石子的多肉露養記

yunge0 發表於 2018-9-11 18:26
仙人球大大粒好靚啊! 我覺得仙人球好過種景天。

係好粗生呀，不過我其實唔太鐘意好刺手。細細粒時刺仲軟軟咁好得意，大咗就好鬼硬
有冇興趣接收一兩粒？

little_stone 發表於 2018-9-14 19:19
謝謝欣賞

用長生草換你多餘既仙人球？

菜妹 發表於 2018-9-15 01:55
用長生草換你多餘既仙人球？

都好呀，我好似冇種過長生草屬
但我要太子交收，你ok嗎？
我手上嘅仙人球有：銀手指、白鎢帽子、金鎢帽子、膨珊瑚、玉翁、金星、金琥（不確定係唔係啱名）、蛇麗丸 （不確定係唔係啱名）。
之前大雨高砂仙遊啦

little_stone 發表於 2018-9-14 19:22
係好粗生呀，不過我其實唔太鐘意好刺手。細細粒時刺仲軟軟咁好得意，大咗就好鬼硬
有冇興趣 ...

好呀！pm約你

嘩！你d肉愈來愈靚呀
早排天氣涼左，我d肉即刻勁生..
你比我果個仙人掌類都生得好快！有三粒新肉.佢變左兔仔咁好得意呀
但波尼亞就無咩反應.唔知係味我個碰碰草吸哂佢d營養

ssyiyiss 發表於 2018-9-15 20:22
嘩！你d肉愈來愈靚呀<span class="emoji emoji1f60d"></span>
早排天氣涼左，我d肉即刻勁生..
你比我果個仙人掌類都生得好快！ ...

波尼亞，碰碰香都喜水，可以多淋水啊

樓主姐姐係肉肉高手，好羡慕

ivyman1688 發表於 2018-9-20 06:47
樓主姐姐係肉肉高手，好羡慕

謝謝讚賞呀
但高手呢種稱號就唔敢當啦
今個夏天都死左好多盆，仲有好多嘢要學，好多經驗值要儲

little_stone 發表於 2018-9-14 19:22
係好粗生呀，不過我其實唔太鐘意好刺手。細細粒時刺仲軟軟咁好得意，大咗就好鬼硬
有冇興趣 ...

順利接收仙人球, 佢地很可愛, 多謝你!

yunge0 發表於 2018-9-22 17:59
順利接收仙人球, 佢地很可愛, 多謝你!

可以替仙人球搵到欣賞佢地嘅主人，我都好開心
我平時真係完全冇理佢地，任由風吹雨打、烈日暴曬

中秋節快樂
今日返娘家食飯，趁未天黑，影返幾張靚相：


美杏錦


皮氏錦


荷花


特玉蓮


太陽花


子持蓮華


泰廸熊兔耳


福兔耳，都生多左對耳仔


金兔耳？？呢個係淘佬商家俾嘅名，但佢一啲都唔似兔耳家族。到手時俾我整甩咗兩塊葉，三個月後嘅而家終於生返出黎


花友 yunge0俾我嘅萬年草


就開花嘅魯氏

再祝多次各位花友中秋節快樂

魯氏好生養，等睇冬天靚樣

今日忙裡抽閒跑返西環探肉肉，數數下，原來大大細細夾夾埋埋都有超過100盆！

哇！估唔到呢一年黎買咗咁多
呢一年黎又要湊B又要種花，九龍港島兩邊跑，如果冇我媽嘅幫忙、支持同鼓勵，根本冇可能繼續。真係好感激媽媽
雖然天台有時真係好曬，但當遇著今日咁嘅好天氣，又見到啲肉肉肥美又飽滿，得到嘅成功感同治癒真係唔少
咁可愛嘅肉肉，邊到捨得唔養
就好似粒豆成日都好曳曳，但都唔捨得請工人去湊佢

little_stone 發表於 2018-3-25 07:06
歡迎根大光臨～ 係呀，光照一定夠️️️ ...

唔係話十天半月先淋一次水咩? 日日淋會唔會爛根?

sallylau 發表於 2018-10-25 10:40
唔係話十天半月先淋一次水咩? 日日淋會唔會爛根?

喺唔同環境、用唔同嘅介質種（泥土或砂石），以及種咩品種嘅多肉，對要幾日淋一次水都會有唔同要求。個人認為，「土乾則澆」會比較穩妥，除非你要控水控形而唔係想肉肉快高長大，或者肉肉正處於休眠期（如夏天嘅山地玫瑰、生石花）唔點吸水生長。

我當初新手時見到老公仔師兄個帖話佢啲多肉係每日淋水，都好驚訝，但而家露養肉肉差不多一年半，明白到有啲環境下養肉係要每日淋水。

其實上過我天台就知，一出太陽可以勁曬，風大時水份又揮發得好快，想啲肉肉夠水生長，而又唔想水份積喺土入面 （因為日出後水氣分分鐘會蒸爛葉片），每日黃昏時淋水係必需嘅，尤其對玉露十二卷黎講。

我前面嘅帖都有提到，配土主要用粗棵粒加少量椰糠，咁樣水份停留喺介質嘅時間較短，旁晚淋，第二朝都差不多乾透。我媽成日話一淋水，大部分水就咁流走哂，但只有咁先可以確保肉肉每日有新鮮水飲嘛

天台露養嘅環境下，如果十日八日先淋一次，對冇休眠嘅肉肉黎講消耗會太大，輕則長唔大，重則缺水枯死。
個人經驗，希望有解答到你嘅疑惑

交下功課先：

師姐菜妹送嘅長生草 （左邊四粒），好快就服盆，有啲已經開始上色


都係師姐送嘅塔松、球松，有一條枯咗，其他都適應良好


花友yueng0送嘅萬年草，越生越多


近日又入咗好多新貨，忙住洗根上盆，都未有時間影相，有機會再喺度分享

淘肉淘咗一年咁啦，成日想試試淘一筐 (根本係購物狂，上哂隱)，早排終於試咗啦！


淘咗好幾筐
洗根上盆上到傻咗


上面只係其中一半

我都算好彩，睇評論話有黑腐蟲患，我淘嗰幾筐so far都唔見

雖然多係砍頭苗，有曬傷、徒長等等，但咁嘅價錢有咁多品種真係好抵玩

little_stone 發表於 2018-11-6 14:55
交下功課先：

師姐菜妹送嘅長生草 （左邊四粒），好快就服盆，有啲已經開始上色

我百份百肯定此品種的萬年草是最好養的多肉植物, 所以我一直用細盤種, 避免長得太多。

little_stone 發表於 2018-11-9 17:36
淘肉淘咗一年咁啦，成日想試試淘一筐 (根本係購物狂，上哂隱)，早排終於試咗啦！

一次過買咁多, 要用許多石仔和多肉泥。請問石仔都是一併淘回來嗎？

yunge0 發表於 2018-11-13 08:40
一次過買咁多, 要用許多石仔和多肉泥。請問石仔都是一併淘回來嗎？

石仔我之前fun fun訂架