好想拍拖,有乜辦法

[複製鏈接]
作者: hecate 发表于 2018-8-10 00:24:03
14222 215
icesea 發表於 2018-8-13 11:03:53 |顯示全部樓層
Sumbie 發表於 2018-8-11 00:49
你返工有冇男士啊?其實唔使特登學點相處,做返自己就得。

我返工有好多男士,做同學、同事OK,但我不懂如何拍拖,我會不懂處理,因為單身太久了,又從沒拍過拖!

習慣了一個人,我做就是自己,我不懂討好這些男人。但有一些男士口說多喜歡我,我又知道他是有老婆,所以直接拒絕,甚至斷絕聯絡!
Sumbie 發表於 2018-8-13 17:22:07 來自手機 |顯示全部樓層
Dtwfung 發表於 2018-8-13 10:59
物以類聚……普通的我們唔去擴闊朋友圈、難識人!
自以為只是鶴立雞群者去 鵪鶉群中 只是係異類…… ...

物以類聚好啱架!其實就算唔係要識異性,做人都應該不斷咁擴闊自己圈子,增廣見聞、學習從多角度去睇件事都係好事!我都現在都不停有新朋友,好多都係網上識,因為有共同話題,不過會小心主要都係識女性朋友以免有誤會。啱傾嘅朋友都會約出來,慢慢就成為朋友!我依家個個星期六日出來玩嗰啲都係放狗、響街識嘅朋友!因為我做寫字樓,以前都冇諗過會識到髮型師、建築行業嘅朋友,真係令我學到好多野!

其實而家識朋友比以前容易,可以喺Facebook或者WhatsApp傾,啱傾咪約出嚟囉!以前邊有啲咁嘅嘢啊!
Sumbie 發表於 2018-8-13 17:26:21 來自手機 |顯示全部樓層
本帖最後由 Sumbie 於 2018-8-14 07:59 編輯
icesea 發表於 2018-8-13 11:03
我返工有好多男士,做同學、同事OK,但我不懂如何拍拖,我會不懂處理,因為單身太久了,又從沒拍過拖!

...


其實拍拖可以話唔需要學習,做返自己,順其自然,反而要就個男人即係根本性格不合,長遠都唔係辦法。以前我都試過就個前男友!但係我一啲都唔開心囉!點解每個星期都要就佢買套新名牌衫同啲親戚朋友去酒店食飯、仲有原來有啲「低質素」朋友都會影響親戚對你的印象? !仲有伯母見到你第一時間就係問你個手袋係乜牌子? !真係痴線!我都係決定做返自己,我食麥當勞食得好開心!

另外最基本要知道就係男女大不同,坦誠溝通,有問題大家拎出黎傾,咁咪得囉!緣份到自然識點做!
jellyfishy 發表於 2018-8-14 08:42:58 |顯示全部樓層
小雷子 發表於 2018-8-10 14:42
根爺!園藝館係咪有交友區?

呢度係交友區呀~

點評

原來呢度係交友區呀, 版主話係就係了  發表於 2018-8-14 10:06
jellyfishy 發表於 2018-8-14 08:47:59 |顯示全部樓層
本帖最後由 jellyfishy 於 2018-8-14 08:55 編輯
icesea 發表於 2018-8-13 11:03
我返工有好多男士,做同學、同事OK,但我不懂如何拍拖,我會不懂處理,因為單身太久了,又從沒拍過拖!

...


不論男女, 都需要陰陽平衡, 日月有陰陽, 身心亦有陰陽, 生活上有動有靜, 人與人交流一樣需要陰陽互動, 是健康的交流.

自我拒絕另一個性別, 如果你係女性, 喜歡男性卻拒絕與男性親密互動, 是拒絶自己發展陽性面向, 是失衡, 長遠可能影響健康的. 不如你試下為自己身心, 去找些相關的課, 學下野, 人有進步, 就如植物成長, 會越來越豐盛健康架.
jellyfishy 發表於 2018-8-14 08:54:27 |顯示全部樓層
Sumbie 發表於 2018-8-13 17:26
其實拍拖可以話唔需要學習,做返自己,順其自然,反而要就個男人即係根本性格不合,長遠都唔係辦法。以前 ...


