我的大岩桐

九株齊發

嘩!!  
睇見第一個反應就係 嘩!!  勁呀!!

嘩~好壯觀呀~好靚呀~add14icon
請問種左幾耐?

麗無比！

好大  好靚呀€~種左幾耐?

嘩! 勁!
我試過最多一次都係開4朵炸!
掂樣先可以令佢一齊開呢??

九株齊發, 好靚呀!

嘩! 十分壯觀。

我種左年半到啦~
其實想佢一齊開花,最緊要o係佢有花冧時,加適量ge水同氮肥,唔好俾d泥乾~
如果想d花多,就o係泥度加用過ge咖啡粉,中和返泥土ge酸性~

我種嗰啲,成日啲根變啡,軟晒.係唔係淋得水多?我都係每次淋透水,之後等佢乾先淋.

好閃啊.好靚啊.

To cotychan:
可唔可以整幅相黎睇下?
我要望望佢個樣先答到你~

add6icon 好大個花球，大岩桐花大大朵好靚。

氮肥?

原帖由 collinman 於 2008-11-28 09:42 發表
To cotychan:
可唔可以整幅相黎睇下?
我要望望佢個樣先答到你~

唉,我扔咗,睇過個球莖,唔知係唔係淋得水多,定因為佢埋喺泥到,條莖啡色,都唔知有無爛,去貼球根版,版主叫我都可以試吓種.正在等梗,睇吓生唔生.
我諗係樓下花鋪個女仔,成日話塘泥可以令啲泥肥啲.上嚟睇過晒啲植料介質貼,知道一定要疏水,塘水疏水唔好,所以淹死.另外一棵白色大岩就只用科學泥既就暫時無事.唔知要唔要幫佢換植料呢?

補番張相先,買嗰時係個女仔幫我換盆.佢話佢都無睇到係兩棵,定兩個頭,但佢而家大嗰棵有一個就開既花苞,另一棵就有啲細花蕾,係唔係應該等佢開咗先睇吓佢係兩棵,定係兩頭?到時先分?仲有,係未因為我係噴灑水壺,噴到佢個芯,所以成日都係爛芯呢?

老球莖係啡色的,新球莖先至白色,如果你摸個球莖冇「林」冇臭,就唔係爛~
只要放佢o係蔭ge地方吹番乾佢約一個禮拜,再種落泥面下約2-3cm,加少量水,咁佢就會再次發芽喇~
記住切忌多水呀!!

噴灑水壺的確會令佢爛葉爛芯,其實除左芒草類植物外,其他植物都不宜用噴灑水壺,應該就咁淋水落d泥度~
另外大岩桐唔可以用塘泥,要用科學泥,如果你想再疏水d,就可以加火山石(好似你而家咁)~

就咁睇你盆花就係兩棵,不過唔知會唔會係同一個球莖,建議你開緊花時唔好換盆~
另外想問下你個盆下面有冇孔疏水?如果冇咁你淋水時就要小心d,然後等佢開完花就要換盆喇~

[ 本帖最後由 collinman 於 2008-12-1 11:26 編輯 ]

To jellyfishy:
係呀,氮肥,谷花用的~

collinman 唔該你先,咁如果佢係一球兩根,喺唔係喺個球中間切開兩邊?定係切咗其中一棵出嚟入泥等佢生根?

可以用cutter o係球莖中間切開,不過記住cutter要消毒先~
之後種番入泥就ok,同埋都係o個句,唔好淋咁多水~
不過開花時期唔好搞佢喇,等佢開完花先啦~
d花開完之後,連花菖條莖成條摘左佢,等d養份留o係母體唔好去左胚芽度,咁棵花就會強壯o架喇~

ps,我睇你盆花d葉都好靚好健康~