AV種植經驗分享

不知不覺種死咗好多AV，想和大家分享一下點樣可以冇咁容易種死
以下全部都是我自己用緊的方法


插葉: 我會把葉莖短餘下1CM(很短, 葉莖越短越快出苗), 直接插泥, 長出小苗後可以先把母葉剪走, 但不要把小苗拔出，直到小苗足夠大才拔出分盆


花盆: 用呢類花盆，啲泥唔會時乾時濕，長期保持在一個濕度，啲根唔死，棵花會生得壯啲，但必需留意，水位一定要底過泥，否則會爛根死。大概兩三星期淋水一次(方便自己放假)。



泥(科學泥+大粒蛭石+緩釋肥+小紫藥): 用自動吸水花盆濕度會比一般高，所以泥要溝大量疏水透氣的植料，例如: 大粒蛭石、陶粒、多肉土等。另外，我一定會加奧綠肥 A5 顆粒緩釋肥, 小紫藥(內吸殺蟲劑, 是我用過最最最最好的殺蟲劑)。另外，最好一年換泥一次, 順便修剪老葉。
小紫藥是我用過最好的殺蟲劑, 唯一的缺點是不能吃.
AV是很容易有蟲害的, 不論是看到/看不到的蟲, 最常見是棉花蟲、蟎蟲, 中咗你未必會知道, 只是覺得啲葉唔靚, 唔大, 唔開花, 有可能一直唔死, 但已經冇觀賞價值.
殺蟲/防蟲對AV來說是必需的, 唔多唔少都會有啲蟲仔係你身邊(隔離同事啲花), 千萬不要等到出事先搵殺蟲劑, 到時要種返靚棵AV隨時等幾年.
小紫藥是內吸式殺蟲劑, 詳細可以google一下, 大概是殺蟲劑會被植物吸收, 蟲仔食咗會死.






施肥: 長期在水裡添加，份量要少，大概1奶茶匙羹兌2升水



淋水: 淋在盆底, 肥料預先加在水裡一起淋, 不可以水浸泥


陽光: 越晒越多花, 但必需冷氣房


溫度: 長年冷氣房, 星期六日冇冷氣一兩天是可以的


以下是少少成品...

多謝分享！ 種得好爆花好靚！
睇來我都要學淘一啲花盆來種

全部入手 買買買

好感謝大大分享

感謝分享

ＷＡ．．．真係唔知有咁多唔同植料同用品呀．．．要入手．．

Cyhui 發表於 2018-5-14 17:40
感謝分享

我有好多花都係你送架，我多謝你先真

謝謝分享經驗！

最近都買咗特小號吸水盆，個人覺得啱標準型AV, 迷你或半迷你會太大。

ET0404 發表於 2018-5-14 20:07
謝謝分享經驗！

最近都買咗特小號吸水盆，個人覺得啱標準型AV, 迷你或半迷你會太大。 ...

早幾年我都係用特小號嘅花盆，但係棵花越來越大，搞到頭重腳輕，成日跌，終於都係換中號盆。換中盆會好好多，啲根多咗位生。最緊要係好耐都唔使淋水，一般兩三個星期先淋一次。

可否講解多一啲小紫藥的功效與用法,例如可否殺死棉花蟲,,,,等等

tongtony 發表於 2018-5-14 20:49
可否講解多一啲小紫藥的功效與用法,例如可否殺死棉花蟲,,,,等等

小紫藥針對所有蟲，棉花蟲、蚜蟲、蟎蟲、蚊之仔一律殺，可以在開盆時預先和泥溝在一起，或埋在泥土裏。份量大概一盆花一奶茶匙羹。只需要用一次，基本上永遠有效。
用咗之後，棵花會非常強壯，啲葉唔會因爲有蟲而變畸形。

eratochoi 發表於 2018-5-14 20:25
早幾年我都係用特小號嘅花盆，但係棵花越來越大，搞到頭重腳輕，成日跌，終於都係換中號盆。換中盆會好好 ...

我都係為旅行準備

請問你會淋水定係加水喺底盆等佢自己吸？

ET0404 發表於 2018-5-14 20:58
我都係為旅行準備

請問你會淋水定係加水喺底盆等佢自己吸？

加水在盆底，水位一定要底過泥，水浸泥會爛根

非常有用的分享，樓主講解得好詳細

謝謝分享。
特特別對小紫药感興趣，不知能否用在蘭花上，每次淋水會否融解葯物？遲啲淘開東西淘啲番來試下

taxitang 發表於 2018-5-14 21:58
謝謝分享。
特特別對小紫药感興趣，不知能否用在蘭花上，每次淋水會否融解葯物？遲啲淘開東西淘啲番來試下 ...

我估計可以用係蘭花身上。埋在植料裡，會慢慢釋放藥效。如果更換植料時，再重新放一次藥。用過之後你會看到分別。
其實花墟有得買，好似唔係叫小紫藥，但都是紫色的沙狀物，好細罇，我估計有10克左右吧，大概$30。

eratochoi 發表於 2018-5-14 22:07
我估計可以用係蘭花身上。埋在植料裡，會慢慢釋放藥效。如果更換植料時，再重新放一次藥。用過之後你會看 ...

我住北區又要開工，淘寶方便過花墟。

好有用～謝謝分享～ 我都對小紫藥有興趣，要去淘下先 ^^

Lavendercandy 發表於 2018-5-14 22:24
好有用～謝謝分享～ 我都對小紫藥有興趣，要去淘下先 ^^

試下啦，但千萬不要用在食物。

eratochoi 發表於 2018-5-14 22:26
試下啦，但千萬不要用在食物。

小紫藥係咪等於好年冬呢？