石子的多肉露養記

little_stone 發表於 2018-5-18 19:39
唔算好大啦 始終公家地方唔敢佔太多
期待師兄嘅第二基地[emoji ...

就快夏天，大戶要努力渡夏啊！

老公仔 發表於 2018-5-18 21:43
就快夏天，大戶要努力渡夏啊！

大家都加油
而家已經好熱啦，唔知夏天會熱成點

啱啱返咗娘家天台... 熱到呢，唔夠兩分鐘就閃咗
千佛手同紅色漿果啲底葉變黑，好似黑腐咁，但枝幹又好似冇事，咁熱費事掘啲根出黎睇啦
熱到相都冇心情影
千佛手粗生冇怕過，漿果換咗個位希望好啲，始終戶外，做咗遮陽已經盡咗人事，接住落黎就聽由天命囉
端午都未到就34度，唔知大小暑會幾度
除咗肉肉渡夏要小心，各位花友都要提防中暑呀！

今日好熱，話說真係唔想出街，老公都叫我「你冇事就唔好出去啦」，但我擔心啲肉肉嘛，就話「我去一陣就返，我怕佢地唔得掂」
於是我就急急腳返西環啦。衝上天台時，我仲預咗有啲肉咁熱可能有遮陽都頂唔順，好彩大家都仲健在






由上至下：乙女心、虹之玉、虹之玉錦、紅色漿果、紫米粒
露養嘅漿果比有遮陽嘅仲健康，可能係比較通風


特別護養區啲肉肉都幾好，就係子寶B 好鬼灰，我就帶返去屋企種。


最後，露養嘅生石花之前死下又一粒死下又一粒咁，今次一返到去就係睇佢地，仲以為冇事，點知走咗之後，睇返相先見到有粒正在死亡中...
好彩我走前有理冇理都將盆嘢放咗去下格。

三十幾度，都算係咁啦～ 就係唔知捱到幾耐..

總結，最唔得掂嘅係我啲網紋草，被我攞俾丫嫲種囉，我自己無論水種土培、室內露養，都係種極都種唔好

好熱～ 説好的陰雨天呢？點解仲係咁鬼曬嘅

露養尚算通風，暫時冇發現黑腐，but 又有粒生石花係化水邊緣 好幾棵肉都曬到發白，包括桃蛋，就黎曬到變白美人，然後白美人曬到就變焦

因為媽媽返鄉，而家呀爸負責淋水，問起佢先知佢一日淋兩次水，肉肉同媽媽種的香草、觀葉一齊淋
咁唯有叫佢一日淋一次好啦


暫時用黑布遮陰
日頭蓋住，夜晚收起。一星期後再觀察。辛苦我爸啦

而家解決遮陽，又擔心通風問題
好似魚與熊掌不可兼得咁

這兩星期真係曬得好誇張。

我家姬秋麗露養幾年都冇問題，今年竟然也曬傷 ....

xx_Luca 發表於 2018-6-6 23:52
這兩星期真係曬得好誇張。

我家姬秋麗露養幾年都冇問題，今年竟然也曬傷 ....

係呀，人係太陽底下都汗直流。上年夏天一定冇咁誇，如果唔係我嗰時大住肚肯定頂唔順
唔知落完雨會唔會好啲呢？

風雨過後，update 下：

1. 死咗兩棵淘佬贈品：粉蔓&桃花園雜
2. 遮雨嘅藍豆死咗，完全露養嘅藍豆竟然冇事。通風真係超重要
3. 生石花徒長咗好多
4. 好多盆有積水，今日冇時間細執，下星期要再觀察有冇黑腐









P.S. 離開咗先發覺，好多相都冇影到
我真係唔係習慣用相記錄嘅人，呢點有待改進

又黎update下～
踏出天台前嘅一照，在晴朗的一天出發


露養嘅兩棵肉，持續長大中：


薄雪，好顛，前一排先分咗半盆俾花友，而家又就爆盆：


露養嘅藍豆，狀態唔錯：


繼續露養區：

高空拍唔多覺，但除乙女心，虹之玉、虹之玉錦、紅色漿果、紫米粒都徒長...

