲律賓, 泰國, 越南, 印尼餐都用很多不同種類的香草調味, 印度更誇張一餐隨時用超過20種香料。其實唔洗望禁遠, 我地中國人(南方) 如香港每餐蒸魚都落薑,蔥, 蒜片抄呢抄攏, 三杯雞落basil, 翻大陸亦食過農家菜有basil抄下蛋炒下肉片, 北方亦有用fennel seed茴香/dill seed做餅(類似印度薄餅) 佢地叫”Ji Ran”, 中國人亦以鼠尾草入藥, 芫 荽, 香茅, 薄荷, 紫蘇, 花椒, 八角, 丁香我相信無乜邊個香港人未食過。

個人種香草的原因:
觀賞 - 香草的花大多謙卑, 細小的花有著君子的量度。 葉亦一樣雖不爭爭妍鬥麗, 但每當相處接觸卻流露淡淡的芳香。當然如borage也有燦爛誇張的一面, 無論如何於房間或花園養一兩盆香草總能讓芬芳帶走日常工作或課堂的壓力。
健康煮食 - 其實任何有機自家種農作物都一樣健康, 為何香草? 在此不能不提MOS BURGER, 一如其他日式洋食: 較淡。不知道是香港人還是中國人飲食習慣的問題, 我們都可以食得好咸。(翻大陸更甚) 我總覺得中國人食得太鹹同美國人食的太甜最終目的地都是死路一條。香草或香料都可以減低用油鹽糖味精, 媽媽常說蒸魚要落薑同落油僻腥, 那麼落多點薑就可以少點油, 簡單多點辣又可少點鹽, 多點香矛少點糖等等。
運動 - 當然任何種植活動都可以, 分別是如你種菜不會每天都收成, 但香草你可以每天都採一點點。因為有些香草種於後花園的後邊, 如要採草每天都要辛苦一下, 食飯之前包精神。
空氣 - 聽聞種農作物比其他植物交換較多氧氣, 這個需要更作時間確實。
要求低 - 無論花的時間, 技術都相比來說較少。 其實我對食蟲植物很有興趣但食蟲又需要飲蒸餾水又要照燈等, 香草始終都是草, 例如香茅和薄荷, 莫說有泥, 真係有水有光就生。因為我鐘意玩, 車呀打機行街落K落D落bar玩下魚睇下戲上樓cafe吹下水玩下扭蛋感點搞? 如果種花真係死9次都得。對於香港工作朝九晚五的朋友, 香草絕對值得一試。
地方限制 - 香港地方細, 種其他農作物可能一年得10次收成而且很少。香草可以隨時採隨時用, come back 快過打針。
修養 - 小弟一向噪底, 種D野應該可以平衡下工作壓力, 掛。而且每次meet草都會成屋香晒, 個人會開心d。
個人習慣 - 從前住的地方吃唐餐貴, 自己住自己煮所以有此習慣

