求討論！大家用甚麼盆來種肉？

想八卦吓大家都用甚麼花盆來種多肉？陶盆、膠盆、水泥、玻璃、鐵罐或是雞蛋？

大盆子，中盆子，小盆子，那種比較多人使用？

我先拋磚引玉，說說我的用盆偏好，希望花友們也來分享在香港種肉的用盆心得。

我現在的窗台多肉多數使用紫砂盆和水泥盆，多肉們都住得狀態良好。這種材質都透氣度高，特別是紫砂盆用了很久，從未悶到多肉，反而是有時透氣太好，多肉缺水哈哈。好比說是寛口扁身的盆子，試過種下的多肉太少，結果乾得過分快，害新玉綴差點兒仙去也。


以前試過用汽水罐大小的玻璃器皿種多肉，但太深太焗了。那怕全用顆粒土，底層也超快有水氣，所以放棄了。最近在Daiso看到有竹製的彩色花盆，寛8cm高7cm底6cm，12蚊3個。未用過這個材質，但應該足夠透氣，尺寸和我平常用的差不多。


我現有的花盆盆口寛5cm - 8cm不等，平均高5cm。尺寸不大，特點是乾得快，不用擔心出現果凍死。

另外，我心思思諗緊好唔好買某寶9蚊幾個既6cm拇指盆，小小的很可愛很想要！大小和我用宜記多肉附上的小膠盆拼盤差不多，管理應該不會太難吧？（說服自己去買買買～）

個人試過＆覺得Daiso竹盆比想像中比較不透氣，泥土很難乾，跟膠盆差不多，請注意～

手頭有乜就用，循環再用。

阿唯小Ken 發表於 2018-5-6 16:40
個人試過＆覺得Daiso竹盆比想像中比較不透氣，泥土很難乾，跟膠盆差不多，請注意～ ...

收到～ 咁上盆時我試試種密啲，希望多肉多啲會令飲水速度加快吧

石胡 發表於 2018-5-6 17:13
手頭有乜就用，循環再用。

哈囉石胡，循環再用係指膠杯膠盆之類的嗎？

Elizalyt 發表於 2018-5-6 18:01
哈囉石胡，循環再用係指膠杯膠盆之類的嗎？

嘻嘻，除舊盆外，我都有用膠杯膠盆㗎...

我以前用過拇指盆＋粿粒土，悶熱天氣時都試過焗死玉露BB，最後都係用番紅陶盆

個人都係環保，膠樽膠盒乜都cut左佢黎用

Btw你啲鹿角海棠幾靚! 我種極都係皺皺地

請問Daiso竹製盆即係邊到買呢? 謝謝!

s011143011997 發表於 2018-5-6 20:36
請問Daiso竹製盆即係邊到買呢? 謝謝!

各大Living PLAZA by AEON 12蚊店有售

我個人比較貪靚，全用淘回來的紫砂盆種。

calvinlor 發表於 2018-5-6 18:58
我以前用過拇指盆＋粿粒土，悶熱天氣時都試過焗死玉露BB，最後都係用番紅陶盆 ...

BB都焗得死… 你有冇出動風扇仔呀？

s011143011997 發表於 2018-5-6 20:01
個人都係環保，膠樽膠盒乜都cut左佢黎用<span class="emoji emoji1f602"></span><span class="emoji emoji1f602"></span>

Btw你啲鹿角海棠幾靚!  ...

我啲鹿角海棠宜家重服盆緊，只得新葉肥，下葉仍然皺皺地

用藤籃會通氣D?

Elizalyt 發表於 2018-5-7 09:22
BB都焗得死… 你有冇出動風扇仔呀？

因為我D BB連根都冇, 所以好容易焗死, 我冇開風扇呀, 因為我放露台的.

calvinlor 發表於 2018-5-7 10:02
因為我D BB連根都冇, 所以好容易焗死, 我冇開風扇呀, 因為我放露台的.

露台正呀，我都好想有個露台 我啲多肉一到夏天澆水時我都是晚上澆水，然後配搭usb小風扇吹一晚，第二朝收小風扇。

雖然我沒養過玉露，但多肉小苗澆水少量多餐比一次澆透好。小苗冇根，唔識飲水 我粒棒葉不死鳥苗都係咁樣養，一見下葉皺就俾啲啲水，確保唔乾死就ok

Elizalyt 發表於 2018-5-7 12:00
露台正呀，我都好想有個露台 我啲多肉一到夏天澆水時我都是晚上澆水，然後配搭usb小風扇吹 ...

我屋企個露台因為冇風到, 天氣悶熱時都會好濕好焗, 那時我都會收番係屋企開風扇降溫

我用迷你花盆（拇指盆），或者環保一點的一次性食物膠盒（迷你的啫哩膠杯）！
因為我的多肉植物全部都是迷你版！

icesea 發表於 2018-5-7 16:15
我用迷你花盆（拇指盆），或者環保一點的一次性食物膠盒（迷你的啫哩膠杯）！
因為我的多肉植物全部都是迷 ...

迷你肉我鍾意哈哈！我家既多肉都係小小肉（除左千佛手係大大肉）icesea你有拇指盆種肉既相嗎？我都想下次換盆時改成拇指盆呀～ 想參考參考

好羡慕有紫砂盆用! 好靚呀，我一直都好想要但冇錢錢，肉肉太多啦。都係用膠盆多，紅陶都嫌貴
膠盆露養成效唔錯呀
有試過環保啲重用膠盆膠盒，但爆曬下唔係頂到好耐
用過姆指盆，基本要成日淋水/坐盆先夠水，室內養還好啦，用黎控型其實唔錯