特別護養區：

有啲小苗長大咗，有啲就死鬼咗

遮陰區：

靜夜之前有啲葉有化水發黑，但暫時無損植株，已發現新生長點


還好還好


不錯不錯


冇咩問題～


熊爪越養越黃，黃熊黎？

陰影區：


石石死淨種

報數：11棵

仲有啲放養喺半陰處嘅肉肉俾我忽略咗
仲有長期俾我忽視嘅仙人掌仙人球，i am so sorry
見唔見周圍都有呢啲小苗？因為附近嘅羅勒爆seed，散到周圍都係

今日又返去睇肉，黑腐咗一棵香水奶、一棵紫真珍 (竟然係徑腐，露養好少見徑腐)、兩棵石石 (真係一星期死一粒，作死)、山地玫瑰全軍長眠


真係連影都冇...

唉，今年入咗太多多肉，位置太迫，搞到成日淋到雨水... 要諗諗點樣可以真正阻隔水份先得

上返啲靚相先：


變返粉紅嘅桃蛋


秀妍


帶點粉嘅特玉蓮


魔爪


有花蕾嘅小和錦


開花嘅玉翁


玉翁上之不死鳥... 遠睇仲以為開咩花

整齊又美觀，景天度夏確考功夫。

taxitang 發表於 2018-7-2 16:20
整齊又美觀，景天度夏確考功夫。

謝謝大大賞肉
暫時都係多用粗顆粒土疏水，半遮陰

我又係生左bb 少左好多時間種肉
而家個女歲半 終於有返d時間

mikilovefan 發表於 2018-7-10 00:32
我又係生左bb 少左好多時間種肉
而家個女歲半 終於有返d時間

恭喜恭喜！我囡囡都七個月大啦
湊b 真係好鬼攰

以為係開花，原來係生b

又來 update 下：


淘返黎嘅雪精靈，大大棵，好快服盆，半遮陰下現出淡淡粉紫紅


曬到金黃嘅烏木，有一點點血斑


桃花園雜，係淘佬店家送嘅禮物，之前仲以為佢死咗，原來我換咗位都唔記得，死嘅係另一棵
因為係贈品，本來係雞肋，點知而家養到咁肥又出紅邊，好彩冇送走佢


提子色嘅紫玄月


露養嘅乙女心，控型肥美到同虹之玉差不多大棵


炎陽下嘅薄雪萬年草，一棵棵小球咁

夏日炎炎，都能夠有咁嘅顏色同狀態，實在太幸福啦

久違嘅太陽終於浦頭啦，今日返西環探下多肉，擺地面嗰啲俾雨水浸到死死下，太樣衰冇影相

好熱唔太想做嘢，只係同魯氏換個大盆，學老公仔師兄嘅水桶式種法：

雖然魯氏係大普貨，但就係深得我心
就黎開花啦：


之前砍頭（其實係手多整斷左）嘅蝴蝶之舞，生咗好多頭，好靚：


仲掃下雜草：

好鬼大棵不死鳥，生到彎彎曲曲，唔係整到啲仙人球，就係壓到人地隔離啲花，本來抆出黎諗住堆肥，點知丫媽一句：用花生殼仲好啦，就咁俾人車咗入垃圾桶

仲有好大棵蕾絲公主，有冇花友願意接手呢？

黎西環攞，留返個盆俾我

仲有好多仙人球，都想清走留位種景天：




仲有彭珊瑚：

好多靚肉

little_stone 發表於 2018-9-4 14:46
久違嘅太陽終於浦頭啦，今日返西環探下多肉，擺地面嗰啲俾雨水浸到死死下，太樣衰冇影相

MSCI 發表於 2018-9-11 10:45
好多靚肉

謝謝欣賞