評分

1

查看全部評分

 樓主| 發表於 2009-4-6 19:48:12 | 顯示全部樓層
1# gtrnismo

種香草的問題
:
陽光 - 雖然各方面要求較低, 但有如大部份的農作物一樣陽光大多需要充足, 如家中,
陽臺甚至花園陽光不足的話便要想清楚。
空間 - 商場如海港有D鋪頭賣D baby香草好可愛, 可能女朋友一句cute” 就帶翻屋企 (或者你就係果個女朋友), 雖然好多香草可以用盆種而且可以控制生長空間, 但某些香草如borage, fenne l(茴香), dill (時蘿/刁草), perilla(紫蘇) 都可以生到好高, 而且香草生長速度都好快下。
有網友問我點種bay leaf, 我話佢聽係paul
樹尼既…
有機 - 如果選擇室內盆種的話, 又要食得有機, 那便可是個問題。
無論街買的有機肥料也好, 自家堆肥也好也會有味”, “野蚊。當然如果盆夠大夠深, 屋企夠大就唔洗煩太多, 我只係想提醒一D唔種開野又想買盆cute….既香草翻屋企玩下既朋友
, 要知道自己想有機定無機。
原生地 - 很多香草原生地是地中海一帶, 跟香港氣候我看是剛好相反, 香港是濕而熱反之地中海是乾而涼甚至冷。
但因為地球村的影響亞洲國家都種起本來沒有的品種來, 這麼一來本來的鬼佬們都開始一代一代的適應亞洲國家的氣候和生活習慣, 可能是人工的基因演變亦可以是本身植物的基因特變, 但無論如何對我們消費者就是3個字易種左
我們於選擇香草的時候要考慮它的原生地和原產地, 如果它的原生地和原產地都是例如說法國, 那麼買回來很有可能不適應; 但如果如果它的原生地是德國但原產地是台灣或大陸, 那麼便易種多了。要看本來那植物有多易種加上它的原生+產地便可作個簡單結論: ie. 我買purple ruffle(purple basil) 因為basil容易種的關係我選擇法國的purple basil, 到現在依然生得好靚, 同樣道理chervil
我都買了原產地是法國的。
如何開始 -就因為原生地原產地的問題, 所以買盆種我經驗來說其實是更麻煩的。我最建議的就是問朋友囉”, 字並非感嘆詞而是的意思。這個很重要啊, 網上有經驗的種植者都是這樣建議的。其實開始有3個方法: 原盆買回來, 種子開始, 或跟朋友拿苗/插支分株。原盆買回來最容易玩完因為老闆不會如實報導原生地和原產地甚至老闆是根本不知道, 到時都係一個死字。而種子種起可能3個月才見成勣, 而且香港住陽光不足是死苗的最大兇手。
所以問朋友囉是最好方法, 最重要是因為你朋友都住在同一個氣候區域, /她能種的你大概都無問題, 最起碼避免了很多什麼原產地的問題: 例如網友問我囉刺薄荷, 而我的刺薄荷是兩三代生活於香港的香港人,
原產地我可以當係香港lu…
 樓主| 發表於 2009-4-6 19:48:35 | 顯示全部樓層
2# gtrnismo

每種香草都有不同的習性, 而且原產地不同亦影響習性, 所以以下的總結都是很籠統的:
:
大多全日照或半日照, 小苗需要較多的陽光去把莖硬化

:
很個別, rosemary/thyme需要很少; oregano/sage容忍高可多可少, basil/perila/mint很多
…it really depends
:
必要疏水, PH高低不用認真調節, 多沙勤翻土, 去水不足而爛根是頭號殺手

:
大少形狀沒要求但因為根不深可選擇淺盆

:
普遍泥越瘦香草越香” , 但多謝貓貓的提醒, 這並非代表不用施肥, 農作物都很受有機肥的。只不過不少種植者太愛護香草導致過肥沒香味

溫度:
多喜愛涼的天氣, 很多香草都怕熱, 達至一定溫度會停止生長停止發芽甚至死亡。
有些香草可底受降雪的溫度
但亦有某些如lemon basil受不住香港的冬天

蟲害和疾病:
個人經驗來說, 很少蟲害。只有黑色的毛毛蟲和常見的綠菜蟲, 紅蜘蛛(如室內), 潛葉蠅, 白粉病和捲葉病。因為香草生長速度快而且meet越靚”, 有病我就meet, 捲葉病/潛葉蠅我用”meet”
, 有毛蟲就足去餵魚, 紅蜘蛛只要拿出室外通風處就ok, 因為紅蜘蛛怕水怕風, 其實亦可以整盆(如根夠深泥夠穩) 反轉把植物插水約3分鐘(要考慮品種), 紅蜘蛛問題就解決, 亦可以到廁所囉水狂盆葉。至於白粉病是最麻煩的問題, 辣椒水肥皂水乜水都唔0, 唯一就是清水但要13次狂噴, 要上班的朋友們只好早晚花點時間減少問題吧。

繁殖:
看品種, 種子(九層塔, 時蘿…), 分株(香茅, 牛至…), 壓根(迷迭香, 百里香…), 插支 (九層塔, 薄荷) 等都有
.
 樓主| 發表於 2009-4-6 19:49:57 | 顯示全部樓層
3# gtrnismo