你個情況唔止係性格不合, 根本係人生觀及人生價值太不同, 你亦唔想跟對方的價值觀.


唔好意思, 我多口回應, 因我種花及正職以外, 是占星師, 研究靈魂成長, 大家的討論吸引左我來囉~

占星圖看人世: 人拍拖, 戀愛, 結婚這些都視為一種對手關係, 即係冥冥中你喜歡的人, 跟你點都有D 野好相反, 就如坐搖搖板, 大家要有心一起努力互動, 互相學習, 才能達致平衡豐盛.
hecate 發表於 2018-8-14 09:04:33 來自手機 |顯示全部樓層
Sumbie 發表於 2018-8-13 17:26
其實拍拖可以話唔需要學習,做返自己,順其自然,反而要就個男人即係根本性格不合,長遠都唔係辦法。以前 ...

我就覺得同人拍拖相處直到成為親人係一門學問要互相夾同遷就到對方而且和諧,好難架。我上網同人聊天,已經見遇過好幾個男人想出軌對婚姻有玩有失去感情
一齊唔易,分開都可以隨時既事
你覺得無理容納唔到的話就係咁先
Dtwfung 發表於 2018-8-14 12:21:55 來自手機 |顯示全部樓層
hecate 發表於 2018-8-14 09:04
我就覺得同人拍拖相處直到成為親人係一門學問要互相夾同遷就到對方而且和諧,好難架。我上網同人聊天,已 ...

性格主哉好多嘢、性格強 未必接受其他異見!每个個體 就同每塊 小併圖一樣、合埋机会要睇係一佰x一佰(初級組)还是十萬+x十萬+……
性格自我又唔怕悶……冇朋友又冇所謂!何況e家d AI 智能咁勁! 对住部手机/电腦又可一日!
jellyfishy 發表於 2018-8-14 17:38:37 |顯示全部樓層
hecate 發表於 2018-8-14 09:04
我就覺得同人拍拖相處直到成為親人係一門學問要互相夾同遷就到對方而且和諧,好難架。我上網同人聊天,已 ...

愛都要誠, 是啊, 你說得對, 對方無以誠相待, 唔係愛, 只係佔有慾, 貪心.
leoleo 發表於 2018-8-14 18:02:28 |顯示全部樓層
我都係工程行業的,男女比例的確懸殊,我的經驗係女仔真係極吃香,無論性格外貌點都好,都會有人埋身親近。
樓主覺得d男同事對你的態度如何?
Sumbie 發表於 2018-8-14 21:28:34 來自手機 |顯示全部樓層
本帖最後由 Sumbie 於 2018-8-14 21:54 編輯
hecate 發表於 2018-8-14 09:04
我就覺得同人拍拖相處直到成為親人係一門學問要互相夾同遷就到對方而且和諧,好難架。我上網同人聊天,已 ...


我反而覺得呢啲野係好睇個人成唔成熟,隨着年齡嘅增長人生閱歷豐富,你講嘅問題都有可能自動解決。起碼係我認識嘅人當中,響20幾歲嘅時候梗係好多野玩,個心好野,女仔未成熟又會成日對男人多多要求,男人又成日有「唔想為一棵樹放棄整個森林」的諗法,但係當人踏入三十幾40歲,價值觀唔同左,同人相處嘅方法都會改變。試問有幾多女仔20幾歲嘅時候冇同男朋友因為啲好無聊嘅嘢大吵大鬧、下下管住男友、成日因為一啲小事而喊?我自己都因為男朋友(現在老公)一枝花都未送過俾我而同啲姊妹講我好唔開心、冇好浪漫的求婚而唔高興。我現在諗返以前做呢啲嘢都覺得好無聊,唔係因為我有好多拍拖經驗,而係做人成熟咗。

同埋我信命運,好多野系整定的!如果你成日話要特登學習、遷就,可能即係代表你未遇到真命天子!例如我以前拍拖要好辛苦搵話題,但係遇到我老公,我哋可以每晚傾電話傾到兩三點!

