請問這個溫度適宜種甚麼蘭花?

今日咁岩響屋企工作，剛剛出去睇，氣溫37度，濕度45 !搞到我想淘寶搵太陽能風扇！

個人愚見， 遮光可能是一個好方法。

跟你分享一些我個人認為有用的文章：
蘭花二三事47：蘭花栽培注意要領

蘭花二三事34：蘭花栽培場所注意事項(一)

蘭花二三事34：蘭花栽培場所注意事項(二)

GP01-Fb 發表於 2018-5-30 13:40
個人愚見， 遮光可能是一個好方法。

跟你分享一些我個人認為有用的文章：

已遮光，隔熱頂，仍然是35度。只有上午及正午陽光，環境因素冇計

Sumbie 發表於 2018-5-30 15:23
已遮光，隔熱頂，仍然是35度。只有上午及正午陽光，環境因素冇計

咁就真係冇計。 不過算啦，盡力而為，世事豈能盡如人意，反正仲有好多品種可以適應這種環境。

GP01-Fb 發表於 2018-5-30 15:46
咁就真係冇計。 不過算啦，盡力而為，世事豈能盡如人意，反正仲有好多品種可以適應這種環境。 ...

不過萬x園王太話佢嗰度最近都成40度！我相信蘭花都應該可以適應到！

Sumbie 發表於 2018-5-30 20:09
不過萬x園王太話佢嗰度最近都成40度！我相信蘭花都應該可以適應到！ ...

精華版兩篇關於萬x園的文章我看了很多很多次，受益很大， 但可惜一直沒有機會到萬x園參觀， 希望可以盡快去見識見識。

想請問一下， 以你所見，當地真的是氣溫超過40度嗎？ 因為40度比人體溫度更高，所以應該摸到任何東西都市辣手的，請問情況是這樣嗎？ 還是只是空氣達到40度，但經過噴水或各方面的降溫方法之後，蘭花或植料不會這麼高溫呢？ 有疑問因為，很難想像蘭花長期在40度的植料中生長。

GP01-Fb 發表於 2018-5-29 14:59
我琴日露台有幾個小時溫度去到45度(因為係冷氣出風位)， 當然係非常之唔理想啦， 但係都仲叫ok，所以自己認 ...

我見到淘寶有太陽能風扇，今日買一個睇吓得唔得！其實我種花位置都通風，我透過視像鏡頭見到掛起的盆都有移動，不過今年我想再通風多啲

Sumbie 發表於 2018-5-31 12:32
我見到淘寶有太陽能風扇，今日買一個睇吓得唔得！其實我種花位置都通風，我透過視像鏡頭見到掛起的盆都有 ...

咁啱嘅？太陽能風扇我都試過， 可惜我嗰度我唔夠太陽大部分時間都推唔旭把風扇。
我得閒都會用視像鏡頭睇下屋企啲花， 雖然唔知有乜咁好睇，不過睇下都開心。

基本控水做得好就唔駛咁驚~
好多植物適應能力都好強, 太熱識休眠,冇事O既

以前啱啱種野跟足書咁做,而家學識唔理佢有時仲好

GP01-Fb 發表於 2018-5-31 12:49
咁啱嘅？太陽能風扇我都試過， 可惜我嗰度我唔夠太陽大部分時間都推唔旭把風扇。
我得閒都會用視像鏡頭睇 ...

咁好笑！我剛剛先至睇完！我真係有個鏡頭對住啲花㗎 ！你同我真係好似！我嗰度好好太陽，已經安裝太陽能燈，都可以捱到一晚，所以我相信風扇應該可以

lppl 發表於 2018-5-31 12:58
基本控水做得好就唔駛咁驚~
好多植物適應能力都好強, 太熱識休眠,冇事O既

其實我自己都想喺嗰度涼D！因為次次搞完啲花花之後都成身大汗！

天氣只會一年比一年熱!
適者生存！

Sumbie 發表於 2018-5-31 13:16
其實我自己都想喺嗰度涼D！因為次次搞完啲花花之後都成身大汗！

一係學燒烤場咁, 裝噴霧系統,降幾度冇難度~ 又可以加濕
自己DIY 用條膠水喉整幾個窿應該得,或者買幾個加濕器夠做.

W88 發表於 2018-5-31 14:31
天氣只會一年比一年熱! <span class="emoji emoji1f602"></span>
適者生存！

係呀，早兩日報紙好似講今年會比較熱。

其實好多人有一種錯覺,以為蘭花夏天易死,係因為熱死,除了一部份品種原生地在寒温帶不適應外,好大部份是日常管理出問題,大多數是近黃昏大澆,日日如是,日間植料水份急速蒸發及氣化,溫差會超過 10 度,植株細胞充滿的水份,因高溫而膨脹,較嫩的細胞壁會破裂而受霉菌感染,最終是爤根爤芽。個人做法是傍晚噴水於植料面,一星期才大澆一次,沖去植料霉菌,高濃度細胞液除可抗熱外,亦可抵冷。

也知道夏天應該控水，但如何才算適中， 很難掌握。

有一次在夏天幫蘭花換水苔，在拆舊水苔的時候發覺在盆中心的水苔是熱辣辣的，難怪會爛根。 由於我的種植環境特殊，所以之後我都唔敢再用水苔了。 換成比較快乾的材料，就是希望在天熱時水分較少，免得焗親，不過現在淋花已經覺得很吃力， 所以凡事都有兩面。

除了控水， 有人說夏天不要施肥， 但另外有些人說夏天要少用氮肥多施鉀肥， 免得葉片生得太快而薄，容易生病。 在試驗中。

而今年也開始嘗試定期用苦楝油殺菌， 希望也有幫助。

LONGLIFE 發表於 2018-5-31 19:58
其實好多人有一種錯覺,以為蘭花夏天易死,係因為熱死,除了一部份品種原生地在寒温帶不適應外,好大部份是日常 ...

我現在是隔天噴水，每兩天就浸一次，因為植料全乾！好的！等我學下你的方法！

個人覺得,施肥殺蟲菌是一門高深藝術,要互不影响,是有一定難度,光合作用是植物製造養份的方法,氮肥影响葉綠素,鉀肥影哬根吸水,每種元素的不同比例,會影哬光合作用的速率,可以好複雜。而施農藥,就要看清楚目標,如介殻蟲有殻保護,宜選含酒精成份農藥,先破壞甲殻表面之角質鈉,然後再殺,如蓟馬以植株汁液為生,可以用含毒性的油性乳白剤,先令植株中毒,再間接殺蟲。

GP01-Fb 發表於 2018-5-31 08:10
精華版兩篇關於萬x園的文章我看了很多很多次，受益很大， 但可惜一直沒有機會到萬x園參觀， 希望可以盡快 ...

我去當天沒有40度，因為已近黃昏。王太話最惡劣的情況有40度，我估計我去那天33至34左右。

lppl 發表於 2018-5-31 14:34
一係學燒烤場咁, 裝噴霧系統,降幾度冇難度~ 又可以加濕
自己DIY 用條膠水喉整幾個窿應該得,或者買幾個加 ...

我整咗，非常方便！不過用膠水後吉幾個窿係唔得，因為咁樣只會噴水唔係噴霧。我就響淘寶買咗幾十蚊嘅套裝，最好用金屬頭，唔好用膠頭，金屬會比較似噴霧同埋耐用。我有個朋友用膠，慢慢啲水珠越來越大。石胡花友話最好買日本膠喉，會更耐用。不過我試下大6嘢先，有機會再更換。