常見問題: (FAQ)
薄荷有幾多種?
香草混種容易, 網上和書籍說有過200, 香港常見有10多種。其實basil, rosemary, thyme都有好多品種
這是什麼品種, 老闆話係叫
到旺角香草如到金魚街買金魚, 鋪頭會亂起名。要清楚植物是什麼品種, 要看學名(botanical name), 因為學名只得一個, common name可以有10多個
種子要用水?
不一定, 其實可以說是完全不用
落左種子要幾耐先出?
好多網友心急, 但答案一定令大家失望: 最快我試過3(薄荷/時蘿), 最慢半年(洋甘菊), 所以要有耐性, 落種的季節不適合可能要等幾個禮拜甚至1個月。
點樣/幾時先知道D種子係死左?
a) , b) 了解品種播種季節, 如跟包裝上寫的季節無誤播種需時不會很長, 但要留意包裝上的不是香港的氣候。
請問呢隻係乜?
當然可以post上網問人, 但香草只要用手碰碰或整爛塊葉好快就知道大概
如何讓小苗快長大?
我的經驗是陽光為最重要因素
點解我盆香草會無晒味?
泥太肥, 陽光不足
點解我盆XXX會死?
通常: 陽光不足/泥排水不足/蟲害
點解插支會林晒?
插支後的1星期莖是很難支撐整株植物而”, 這是正常的。只要避免暴晒和留意季節適合就很大機會成功
插支如何?(如何插支)
首先插支不一定需要, 如果要浸的話先選擇非木質化的部份剪下一定長度, 大約三份之一下面不留葉, 上面三份一剪去多餘的葉避免過重, 有花一定要去掉。
如選擇泥插的話別用疏水的沙質土壤。
 樓主| 發表於 2009-4-6 19:57:06 | 顯示全部樓層
4# gtrnismo

超新手的開始
, getting started
a) 1盆九層塔, 1盆薄荷, 1個噴水, 1包仔有機肥, 之後…等大

b) 6個飯碗禁大既膠盆, 旺角花街/日本城都大把, 買兩包種子1包九層塔, 1包薄荷, 20蚊有交易 (10x2), 1包花泥(黑色), 1包沙, 1個噴水, 1包仔有機肥。
回家先落沙(61左右), 再落泥(63左右), 播種, 再用泥蓋種子(61左右), 林水, 一星期內發芽, 發芽1星期後可多晒。兩個月後等換盆…
1
包種子分4, 43可保留, 41分開3盆落泥, 3basil, 3mint

我的圖片:
以下圖片是所有我種過或正在種的香草與香料, 之前沒有一個專為香草而設的區域我分開了好幾個話題, 現在一次過建立一次。
好像打機一樣有攻略有complete walkthrough, 睇完人地過關, 係邊個位跌落街, 係邊個慘死就可以避免同樣死法。

這是我第1株香草:
5年前同女朋友行緊海港, city super有草賣, 幾得意就買左佢翻尼, 跟住惡夢就感開始...



評分

2

查看全部評分

 樓主| 發表於 2009-4-6 20:48:08 | 顯示全部樓層
5# gtrnismo

之後買左3色Basil (羅勒)

印象中15蚊-20蚊, 底玩
lemon basil, cinnamon basil, purple basil

又買左大陸種既purple ruffle, 但出來效果差唔夠紫之余更唔係ruffle

它們的特性用途我不多作介紹了, 因為之前都提及過
今次重點係集中係"錯在那裡"

