非洲紫羅蘭突然出大量葉毛

各位好，小妹為新手，上月中開始試種非洲紫羅蘭。近日突然發現其中一棵的莖毛及葉毛(包括葉底)大量生長，部份葉面出現白色粉末，很怕是蟲患，以下附圖煩請各位幫忙看看，萬分感謝!!

20/9更新圖片:
發現植株上、離泥土高一點的位置有團白色依附在莖身，請問這情況是否中了綿花蟲？是否必須切根換泥處理呢？QAQ求救各位大大

其實你果棵花都唔算特別多毛，可能天氣影響。
我其中一個品種，3棵都比之前出多左葉毛

我公司和你同一座，同一方向
你公司在9/F, 10/F？

MUE-Train 發表於 2018-9-21 16:10
其實你果棵花都唔算特別多毛，可能天氣影響。
我其中一個品種，3棵都比之前出多左葉毛

你好~估唔到咁都自爆咗添XD 差唔多嗰幾層樓啦，好多謝你回覆我呀
講返盆花先…今日我再望就有其中幾片葉黃咗…唔知同我用過酒精紙抹走莖上面團白色嘢有無關係…好擔心呀

老葉剪走就可以，白色粉團係咪棉花虫？用放大鏡望望，如果係就用藥or上youtube跟校長處理蟲害問呢方法試試

https://youtu.be/NiK4JxMnvJ8

Tongbbmuimui 發表於 2018-9-21 20:14
老葉剪走就可以，白色粉團係咪棉花虫？用放大鏡望望，如果係就用藥or上youtube跟校長處理蟲害問呢方法試試 ...

謝謝~~不過新手不太懂…請問葉會變黃是因為變老葉嗎？會不會有其他原因例如蟲患所致呢？ 另外那團白色…已經被我今天手起酒精紙落清理掉XD 所以可能無從查證了Orz

太光，老化，蟲害都有影響，如果老化就通常好少好短時間突然好多塊一齊黃，如果太光受傷就五會只底層葉，如果遇到五正常出問題一般最好打開個泥膽檢查d根,如果白粉團係棉花蟲甘根應該都有好多啦如果根有事就重種啦師主，上面乃小弟愚見

Tongbbmuimui 發表於 2018-9-21 22:56
太光，老化，蟲害都有影響，如果老化就通常好少好短時間突然好多塊一齊黃，如果太光受傷就五會只底層葉，如 ...

咁嘅話…睇嚟真係要拎出嚟睇吓啲根嘞…但好驚粗手粗腳會搞到盆花元氣大傷

適逢今日有朋友送咗2棵小植株俾我，諗住一次過買包泥返嚟幫新朋友換埋盆。想請教師兄，請問係咪應該用非洲紫羅蘭專用嘅泥？花墟有無話邊間或咩牌子比較好？如果見到根無蟲無損係咪可以直接放入新泥種，唔一定要切根架？

唔好意思呀咁多問題，麻煩你了

如果新手我建議你去花墟果間花寶買包三合一泥再買一包淨5號珠石，三合一泥d珠五夠多，種非洲紫羅蘭最緊要俾d根透到氣，你觀察住而家盆有無不停甘枯葉，如果無就可能真係底層老化，健康嘅根係透明而柔軟，換泥時五好整斷太多根就算換泥都復原得快d架️

Tongbbmuimui 發表於 2018-9-22 18:36
如果新手我建議你去花墟果間花寶買包三合一泥再買一包淨5號珠石，三合一泥d珠五夠多，種非洲紫羅蘭最緊要俾 ...

老師！答得好詳細！

Tongbbmuimui 發表於 2018-9-22 18:36
如果新手我建議你去花墟果間花寶買包三合一泥再買一包淨5號珠石，三合一泥d珠五夠多，種非洲紫羅蘭最緊要俾 ...

多謝師兄嘅詳盡解答！

akane03 發表於 2018-9-22 18:19
咁嘅話…睇嚟真係要拎出嚟睇吓啲根嘞…但好驚粗手粗腳會搞到盆花元氣大傷{:e ...