再講多啲故事俾你聽!我信命理,師傅叫我一定要遲婚,我係先苦後甜,當初唔信,成日都撞板,識親個個男朋友都會因為唔同理由分手,成日喊到豬頭,成日同朋友講點解我咁悲慘。未去到師傅話的年齡之前,就識到我老公,點知都係分手收場。但係當我一去到師傅講的年齡,一切突然變得順利!
到我哋結咗婚,一路都揾心水屋,睇咗幾間,師傅話我哋黑仔,未係適當時候搵樓,我哋又死唔信邪,結果搵親啱的都係凶宅、風水差到極點的樓盤!最後死死地氣聽師傅話,點知兩年後一搵就搵到心水筍盤!所以我覺得你應該係未到合適時候或者你未遇到真命天子。耐心等待吧!將來希望你會覺得你之前講嘅野係傻的!
jellyfishy 發表於 2018-8-15 08:39:19 |顯示全部樓層
我係"價值觀唔同左"個群, 所以做工程都係遇到好人.
jellyfishy 發表於 2018-8-15 09:08:32 |顯示全部樓層
本帖最後由 jellyfishy 於 2018-8-15 09:16 編輯
Sumbie 發表於 2018-8-14 21:28
我反而覺得呢啲野係好睇個人成唔成熟,隨着年齡嘅增長人生閱歷豐富,你講嘅問題都有可能自動解決。起碼係 ...


關於命理, 閒來都有用我的占星知識跟研八字的朋友分享. 我信人有命運, 但唔信批命, 好多時同個案講解了凡四訓, 批命準係因為自己, 批命唔準都係因為自己.

我小時, 媽話鐵板神算同她講, 我好易離婚, 晚婚都好快會分離, 她梗係唔想我同她一樣婚姻命苦, 成日提住我要找對幸福.

什麼「找對幸褔, 好玄.

十八廿二已有人求婚, 每每都衰修尾, 見過幾個命理師都話我婚後命苦, 一結就會離. 我好驚, 但唔信人生係梗局, 一定有方法變的!

所以周圍學習, 自然療法, 身心靈, 占星, Usha veda 芳療...

早幾年終於結到婚, 唔洗1個月, 老公話唔做正職, 要創業, 無收入仲會十年內唔出外旅行, 要我養起頭家自己攪掂自己, 隔多幾個月, 奶奶還突然病重, 老公得佢媽一個至親, 我地晚晚幫忙貼身看顧老人家.  個段日子, 世俗地說, 絶對唔係新婚好光景.

我哭左好多次, 點解會咁, 一個人反而好地地, 搵到食消遙自在... 係咪想離婚?

唔係既話, 就好好學習共患難.

跟住我日日再忙都打坐靜心, 就算只有5分鐘, 打坐都可以幫我清洗怨氣, 洗掉阻礙心情的片段, 好有用. 另外, 用芳療減壓, 幫奶奶按摩減痛, 用占星教自己看到危背後的機.

選擇左唔好後悔, 佢對我一心一意, 無對我唔住, 修要修我自己, 為真正想要的幸褔出力.

半夜總唔俾老公一個幫奶奶執屎執尿, 餵食抹身, 我要開開心心全力支持他和頭家.

奶奶離世, 老公失意無動力, 曾想一死了之, 我都要陪佢撐下去.

就係咁, 日子撐過左.

我變左好多.

老公都變左.

依家佢好錫我, 無錢都會用行動為我修橋補路, 打造舒適小空間給我做占星工作室, 他還愛上煮飯, 話要給我好營養.

無得旅行, 佢會帶我去外島過夜, 或露營睇星星.

深深體會了, 我地無可能要求身邊人變變變, 但當我自己變, 身邊的人都會變. 景隨心轉, 物隨心造, 心想事成, 是真的.

好感恩我熱愛占星, 透過星相看到很多角度的人世, 觀照行為, 接受本性, 繼而原諒, 攺變心態, 很多事都會變.