這是肉桂羅勒, 所以basil的bb都差不多一樣樣


問題出來了, basil的發芽率我古有90%甚至以上, 各位如發basil千萬別全包落甚至半包, 除非你有幾塊田




出了真葉一定可以全日照


基本上沒什麼技巧, 種過basil的都知道


轉眼變成感樣, 3個月內的事吧, 忘記...
所以買種子其實幾化算, 不用10元有過50株旺角花街沒有的品種


ok 問題2來了, 就是過冬和開花
秋天就是basil的開花期, 如果想留住原株, 記僅要meet花, 同埋要插支, 讓母株木質化死去
下圖就是木質化後的肉桂羅勒, 個樣雖到爆

ps, 肉桂羅勒是不怕冷的, 室外種植都可安全過冬
發表於 2009-4-6 20:49:20 | 顯示全部樓層
GTR用咗半個鐘睇你呢個post, 真係寫得好,我記得我開始時(早兩個月!)係去朋友屋企食飯,見到佢種咗Basil,咁啱我又買咗D Basil做pesto sauce, 佢話好易種,唔駛出去買。就係咁我上網做research, 比我搵到呢個site - 就係咁就中咗毒!我最早鍾意都係香草,我整嘢食時成日用,我希望有日真係可以用自己種出嚟D嘢嚟煮食!
發表於 2009-4-6 21:00:20 | 顯示全部樓層
不是香草中毒是自己中毒。 每天會家都耕田…女朋友都投訴。唉
以下是小弟5年得來能夠與大家分享的香草種植經驗, 有錯請儘快指出。

忽視或誤解:
香草於很多本地人眼中都是” 西人野”, 其實東南亞如菲律賓, 泰國, 越 ...
gtrnismo 發表於 2009-4-6 19:47

講得很好呀  .... 我認同香港及大陸的食物是偏鹹的  , 如用香草代替部份的鹽及糖 , 事實又真係健康好多 .
香港人生活咁忙 , 壓力又大 .... 種香草可助減壓之餘又可有一點寄託 . 而且照顧的時間又不用花太多  .
發表於 2009-4-6 21:03:10 | 顯示全部樓層
講得很好呀  .... 我認同香港及大陸的食物是偏鹹的  , 如用香草代替部份的鹽及糖 , 事實又真係健康好多 .
香港人生活咁忙 , 壓力又大 .... 種香草可助減壓之餘又可有一點寄託 . 而且照顧的時間又不用花太多  . ...
fianfumy 發表於 2009-4-6 21:00


我係一個例子
我淨係聞下d香草既香味就可以幫我提下神... 你知啦... 考試溫習好辛苦架嘛
 樓主| 發表於 2009-4-6 21:07:52 | 顯示全部樓層
6# gtrnismo

之後到lemon basil檸檬羅勒

也是法國的


out fo也看到baby是一樣的


問題一樣, 太密


所以分左D到後院


樣子好明顯同肉桂果隻唔同, 味道當然好唔同


佢同lemon balm(香蜂草)一樣都有檸檬味, 但分別就好大, 文字好難形容


都係果句, 轉眼又變左大人, 但檸檬羅勒的生長速度較慢少少, 而且較軟林林, 我家太陽充足都有d問題如果沒有條件全日照的話好可能會dup晒頭, 就算唔食要定時meet左個頂。


sorry又out fo, 右邊是媽媽, 已經瓜左, 左邊是她的後代: 插支得來的成果


檸檬羅勒怕冷, 冬天室外種植很容易就會變成感, 唔想感樣? 插支又得, 等佢地自己開花繁殖后代又得, 但有要點注意: 就是如果家中多過1種羅勒是不可以讓它自然繁殖的, 因為一定會亂種, 出來的味道強差人意, 可以變苦, 可以變辣, 我試過做過實驗....


冬天沒勤力插支, 又要買過種子...
這是上年的, 插支總數有過20株但過冬後得翻兩株, 這是其中一株


插支要避免暴晒, 甚至避免陽光直射, 下圖為錯誤示範, 插支的第1天是下圖這樣的, 林林地無晒力, 但過了一個星期就會起翻身, 果陣就可以晒喇, 因為已經出左根luu
 樓主| 發表於 2009-4-6 21:18:06 | 顯示全部樓層
10# gtrnismo

purple basil, 紫羅勒
國產的, 最後無要到因為唔夠紫



又做左傻仔, 逼爆


晒瓜左幾個兄弟, 其實係clubbing無林水....