我也是新手，我個多月前在Bun Bun 買了些小苗，跟了以下師姐做法，連根也除掉，現在的小苗也可好啊！不防試試。
http://hkplants.com/forum.php?mod=viewthread&tid=138247&mobile=2

chestnut007 發表於 2018-9-23 09:54
我也是新手，我個多月前在Bun Bun 買了些小苗，跟了以下師姐做法，連根也除掉，現在的小苗也可好啊！不防 ...

多謝大大提供資訊！我打算為小苗試換泥，但已經生長咗一個月嗰棵(即懷疑蟲患嗰棵)仲諗緊係觀察住先定一次過換埋好 =(

akane03 發表於 2018-9-23 12:35
多謝大大提供資訊！我打算為小苗試換泥，但已經生長咗一個月嗰棵(即懷疑蟲患嗰棵)仲諗緊係觀察住先定一次 ...

梗係當機立斷，免得錯過最好時機，尤其佢如果有蟲會野到其他

Tongbbmuimui 發表於 2018-9-23 14:31
梗係當機立斷，免得錯過最好時機，尤其佢如果有蟲會野到其他

明白！多謝師兄指導
另外想請問師兄消完毒換完泥之後，使唔使再做定啲咩措施防止蟲蟲再次來襲架？我之前睇過話有種硅藻土可以物理殺蟲…請問師兄有無試用過？定都係噴定稀釋火酒+洗潔精水就可以呢？多謝指教

akane03 發表於 2018-9-23 16:09
明白！多謝師兄指導
另外想請問師兄消完毒換完泥之後，使唔使再做定啲咩措施防止蟲蟲再次來 ...

坦白講我試過就無咩用，如果你決定用清潔精之類殺棉花蟲記得連葉都要卒下，以上我自己意見炸我五係師兄，純粹飄過

Tongbbmuimui 發表於 2018-9-23 18:23
坦白講我試過就無咩用，如果你決定用清潔精之類殺棉花蟲記得連葉都要卒下，以上我自己意見炸我五係師兄， ...

多謝賜教
其實我依家喺花寶，諗緊買唔買埋苦棟油一次過驅蟲呢

PS 啱啱買埋苦練油，位職員話可以唔使折枝住，keep住每星期將啲油倒落泥殺蟲蟲先，過咗一個月殺晒蟲先換泥都未遲咁話……
請問各位大大覺得係咪可行？


咦咦咦請問會整到啲泥點核突架？ 如果淨係用嚟擦新盆之後再放新泥又諗唔諗得過呢？ 抱歉問太多問題了

各位中秋節快樂
適逢有日假期，於是噚晚就跟住各位大大提供嘅影片同討論帖，戰戰兢兢落手幫2盆花換泥重種

首先2盆花基本狀況：
A) 懷疑有棉花蟲，所以直接切根。驟眼睇泥同莖唔見有棉花球或其他蚊蟲Say hi，但根應該真係爛咗不少，深啡色好易撕開
B) 一打開泥膽就有好幾條白色蟲仔衝出嚟Say hi，另外有十數隻蚊滋亂飛，好驚嚇。不過根莖同樣無發現棉花球，而且佢嘅根透白同強而有力…最後一樣切根處理

以下係消毒過程：
1切根，清除老皮
2浸五分鐘清水
3浸五分鐘稀釋火酒(約2.5L水開小半蓋75%酒精)
4浸五分鐘稀釋漂白水(約2.5L水開小半蓋漂白水)
5浸五分鐘清水，用手捽吓啲葉
6風乾及落泥重種
7喺葉底噴苦棟油
因為依家天氣太熱，就無幫佢哋入溫室嘞…唔知啱唔啱

泥方面用咗三合一泥溝1/3包珠石5號，加啲基肥同苦棟油噴霧撈勻

依家係手術後8個鐘，感覺A無咩變但B啲葉就軟咗 =(
好擔心唔知出唔出到根同埋B捱唔捱得住QAQ
再次多謝各位大大嘅意見，依家只可以等同觀察住先嘞

PS 圖左係B，圖右係A

akane03 發表於 2018-9-25 13:51
各位中秋節快樂
適逢有日假期，於是噚晚就跟住各位大大提供嘅影片同討論帖，戰戰兢兢落手幫2盆花換泥重種{: ...

冇根的話係，葉片變軟是正常的！吸唔到水份，依加天氣不算太熱， 建議放回溫室！