點評

感人  發表於 2018-8-15 11:02
powergun 發表於 2018-8-15 09:36:57 |顯示全部樓層
jellyfishy 發表於 2018-8-15 09:08
關於命理, 閒來都有用我的占星知識跟研八字的朋友分享. 我信人有命運, 但唔信批命, 好多時同個案講解了凡 ...

恭喜版主搵到個好老公, 所以我信乜都係整定,  無需要刻意去搵, 順其自然就得, 無都未必係壞事, 當然無時係想有, 但無必要強求, 一個人單身都不是壞事, 等主的安排就得

點評

可否理解為: 即使是整定了, 但也要自己有所行動, 才會引發出整定的結果. 如果自己沒有行動, 就使是整定了, 也不會產生該結果.  發表於 2018-8-15 10:03
"整定係自己, 唔係整定都係自己" 這句好玄呢~  發表於 2018-8-15 10:01
係我刻意求幸褔, 先會有幸褔, hahahahahaaaaa  發表於 2018-8-15 09:40
吓, 我篇野係想講, 整定係自己, 唔係整定都係自己喎.  發表於 2018-8-15 09:39
powergun 發表於 2018-8-15 10:17:29 |顯示全部樓層
alexkai
可否理解為: 即使是整定了, 但也要自己有所行動, 才會引發出整定的結果. 如果自己沒有行動, 就使是整定了, 也不會產生該結果.

應該係話如果你真命天子出現時, 你就會主動架啦, 你不主動, 佢都會主動, 如果唔係點會有結果?

點評

根爺有道理~ 但又想想, 如果雙方都不主動, 但有外力推波助瀾, 也有可能會成功呢~  發表於 2018-8-15 10:28
powergun 發表於 2018-8-15 10:32:01 |顯示全部樓層
alexkai
根爺有道理~ 但又想想, 如果雙方都不主動, 但有外力推波助瀾, 也有可能會成功呢~  

是的, 總會有野會令你地會成功係埋一齊的, 呢d 就係命運, 唔係咁易講得明, 但緣定三生就係咁解的
icesea 發表於 2018-8-15 11:23:36 |顯示全部樓層
本帖最後由 icesea 於 2018-8-15 17:03 編輯
jellyfishy 發表於 2018-8-15 09:08
關於命理, 閒來都有用我的占星知識跟研八字的朋友分享. 我信人有命運, 但唔信批命, 好多時同個案講解了凡 ...


你篇文好長!

其實我都對命理有研究,不同的算命方法中「鐵板神數」、「梅花易數」、「奇門遁甲」等本質是中國一種古代遊戲,名叫「射覆」,猜者(射者)提問題,藏者只回答是或不是,一般會算你六親生肖、職業、過去的事都超準,因為答案已經從你回答是或不是中知道答案,但它是一種遊戲不是算命,如同西方用相同手法,永遠知道你拿了那一張撲克牌!

不過「八字」和「紫微斗數」才是命算的一種,在古代可說是很準,因為古代選擇不多,例如女人不是結婚就是守寡,或是唔嫁。但現代是選擇太多,變數也多!

命好不好,其實都是看當時人的怎樣看待, jellyfishy說的婚姻命,表面的確是不好,現實也是丈夫沒有正職,做妻要涯自己攪掂自己,如果你是抱怨,或換着不少女人,的確可能一早選擇離婚。但你選擇接受,反而找到另一種幸福,對你來說,這個婚姻命就變成好命!

但我的命,反而怎樣算多數都叫作「好命」,因為師傅算我雖然不會發達,但我一定不會涯窮,平平穩穩可安過晚年,但現實的我一直都覺得命不好,平平穩穩本是好的,起碼你永遠應該不會被命運打入谷低,但如果你是不滿足這不上不下的人生,那麼看,都覺得是不好的命!

又例如,認識一個人,他算命,子女宮明明最旺盛的,但他沒有結婚,也沒有子女,子女的福份在現實中,他受很多學生愛戴。
父母宮也對應上司和老闆
兄弟宮也對應朋友和同事
子女宮也對應入室門生或養子
所以這命也是算得沒有錯的,如果這個人是抱怨沒有親生子,那麼好命都會變成不好命!