終於有D紫色


果時好開心


換盆, 我幾鐘意snoopy, 60幾蚊新港, 鋪頭已經接埋


大陸種真係大得超快, 但就綠過綠巨人。 以為自己種緊青荳...最後以法國種代替


應該叫紫心羅勒
 樓主| 發表於 2009-4-6 21:30:44 | 顯示全部樓層
本帖最後由 gtrnismo 於 2009-4-6 21:34 編輯

11# gtrnismo

分別來了, purple basil! 幾紫!


靚仔好多


5星級big爆


換盆


大大下又綠翻, 有D驚


重綠過國貨! 死


又係紫心, 點算?


哈哈, 有好轉跡象


係米好大分別呢? 係同一paul尼架! 講都唔信, 原來一見綠葉就meet, 網友貓貓稱之為滅族
最後就會剩底紫色葉, 得左。


之前開花D相, 其實1有花我就meet, 呢個係meet漏
留意葉, 潛葉蠅潛入! 我meet!






下面依然會綠綠地, 我又meet


應該是5年後的今日吧, 已經是多代了。 我很欣賞草民兄的堅持, 他說過挑戰不是種生它們, 是不靠外購種子自家繁殖才算成功。
 樓主| 發表於 2009-4-6 22:00:53 | 顯示全部樓層
12# gtrnismo

如是者我把4種香草種於後院。 樣雖到自己都唔想睇


應該是一星期後吧, 適應新環境


似樣了, 但多病多蟲
左起: lemon, purple, sweet, cinnamon






試試唔meet最後果paul, 特別高

太陽下

冬天前 (換位前)


冬天後 (換位後)

}purple basil 剩底1-2 paul, lemon應該係全家富貴ed


後院較少陽光, 所以死剩既purple basil囉左去前院ICU狂晒, 最後急救成功插支到後院, 而lemon basil只好再買種子
故事教訓我地過冬要插多幾丫支lemon同埋purple

翻來了


曠大後院計劃, 足1倍, 工作亦多一倍



冬天後, 死不知幾多...這是堅持插支的結果吧, 好在有準備


左邊空左既本來係lemon basil的一行, 但已經囉到前院copy中
右邊的purple亦一樣, 已經開始夠一行了


前院之前的情況


而家有一重任: 就係完成我BASIL TREE的夢...

因為很久之前上網見過有人話basil如果keep得好可以改寫一年生的命運
如果大家知道香矛有幾高, 就知道我的basil有幾高, 今年係佢第4年, 呢paul係5年前插出尼既小朋友
我真係好希望佢可以變成一paul樹...其實佢下面已經木質化左幾年了, 不過奇怪一路無死

比較隔離本來都幾高幾肉桂basil忽然矮左一半
發表於 2009-4-6 22:14:25 | 顯示全部樓層
本帖最後由 茉莉花 於 2009-4-6 22:22 編輯

哇塞~ gtr勁呀~
屋企有貓嘜草都咬, 種唔到, 最近執好左公司房內柱後既空位, 諗住整返個香草小小小花園.
暫時有得返半條命的花墟百里香,日本城碰碰香, 3星期未發芽的柚子核....

陰天時

陰天時

陰天時


晴天時

晴天時

晴天時


屋企仲有盆花墟羅勒, 掛左上窗網, 好少陽光, 生得好慢.
依家浸緊青梅, 又想搵返盆紫蘇種下, 可以整紫蘇梅子.
 樓主| 發表於 2009-4-6 22:26:03 | 顯示全部樓層
13# gtrnismo

洋甘菊, chamomile
無記錯12蚊一包, 請大家小心用, 因為洋甘菊應該係眾多香草中最高發芽率
多到你唔信! 如果買一包最好審少少落泥就算


問題又出現, 我落左種子幾個禮拜都唔見出, 原來比D蝸牛食左好多種子....
見倒立即囉去晒! 兩日後...


它是非常需要陽光的香草, 但矛盾地怕熱


又爆


話禁快

分D去後院

最後發現一盆只夠容納一株...才知道後院有很大個鍋

出花

個樣幾奇呢, D花fan向下而個心好似布顛...

問題又尼喇, 留意黃色一粒粒既花粉, 佢地唔會結果但會變子, 而每一粒黃色就係一個BB!!!

