盆養的鐵篇

好喇! 上的雜花。

hazellue，你種鐵咁靚，雜花對你黎講冇難度雞蛋花好靚
88比左d小鐵種子比我，我想跟你ge播種方法(只用"金泥"然後放入雪柜等種子發芽)，現在的天氣可以嗎？

102# 花草之家


蛭石孵的方法至今我都好滿意。 現在天氣開始熱, 如果你現在孵, 在室溫可做到保持4-6星期24-25度, 你就可以現在放室溫孵, 6月中左右才放雪柜, 等九月頭至九月中才拿出來再續孵, 這暖-凍-暖的過程, 是一般程序的孵化方法, 不理是土播還是蛭石夾鏈袋的方法都可以用。如果你用我的夾鏈袋的室內孵, 往後两三個月會好熱, 你就不要播喇, 因為這方法一般 個半至2個月左右便陸續出芽(視乎季節), 出芽遇高溫, 揾嚟搞咩!  不如等九月才播種。

hazellue，我睇見你係帖內教尼個方法，比較易發芽，所以我就想用尼個方法。咁我先將種子放入雪柜，再等到9月先至播種，謝謝！

88都俾咗種子我, 多謝hazellue . 我都等緊秋天.  
順便報告下另嗰兩棵仲係好健康. 又大咗啦. 但我仲未幫佢換盆. 因為總是擔心換得唔好會離開咗我.

104# 花草之家

未播嘅種子放唔放雪柜都得, 我都係放地下或柜桶。要播先至剝皮。或者住雪柜啲種子眠得好的, 第日聽教聽話啲。

105# 格子
唔洗多謝, 小意思啫!  我記得你有一盆大小小嘅, 依稀係要換大一點點盆架, 你襯依家未熱得太利害, 好換啦, 比原盆濶2吋左右就得喇, 盆要長3-4吋。

知道!  hazellue換盆時要唔要留下原本泥土? 還是去晒佢?

仲有, 我見兩盆都開始有小小根申出盆底, 另一盆唔換怕唔怕?

104# 花草之家

未播嘅種子放唔放雪柜都得, 我都係放地下或柜桶。要播先至剝皮。或者住雪柜啲種子眠得好的, 第日聽教聽話啲。
hazellue 發表於 2009-5-12 18:04

我已經將d種子放入雪柜，希望佢第日生生性性，快高長大啦add7icon

108# 格子


我今年混咗11種土來試鐵的表現, 你嗰两盆苗我都忘記了是甚麼土 , 如有 Label, 你可以看我寫的是Formula (F) 幾? 原則上,如果是粒粒狀的, 你就不用去土, 直接放進新土裏去就可以喇! 至於你要用的, 我不知你家裏有甚麼土, 大前題是必須疏水, "顆粒狀"的土質最理想, 如果你想要混些 Peat Moss 的說, 含量最好不要超過25%, 黃花沙最好不要用。

其實你那兩盆苗, 夠竟大的還是小的那一棵要換盆, 我都有點模糊了, 鐵線蓮的根在生長期會長得瘋快, 如果你一見盆底露少少根就換盆, 那麼一年"至少"要換两次都唔掂囉!  咁啦! 你两盆都換, 小盆的改住另一棵苗的盆, 肯定夠住。大一點的那棵就用新盆換啦!

好既,
我見88用蘭花石我都買咗一包(比黄豆大小小), 再溝"靚土". 就哩兩樣.

112# 格子


聽講靚土好保水wow! 會唔會怕過濕呀? 你有乜野土喺手呀? 講嚟聽聽。

hazellue，唔該幫我睇吓Comtesse de Bouchaud，開第一朵花都冇事，尼4朵花前日一齊開，花形好怪同埋細朵好多，係咪d根有问题呀！

花草, 不知你棵鐵多大。大苗開完頭輪花, 你若略剪再催谷第二輪花, 花型都會略細。如果是強壯小苗, 頭一朵花肯定是最大朵的, 如果足肥, 往下的花就只會較小，但花型不會變。肥不夠肯定花會很細。

會令花型及花色變異的情形, 常見的有 : 1)光照不足; 2) 農藥影响; 3)花苞久結但因温度及光照不夠, 引至花苞延開; 4) 高溫

有時花剛打開有變異, 但開開下又會改善的。不個只要沒其它問題, 可以不理, 等苗適應了土質和環境, 再壯大了明年就開得正常。不過要多留意株苗有沒有幾它不正常表現。

Hazellue，小鐵係08年12月栽種的1年苗，栽種時盆底放了雞糞和骨粉，淋水時加一點葉肥或開花肥。
原來有咁多因素會影响花朵，咁我要留心觀察小鐵的生長情况，多謝你的提點

112# 格子


聽講靚土好保水wow! 會唔會怕過濕呀? 你有乜野土喺手呀? 講嚟聽聽。
hazellue 發表於 2009-5-14 15:18

我得靚土咋都有真珠岩

116# 花草之家
剛種上時,千萬別讓根部接觸到雞糞。

118# hazellue
聽88說明天給你土。

116# 花草之家
剛種上時,千萬別讓根部接觸到雞糞。
hazellue 發表於 2009-5-18 22:17

hazellue，我見未來幾日都有雨，會冇咁熱，打算將種在膠盆ge小鐵，轉移用陶盆栽種，雞糞我會小心咁用。
我有2棵"2年苗"用陶盆栽種，植料：7份普通花泥加3份磨菇肥，冇放底肥，巳有1個月時間，暫時覺得效果幾好(因為葉片長得翠綠)。