算命中也算出你的性格,性格決定了命運也是真的。
以前認識有一個人,最愛「擺人上枱」,例如明知道A君不會去某些地方,約他時就會說:「如果A君去,我都去!」其實大家都明知道A君不會去,即是暗示你不會去囉!可必借A君的名義說「不」!
如果你的性格已經選擇了不做某些事,那麼某些事就必然不會發生。如果某人性格是愛冒險,那麼這個人的命運就一定會面對不安穩的人生。

到最後,命運和你的「選擇」因果有關!命運好像是必然;必然也像似命運!
powergun 發表於 2018-8-15 11:38:50 |顯示全部樓層
本帖最後由 powergun 於 2018-8-15 11:54 編輯
icesea 發表於 2018-8-15 11:23
你篇文好長!

其實我都對命理有研究,不同的算命方法中「鐵板神數」、「梅花易數」、「奇門遁甲」等本質 ...


你呢篇都好長, 但人的命運可以計算的嗎? 當然唔可能的, 最低限度以人類現水平係不可能計算到的, 只有造物主至得的, 呢個世界確實是有命運, 唔係人至有, 任何一件物件都有, 死物都有的, 有來就有去, 有生就有死, 呢個宇宙都有滅亡的一天的, 跟本就唔使計, 既來之則安之就得
Sumbie 發表於 2018-8-15 12:40:51 來自手機 |顯示全部樓層
本帖最後由 Sumbie 於 2018-8-15 12:51 編輯

大家都寫得好長篇啊!

我覺得算命都幾準確,好多野都算準左,當然選擇係自己的,我覺得算命主要都係計算機會率,好似幾個師傅都話我到邊一年會離婚,真係到嗰一年突然間有啲事發生令我好想離婚! !主要系因為嗰一年我老公對我好多批評,我都係想煮個飯,佢又話我啲嘢難食,樣樣事對我諸多批評,我忍得好辛苦!不過路係自己行,最後我哋都一齊面對左最困難的時候,結果咁多年後咪又係一齊冇離婚!所以我一路相信算命都係講機會率,點樣面對困難就真係個人選擇!有啲人可以好消極面對,離婚咪離婚囉!有啲人可以積極面對,克服困難!所以命理嘅嘢都係只供參考!

我亦都相信八字呢啲好多時候都係根據人的性格取向去預測。好似我師傅批我自己搵工會比較困難,所以預測我做的工作都係人哋主動搵我。呢個咁多年都好準確,我每一份工都係主動有人搵我做(不是agent)、前老細挖角、內部調職⋯⋯反而我主動搵工,就算做到,自己都自自然然做幾個月就轉工!我諗呢個係同我性格有關。感情呢啲嘢我諗都係同樣道理。

所以現在我都唔會再去算命,以前主要都係想更加了解自己,根據自己性格弱點去改變自己,積極面對困難,我諗呢啲就係所謂的趨吉避凶!做人積極係好緊要㗎 !
Sumbie 發表於 2018-8-15 12:57:15 來自手機 |顯示全部樓層
powergun 發表於 2018-8-15 10:17
應該係話如果你真命天子出現時, 你就會主動架啦, 你不主動, 佢都會主動, 如果唔係點會有結果?  ...


我覺得冥冥中自由安排!我同我老公拍拖時候曾經分手,大家冇聯絡一排,其實我都冇諗住搵佢,點知錯手send咗個message俾佢,佢就約我出來,之後大家就一齊返!最搞笑就係之前佢同我分手的其中一個原因係佢之前拎我個八字搵師傅睇,點知話我黑佢全家,會令到佢父母雙亡!佢好孝順所以⋯⋯到師傅推算我哋緣份到的時候,佢突然發現原來比錯八字 所以都係果句,要等待時機成熟!好多野都係整定的!
您需要登錄後才可以回帖 登錄 | 註冊

本版積分規則

一級花友
  • 25

    主題

  • 414

    貼文

  • 0

    FANS

花友的新貼文

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.