母株死後留意下面1點點, 就係新生baby, 超多


一個小故事...開花後已經係春夏了, 出左D baby全被豪雨所殺, 我以為又要買種子, 到了今年秋東, 隔左都幾個月以為死晒, 竟然又4圍禁出翻尼...
下圖就是第2代的菊花小姐

召集


再看看後院就知道有幾大問題:

我媽媽問我係米搞草皮

10零蚊平過草皮

之前傻仔以為好細paul, 點之...

最後比左3份之1一個陌生網友...唔知佢種成點
但都有禁多

無位, 又到前院
花了幾小時插

豪雨加暴晒, 變菜乾

菜乾開花

留心D就見倒開花後泥面全部都係baby

今年再出來的... (感染了白粉病, 好在落雨喇)

等待第3年的嬰孩
 樓主| 發表於 2009-4-6 22:28:01 | 顯示全部樓層
14# 茉莉花

好neat, 靚過我果D好多喇

有貓並非問題, 問草民兄囉D刺元西種下好快就無野咬植物了...
發表於 2009-4-6 22:32:51 | 顯示全部樓層
洋甘菊, chamomile 好靚,請問如果而家去買種子啱唔啱時候呢?
 樓主| 發表於 2009-4-6 22:46:22 | 顯示全部樓層
16# gtrnismo

Chervil - 山蘿蔔
法國人一定知道既野, 香港好似唔多見有得賣


有D似dill seed

照顧方法 - 沒什麼方法...出真葉暴晒吧


同樣地分到後院

多餘的分到後院

轉眼間 - 這個很建議係屋企房也好廚房也好整翻盆, 幾靚

再分到後院 - 一樣得翻一paul

開花後葉會變白
最後感染了不知名蟲害令花不能結子, certified

後院

大得好快既香草, 同parsley一樣需要好多空間既香草
可以當種cabbage感spacing就可以, 因為佢係一舊一舊感樣




留意這是錯誤的示範, 當時唔識只留左左右無留前後空間, 一條龍係唔夠空間

最後搞到行山果D wild fern shrub感樣...

最後殺掉過半, 立即開花



跟前院一樣感染了蟲害, 好像紅蜘蛛但不怕水不怕風連打風都唔驚, 呢種白色既野上網從未見人post過
真係迷一般...

玩完
 樓主| 發表於 2009-4-6 22:49:41 | 顯示全部樓層
17# Jennie

我經驗來說是"遲左DD"

因為我的是剛剛開花, 香港開始熱喇, 如果你而家落的話起碼一個月後先成熟(最快最快), 未開花可能會熱死

應該是遲了兩個月左右。 但如果係都要而家落的話, 可用最肥的泥死谷, 可能一個月左右就可以開花, 但死谷都要配合天氣。

值得考慮
 樓主| 發表於 2009-4-6 23:08:16 | 顯示全部樓層
不會出錯的東西:

Chives - 細香蔥
有種開香草的朋友不妨試試這個, 好容易, 而且不用繁殖, 因為佢點剪都唔會死
廚房必備

最奇怪的出苗...一出就係真葉


需要暴晒, 是最需要吧, 因為唔晒林左都幾易死

似草



成性了, 分到後院, 指定動作

個中文名都幾求其, 我初初以為細, 原來可以好粗, 同街市買既中國蔥差不多

上年做的實驗, 就係剪剩幾條, 本來想留開花, 但就未開, 原來老左會超硬, 硬到吉倒會流血
好誇張的

剪極有, 又生翻

後院的蔥太陽較少顏色不同

太陽唔夠好林

剪完再生原來會硬好多

終於開花

傻瓜機focus左隔離...


中國蔥 (scallion)的花較大而且不同顏色



今年, 我將chives同chinese green onion 平排種
唔知大家分唔分得出邊邊係細蔥蔥呢?
您需要登錄後才可以回帖 登入 | 加入園藝館

本版積分規則

聯絡園藝館|手機版|Archiver| HKplants

GMT+8, 2017-4-30 22:43

© 2014 hkplants.com

快速回覆 返回頂部 返回列表