本帖最後由 Brev 於 2019-2-21 22:46 編輯
等我又獻吓醜
其實全水苔種,只要觀察水苔狀況,乾水先淋,蘭花就可以長得唔錯,當然花盆要揀透氣,例如瓦盆或淺盆(我近期用水植兜種),等淋水後快啲乾。(圖一係十二月換盆嘅風蘭,水苔種,都係乾透先淋水,依家開始出根。圖二、三係我棵蝴蝶蘭,水植兜種,全水苔,上兩星期回暖就長花。圖四係名護,用風蘭盆同樹皮種,換盆後兩個月啲根就生實咗,不過因為易乾,我每三、四日就淋透水)
其實平日透過觀察,掌握到蘭花需求嘅節奏,佢地就會生得唔錯。我啲花以前種天台,不過我十幾年前上樓後,環境唔同咗,我都用咗幾年去從新掌握全室內種蘭花嘅方法,不過我啲嘉仔就因為陽光唔夠,已經好多年冇開過花。當然,期待都係養蘭嘅樂趣之一 (最後圖係我種咗差不多廿年的嘉仔,轉咗環境後枯淨2枝,救得返,依家生得唔錯,但就係唔開花) |