蝴蝶蘭竭斑病

夏天才剛剛開始已經出事了， 還以為今年可以順利過渡，可能是我太天真。

請問這是竭斑病嗎？ 可否教教我應該如何處理？謝謝各位！





這是買返嚟還不夠兩個月的蝴蝶蘭， 第一塊葉的切口不是我切的，本來就有。 其實關唔關事？下次唔敢買有切口的花了。

天氣熱,水噴到葉都有可能出現

viedoo 發表於 2018-6-1 08:26
天氣熱,水噴到葉都有可能出現

多謝回覆，但看來情況不是這麼樂觀。今朝睇番有啲地方凹曬， 今朝趕住返工冇影相，晏啲補番。 我最怕係病毒，因為聽講病毒係冇得醫嘅，一定要銷毀。 不過還好，只來到我家兩個月，沒有感情，只是肉赤， 荷包有點痛。

補幾張相，是病毒嗎？ 還是菌或者焗親呢？ 尋晚發現已經隔離了

GP01-Fb 發表於 2018-6-1 17:45
補幾張相，是病毒嗎？ 還是菌或者焗親呢？ 尋晚發現已經隔離了

做下殺菌先，如果無擴大惡化軟腐葉片可保留，最重要係通風，如果無乜風到要加風扇仔吹下，吹到佢輕輕攞動葉片就成。

我通常有乜嘢事都會用百菌清噴下先。touchwood 暫時多數都會好轉

應該中菌，葉片冇得保留，邊塊有剪邊塊，剪深啲，只要唔死，葉可以生番，中菌二、三日內可以全感染全株。剪清再殺菌，唔好曬，通風，唔太濕，乾透才淋水。

多謝咁多位回覆， 其實我尋晚就應該剪葉，但係有少少貪心，想睇清楚啲，想學下嘢。 因為軟腐病我見過，葉片是軟的。但這次葉片是硬的，有點像書上所說的歇斑病，也有點像病毒， 所以想 趁呢個機會睇清楚啲，不過而家剪㗎喇，如果唔係救唔返㗎啦。 多謝咁多位，希望之後無事。

收回來的病株，狠心剪了病葉！再全株用百菌清！

其實我冇百菌清，苦楝油係咪唔夠勁？聽日去日本城買支花寶蘭花殺菌液得唔得？

GP01-Fb 發表於 2018-6-1 21:34
其實我冇百菌清，苦楝油係咪唔夠勁？聽日去日本城買支花寶蘭花殺菌液得唔得？ ...

我記得好似係陳X記老闆同我講過， 三x苦楝油其實真正嘅成份好少，我之前每次用的份量都要好多，好快用完（我用於其他植物）。後來買咗呢個，好似強勁一啲！不過當然就貴啲

Sumbie 發表於 2018-6-1 21:50
我記得好似係陳X記老闆同我講過， 三x苦楝油其實真正嘅成份好少，我之前每次用的份量都要好多，好快用完 ...

多謝介紹，等我下次留意下。 屋企附近買唔到百菌清， 都係聽日去日本城買支X寳殺菌藥頂住先。 之前因為屋企有小朋友，一直都唔想用農藥， 不過而家小朋友開始大，安心啲。

看圖應該是曬傷或高熱影响,引致霉菌入侵,要時刻留意剪口有沒有結焦,若未,就要再往下剪,若想消毒,可嘗試用火酒,但要小心,要即噴即浸水。

GP01-Fb 發表於 2018-6-1 21:34
其實我冇百菌清，苦楝油係咪唔夠勁？聽日去日本城買支花寶蘭花殺菌液得唔得？ ...

其實苦楝油唔錯，我都用緊，殺蟲菌都得。

Penwong 發表於 2018-6-2 07:13
其實苦楝油唔錯，我都用緊，殺蟲菌都得。

係呀，尤其是佢比較低毒。 你知啦，開藥都係去廁所或者廚房。喺正屋企人啲牙刷旁邊開，始終有啲擔心。

同埋苦練油好似係防蟲為主，然後也可以殺真菌 ，但好似不能殺細菌。有時都唔知自己啲花係邊種病。

屋企有貓貓，防蟲用護花神，暫時不錯，初春噴過一次，而家都無蟲

GP01-Fb 發表於 2018-6-2 07:53
係呀，尤其是佢比較低毒。 你知啦，開藥都係去廁所或者廚房。喺正屋企人啲牙刷旁邊開，始終有啲擔心。

...

Neem oil 其實係殺菌、病毒、真菌，其實本身我係用來做居家必備的良藥，自己皮膚有事都會用佢！不過我唔知道農業用的純度有幾高，所以我主要都係用冷壓天然的，好多地方都有得買

GP01-Fb 發表於 2018-6-2 07:53
係呀，尤其是佢比較低毒。 你知啦，開藥都係去廁所或者廚房。喺正屋企人啲牙刷旁邊開，始終有啲擔心。

...

唔好係廚房攪啦, 太近食物既地方唔係幾好. 有冇露台或者浴缸企缸之類既地方呢?

nightscrawler 發表於 2018-6-11 11:26
唔好係廚房攪啦, 太近食物既地方唔係幾好. 有冇露台或者浴缸企缸之類既地方呢? ...

我本來已經擔心，畀你咁講一講仲驚，哈哈。
你講得啱，都係唔好喺廚房攪， 好彩我最毒都係苦楝油。
這幾天剛好在研究以稀釋雙氧水殺菌，唔知是否可行。

GP01-Fb 發表於 2018-6-11 11:41
我本來已經擔心，畀你咁講一講仲驚，哈哈。
你講得啱，都係唔好喺廚房攪， 好彩我最毒都係苦楝油。
這幾 ...

雙氧水殺菌應該OK喎, 見外國youtube啲影片, 有唔少外國人用, 我自己就未試過