今日好熱,話說真係唔想出街,老公都叫我「你冇事就唔好出去啦」,但我擔心啲肉肉嘛,就話「我去一陣就返,我怕佢地唔得掂」
於是我就急急腳返西環啦。衝上天台時,我仲預咗有啲肉咁熱可能有遮陽都頂唔順,好彩大家都仲健在
由上至下:乙女心、虹之玉、虹之玉錦、紅色漿果、紫米粒
露養嘅漿果比有遮陽嘅仲健康,可能係比較通風
特別護養區啲肉肉都幾好,就係子寶B 好鬼灰,我就帶返去屋企種。
最後,露養嘅生石花之前死下又一粒死下又一粒咁,今次一返到去就係睇佢地,仲以為冇事,點知走咗之後,睇返相先見到有粒正在死亡中...
好彩我走前有理冇理都將盆嘢放咗去下格。
三十幾度,都算係咁啦~ 就係唔知捱到幾耐..
總結,最唔得掂嘅係我啲網紋草,被我攞俾丫嫲種囉,我自己無論水種土培、室內露養,都係種極都種唔好 |