請問點解我D菜苗只識長高，唔識長粗嘅？

我已經唔記得第幾次失敗嘞 ，每次剩係長高，唔唔識長粗，之後每次高到大約１”至２”左右就會向下彎，之後仲死埋，請問點解會咁嘅？請大家幫幫忙，唔該晒！

1. 你種植既位置有無陽光呢？
2. 菜苗既根有無露出泥面呢？

我而家放喺花園出面唔會直接曬到太陽嘅地方，而 D根應該冇咩露出泥面啩，如果有嘅話，請問係咪應該再加番簿簿一層泥呢？因為我係第一次種植，所以咩都唔識，請大家多多指教，唔該晒！

原帖由 wrxdaisylau 於 2007-10-25 22:49 發表
我而家放喺花園出面唔會直接曬到太陽嘅地方，而 D根應該冇咩露出泥面啩，如果有嘅話，請問係咪應該再加番簿簿一層泥呢？因為我係第一次種植，所以咩都唔識，請大家多多指教，唔該晒！ ...

食用植物多數都喜光,你種咗乜野?有冇相睇?
如果係菜,播種後要在種子上面加一層薄泥喎!!

你應該放在多太陽既地方,因為佢覺得陽光唔夠,咁就會不斷伸長去搵光製造營養, 有時種得太密都會大家一齊伸長鬥爭取更多陽光架。

我想post 相上嚟，但係file太大，請問可唔可以教我點可以將D相縮細呢?

最簡單做法是在"小畫家"選擇"延展",然後減低照片的size,再save, 150kb以下就ok.

另一般葉菜在出第二對葉起便要大哂特哂，而且要一星期落一次肥，落咩肥亦有很大影響．另如果你放在盆種，效果一般會比種落地差．

唔該晒呀，我今晚再re-size 相片post 上嚟比大家睇吓，請問落邊種肥料比較適合呢?

如果種俾自己人食，一般不會落化肥（雖然化肥效果顯著），落有機肥最好．有機肥亦有平有貴，想平的話，去菜種行買散裝的都ｏｋ．我之前ｐｏｓｔ過的上水菜種行散裝肥賣十二蚊斤，好好用（當然是有ｄ味啦，有機嘛）．另落種前泥土有足夠基肥亦很重要．越說越遠了，有興趣的話我才再說吧，費事咁長氣徙哂ｄ位！

唔該晒呀，我今日去咗菜行買咗花生灰同魚骨粉，請問呢種肥料好唔好呢，係咪落喺泥面就得呢？我終於都RE-SIZE咗相片，希望大家俾吓意見，唔該晒！

而我另外種咗棵薯仔，就生長得好好，木瓜苗亦好似生長得幾好，請問木瓜苗幾時需要分盆呢？

開頭個幾幅係咪蕃茄/生菜呀??真係長咗D喎!! 花生夫會遇水發酵發熱,小心燒傷作物,不過現在咁細棵,遲D先落啦!
魚仔粉可用作開花肥之用,又係唔駛咁早用架

[ 本帖最後由 PACO 於 2007-10-28 21:54 編輯 ]

係呀，開頭嗰幾幅分別係，法國生菜，迷你紅蘿蔔，迷你蕃茄，薰‘花衣草，同埋某種香草（因為唔記得個名） ，而家可以落邊種肥料呢？係咪落咗肥料同埋曬得足夠陽光，佢哋就會生長得好好呢，重有D咩嘢需要注意呢？其實我真係好有興趣種植，為的只係如果成功種植出嚟，真係好有成功感，好開心！ ，請大家多多教導，指正我的錯誤，唔該晒，幾次失敗之後，本來都有些氣餒，後來搵到呢個網，先至令我重新振作咋，希望今次可以成功啦!

花生”膚”和骨粉是基肥，最好是在落種前一個星期溝在泥裡等它發酵．我自己的習慣是追肥用有基肥．另種菜最好用泥（不是化學泥），否則是種不肥的．如要種到像街市買那麼肥，最好就落地，不可能的話，每盆只可以種一棵，盆尺寸至少五至六吋．

請問泥在哪裡可以買到呢 ? 而有機肥內是什麼呢？我上次去種子店問老闆，他就比了花生灰同魚骨粉給我，他說這就是有機肥料喎，如果我再去買的話應該話比佢聽要什麼呢？我幾時需要分盆呢 ? 如果現在將它們轉移到泥裏，現在我那些菜苗還有沒有得救呢？真係唔好意思，一次過問咁多問題，唔該晒 !

除非是要直播的植物（如蘿蔔），否則先用小盆出苗再轉大盆是很平常．總之出到第二對葉就可以轉盆，起碼要五至六吋，否則會種不肥．有機肥有很多種，總之非化學／以自然物料做成的就算是有機肥．你可以去菜種行問用來追肥的有機肥，或者找那些黑黑的林林地細細粒不規則又臭臭地的（一陣牛屎味），就ｏｋ．去年我都係用盆種，十幾盆炒埋得兩碟咋，不過都好開心！

至於泥，你可以買黃花沙＋河沙＋塘坭＋pit moss／基肥．黃花沙去新界的園藝舖訂，或者上山掘！河沙，當然係去河撈，金魚街好似有得賣（ｄ人用來養魚）．塘泥不一定要，視乎你種的是什麼．加pit moss是我自己發明的，覺得ｄ泥黑黑地會肥ｄ．Pit moss即係potting mix黑色在花墟或大園藝舖有售，我一般買25升＄４５，細包會平ｄ．去年我用盆種就用Pit moss，今年落田就正正經經加基肥吽田，希望會種得肥ｄ！其實各師各法，我相信有其他前輩種得俾我專業，總之大家努力！

還有一點，你說你有種木瓜，小心木瓜有分雌雄，公木瓜樹只出花不結瓜，而且用盆好難種，一般要種地．（雖然我都見過有人用盆種好肥，但那些真高人也：通常是耕慣田的婆婆！）．

忽然想起，其中一種常用的耕作有機肥叫”魚肥”，去菜種行可以買得到．

我都成日係種成甘架, 原來甘多野.
其實有沒唔駛太多陽光既(蔬果)植物可以種呢?