首先樓主要拋棄舊既植料重新種植，因為舊果d可能已經有菌，避免反覆感染，所以最好唔要～
然後買個新既花盆，我覺得呢種原先種蝴蝶蘭既膠盆唔好用，又不能好好站立，買個硬身既花盆，底部要超多孔（我的膠花盆是像無底的一樣，網狀）～
然後買新既炭粒，加唔加生物環除你喜歡啦！生物環係養金魚用既濾材，可以在魚街或金魚舖買到，用之前洗下就得，我覺得加左保水力好d，我既比例係炭粒3：1生物環混合～
材料準備好後，剪左蘭花d爛根，之後直接用水喉水沖洗乾淨d蘭花既莖下發黑同根部，現在蘭花的根是濕的，然後用洗乾淨的花盆直接把蘭花上盆，放入混合的炭粒連炭粉及生物環從蘭花的根部四周圍放入植料，填滿個花盆，咁d根濕就會令d炭粉黏住在根上面，不要淋水，由得d炭粉吸著根部，因為炭有吸附同殺菌的作用，期望殺左根上同莖部發黑有菌的地方，然後靜放48小時（2日），之後用一個大盆盛水，把有病的蘭花花盆浸在水裡面，水位岩岩到花盆的植料的表面左右，浸2小時，可能放入水既時候會見到有啡色液體從花盆底部流出清水，這是生病的蘭花有的液體，健康的蘭花入水同出水都是水清，由盆花浸完時間之後垂直拎起及垂直放回水中（即上下移動花盆），令污糟水同炭粉流出花盆，然後再用清水由花盆上有植料的位置，倒下清水再一次清洗花盆內的植料，完成～ 建議在花盆底加個底盆，加石仔或生物環，在底盆加水，水不能超過石仔的高度，而且留意不能比蘭根直接掂到水，就可以增加濕度～
跟住唔洗加番d炭粉，直接就咁種植，隔幾日蘭花的植料乾哂（最好留意底盆無水就加多1-2次水之後），再次用浸盆既方式淋花，極可能第2次都仲有啡色液體流出來，再上下移動花盆，過清d啡色液體，再用清水過多次水，又放幾日再浸盆，可能第3次浸盆就無左d啡色液體流出來，我就是這樣，然後蘭花就好番了！
|
顯身卡
